Andhra King Taluka OTT : ఎనర్జిటిక్ హీరో రామ్ పోతినేని ఫ్యాన్స్ ఈగర్ గా వెయిట్ చేస్తున్న మూవీ ‘ఆంధ్రా కింగ్ తాలూకా’ (Andhra King Taluka) ఓటీటీలో అడుగు పెట్టింది. కానీ ఈ మూవీ డిజిటల్ ఎంట్రీతో పాటు అంతకు మించిన గుడ్ న్యూస్ మరొకటి ఉంది. అదేంటో తెలుసుకుందాం పదండి.
రామ్ పోతినేని హీరోగా నటించిన ‘ఆంధ్రా కింగ్ తాలూకా’ అనే రొమాంటిక్ ఎంటర్టైనర్ ఇటీవలే థియేటర్లలో సందడి చేసింది. ఈ చిత్రంలో రామ్ హీరోగా నటిస్తే, భాగ్యశ్రీ బోర్సే కథానాయికగా నటించారు. కన్నడ సూపర్ స్టార్ ఉపేంద్ర కీలక పాత్రలో కన్పించారు. ఈ చిత్రానికి మహేష్ బాబు పచ్చిగొల్ల దర్శకత్వం వహించగా, మైత్రి మూవీ మేకర్స్ నిర్మించారు. రాజీవ్ కనకాల, రావు రమేష్, మురళీ శర్మ, రాహుల్ రామకృష్ణ తదితరులు సపోర్టింగ్ రోల్స్ పోషించారు. ఈ చిత్రానికి సంగీతం వివేక్-మెర్విన్ అందించారు.
నవంబర్లో థియేటర్లలో విడుదలైన ఈ చిత్రానికి మిక్స్డ్ టాక్ వచ్చింది. అయితే థియేటర్లలో ఈ మూవీ ప్రేక్షక ఆదరణను మాత్రం అంతంత మాత్రంగానే అందుకుంది. బాక్సాఫీస్ వద్ద బలమైన వసూళ్లు సాధించడంలో ఫెయిల్ అయ్యింది. బిగ్ స్క్రీన్ పై నిరాశ పరిచిన ఈ మూవీ ఇప్పుడు నెట్ఫ్లిక్స్ (Netflix)లో డిజిటల్ అరంగేట్రం చేసింది. అయితే స్ట్రీమింగ్ ప్లాట్ ఫామ్ ఇచ్చిన ట్విస్ట్ చూస్తుంటే ఈ సినిమా థియేటర్లలో కంటే ఓటీటీలోనే అదరగొట్టేలా కన్పిస్తోంది. ఎందుకంటే ఒరిజినల్ తెలుగు వెర్షన్తో పాటు, ఈ చిత్రం హిందీ, తమిళం, కన్నడ, మలయాళ భాషలలో కూడా అందుబాటులో ఉంది. కేవలం తెలుగులోనే రిలీజ్ అయిన ఈ మూవీ ఇప్పుడు పాన్ ఇండియా ఎంట్రీ ఇచ్చినట్టే.
Read Also : షార్ట్ కట్ లో కోటీశ్వరుడు కావాలనుకునే సిన్సియర్ పోలీస్ కొడుకు… క్లైమాక్స్ ట్విస్టుకి ఫ్యూజులు అవుట్
స్టార్ హీరో సూర్య (ఉపేంద్ర)ను ఫ్యాన్స్ ఆంధ్ర కింగ్ అని ఆరాధిస్తారు. కానీ అతన్ని ఒకానొక దశలో వరుస పరాజయాలు వెంటాడతాయి. ఈ ఎఫెక్ట్ కారణంగా హీరో గారి 100 వ మూవీ షూటింగ్ దశలోనే అర్ధాంతరంగా అటకెక్కుతుంది. ఆ సినిమా షూటింగ్ మళ్లీ షురూ కావలంటే 3 కోట్లు కావాలి. సూర్య ఎంతమందిని సహాయం అడిగినా ఫలితం లేకపోవడంతో, చివరికి తన ఇల్లు, కార్లు అమ్మే దారుణమైన పరిస్థితికి దిగజరుతాడు. ఈ నేపథ్యంలోనే సడన్ గా వీరాభిమాని సాగర్ పేరుతో సూర్య అకౌంట్ లో 3 కోట్లు పడతాయి. తనకు ముఖ పరిచయం కూడా లేని అభిమాని ఎందుకు ఇంత డబ్బు పంపాడో తెలుసుకోవడానికి హీరో సాగర్ ను వెతుక్కుంటూ బయల్దేరుతాడు. మరి ఈ సాగర్ ఎవరు ? మహాలక్ష్మితో అతని ప్రేమాయణం ఏమైంది? వీళ్ళు ఇద్దరి కోసం హీరో సూర్య ఏం చేశాడు? అన్నది స్టోరీ.
Share
Vintage Watches: మహిళల కోసం ఎలిగెంట్ వింటేజ్ వాచ్లు.. మీ ఫ్యాషన్కు సరికొత్త హుందాతనం
Rythu Bharosa: రైతు భరోసా పథకం రద్దు.. ఫ్యాక్ట్ చెక్ తెలంగాణ క్లారిటీ
