Revolver Rita Locks OTT: కీర్తి సురేష్ నటించిన క్రైం కామెడీ ఎంటర్టైనర్ ‘రివాల్వర్ రీటా’ ఇటీవల థియేటర్లలో విడుదలైంది. పెళ్లి తర్వాత ఆమె నుంచి వచ్చిన తొలి చిత్రమిది. దీంతో ఈ మూవీపై మంచి అంచనాలు నెలకొన్నాయి. నవంబర్ 28న థియేటర్లలో విడుదలైన ఈ చిత్రం యావరేజ్గా నిలిచింది. ఆశించిన స్థాయిలో మూవీ ఆకట్టుకోలేకపోయింది. కెరీర్ మొదటి నుంచి కీర్తికి హిట్స్ కంటే ప్లాప్సే ఎక్కువ. పెళ్లి తర్వాత అయినా ఆమె ఫేట్ మారి రివాల్వర్ రీటాతో సక్సెస్ బాట పడుతుందంటుకుంటే మూవీ దారుణంగా నిరాశ పరిచింది. దీంతో విడుదలైన రెండు మూడు వారాలకే ఈ చిత్రం థియేటర్ల నుంచి వచ్చేసింది.
ఇక థియేట్రికల్ రన్ పూర్తి చేసుకున్న ఈ చిత్రం ఇప్పుడు డిజిటల్ ప్రీమియర్కు రెడీ అయ్యింది. తాజాగా ఈ మూవీ ఓటీటీ రిలీజ్పై అధికారిక ప్రకటన వచ్చింది. కాగా కీర్తి సురేష్ ప్రధాన పాత్రలో రాధిక శరత్ కుమార్, సునీల్, అజయ్ గౌస్, రెడిన్ కింగ్స్లీ కీలక పాత్రలో నటించిన ఈ చిత్రాన్ని కామెడీ యాక్షన్ క్రైం డ్రామాగా జేకే చందు తెరకెక్కించారు. రిలీజ్కి ముందే ఈ మూవీ ఓటీటీ డీల్ పూర్తి చేసుకుంది. దిగ్గజ డిజిటల్ ప్లాట్ఫాం నెట్ఫ్లిక్స్ మూవీ ఓటీటీ రైట్స్ని సొంతం చేసుకుంది. ఇక ఒప్పందం ప్రకారం ఈ సినిమాను మరికొద్ది రోజుల్లో డిజిటల్ ప్రీమియర్స్ ఇచ్చేందుకు రెడీ అయ్యింది. క్రిస్మస్ కానుకగా డిసెంబర్ 26న మూవీని ఓటీటీలో స్ట్రీమింగ్కి ఇవ్వబోతుంది. తాజాగా దీనిపై అధికారిక ప్రకటన కూడా ఇచ్చింది. తమిళంలో తెరకెకకిన ఈ చిత్రం తెలుగులోనూ విడుదలైంది. అయితే ఓటీటీలో మాత్రం పాన్ ఇండియా భాషల్లో ఈ సినిమా అందుబాటులోకి రానుంది. తమిళ్, తెలుగులో పాటు మలయాళం, హిందీ, కన్నడలో భాషల్లోనూ రివాల్వర్ రీటా స్ట్రీమింగ్ కానుంది.
ఇక థియేటర్లలో మిస్ అయిన వారు ఇంట్లోనే ఈ సినిమా చూసి ఎంజాయ్ చేయండి. పాండిచ్చేరికి చెందిన రీటా(కీర్తి సురేశ్) నాన్న చిన్నప్పుడే ల్యాండ్ విషయంలో ఓ గ్యాంగ్స్టర్ చేసిన మోసాన్ని తట్టుకోలేక ఆత్మహత్య చేసుకుని చనిపోతాడు. తండ్రి మరణంతో కుటుంబ బాధ్యతను తీసుకున్న రీటా ఓ బేకరీలో పని చేస్తూ తన తల్లి చెల్లమ్మ(రాధిక శరత్కుమార్), ఇద్దరు సొదరిమణులను పోషించుకుంటుంది. తన అక్క కూతురు తొలి పుట్టిన రోజును జరుపుకునేందుకు ఏర్పాట్లు చేస్తుండగా ఇంట్లోకి పాండిచ్చేరిలోనే పేరుమోసిన గ్యాంగ్స్టర్ పాండ్యన్(సూపర్ సుబ్బరాయన్) వస్తాడు. తాగిన మత్తులో దారితప్పి వచ్చిన ఆ గ్యాంగ్స్టర్తో రీటా ఫ్యామిలీకి చిన్న గొడవ జరుగుతుంది.
మాట మాట పెరిగి.. రీటా తల్లి అతన్ని కిందకు తోసేయ్యగా.. తలకు గట్టిదెబ్బ తగిలి చనిపోతాడు. ఈ విషయం తెలిస్తే పాండ్య కొడుకు బాబీ(సునీల్)కచ్చితంగా తమని చంపేస్తాడనే భయంలో శవాన్ని ఇంట్లోనే దాచి బర్త్డేని సెలెబ్రేట్ చేసుకుంటారు. మరుసటి రోజు ఓ కారులో ఆ శవాన్ని తరలించేందుకు ప్రయత్నిస్తారు. ఇంతలోనే తండ్రి ఇంట్లో లేడనే విషయం బాబీకి తెలిసి తనదైన శైలీలో వెతుకుతుంటాడు. మరోవైపు పాండ్య శవాన్ని రీటా ఇంటి నుంచి దొంగిలించి.. మరో డాన్ నర్సిరెడ్డి(అజయ్ గోష్) అప్పగించి రూ. 5 కోట్లు తీసుకోవాలి ఓ గ్యాంగ్ ప్రయత్నిస్తుంటుంది. అదే సమయంలో రీటాపై పగ పెంచుకున్న సీఐ(జాన్ విజయ్)కి ఆమె ఓ కారుని దొంగతనంగా కొనుగోలు చేసిందనే విషయం తెలిసి అరెస్ట్ చేసేందుకు ప్రయత్నిస్తుంటాడు. ఇద్దరు గ్యాంగ్స్టర్స్, పోలీసుల మధ్య నుంచి రీటా తన ఫ్యామిలీని ఎలా కాపాడుకుందునేది రివాల్వర్ రీటా కథ.
Also Read: The Raja Saab: అది మా అంతర్గతం.. ‘ది రాజాసాబ్’ రూమర్స్పై నిర్మాత అసహనం
Apdi handbag la weapons irukura alavuku avanga yaaru? 🔫😱 pic.twitter.com/gD2dXvQxcx
— Netflix India South (@Netflix_INSouth) December 21, 2025
Share
AI Celebrities Selfie Video: సెలబ్రిటీలతో సెల్ఫీ.. ఈ లేటెస్ట్ ట్రెండీ వీడియో చేయడం చాలా ఈజీ
Top 20 News: రాజకీయం చేస్తే హీరోయిజంలా ఉండాలి.. ఎమ్మెల్యే పాయం, సోనియా గాంధీకి బహిరంగ లేఖ.. కిషన్ రెడ్డి
