Romantic Comedy OTT : ఒక మాంచి నవ్వులాట, అలాగే కొంచెం మనసుకి హత్తుకునే సినిమా గురించి చూస్తున్నారా ? అయితే ఇప్పుడు చెప్పుకోబోయే సినిమాపై ఓ లుక్ వేయండి. థియేటర్లలో హిట్ అయిన ఈ హాలీవుడ్ సినిమా చాలా సరదాగా ఉంటుంది. ఇందులో ఒక లవ్ స్టోరీ చాలా ఇంట్రెస్టింగ్ గా ఉంటుంది. ఒక దీవిలో ఈ కథ మొదలవుతుంది. ఒక లాటరీ గెలిచిన వ్యక్తి, విడిపోయిన ప్రేమికులను కలిపి వాళ్ళ ద్వారా మ్యూజిక్ షో ఏర్పాటు చేయాలనుకుంటాడు. ఈ క్రమంలో స్టోరీ ఆసక్తికరంగా సాగుతుంది.
2025లో వచ్చిన ఈ బ్రిటిష్ కామెడీ మూవీ పేరు ‘ది బ్యాలడ్ ఆఫ్ వాలిస్ ఐలాండ్’ (The Ballad of Wallis Island). ఇందులో టిమ్ కీ, కారీ ముల్లిగాన్, టామ్ బాస్డెన్ ప్రధాన పాత్రలు పోషించారు. ఈ చిత్రం కేవలం థియేటర్లలోనే కాకుండా సన్ డాన్స్, SXSW వంటి ఇంటర్నేషనల్ ఫిల్మ్ ఫెస్టివల్స్ లో విమర్శకుల ప్రశంసలు అందుకుంది. ప్రస్తుతం ఈ సినిమా JioHotstar, Amazon Prime Videoలో అందుబాటులో ఉంది.
ఈ కథలో ఒక వ్యక్తికి లాటరీలో భారీగా డబ్బు వస్తుంది. దాంతో అతను ఒక నిర్మానుష్యమైన ద్వీపానికి వెళ్లిపోయి, అక్కడ ఒంటరిగా విలాసవంతమైన జీవితం గడుపుతుంటాడు. అయితే అతనికి ఒక పాత మ్యూజిక్ బ్యాండ్ అంటే విపరీతమైన పిచ్చి. ఆ బ్యాండ్లో ఒకప్పుడు ప్రేమికులుగా ఉండి, తర్వాత గొడవపడి విడిపోయిన ఇద్దరు సింగర్లను మళ్ళీ కలపాలని వాడు ఒక మాస్టర్ ప్లాన్ వేస్తాడు. ఒక పెద్ద మ్యూజిక్ ఫెస్టివల్ జరుగుతుందని అబద్ధం చెప్పి, ఆ ఇద్దరినీ తన ద్వీపానికి రప్పిస్తాడు. తీరా అక్కడికి వెళ్ళాక, అక్కడ వేలమంది జనం ఎవరూ లేరని, కేవలం ఈ ఒక్కడి కోసమే తాము ప్రదర్శన ఇవ్వాలని వాళ్ళకి అర్థమవుతుంది. ఆ చిన్న ద్వీపంలో, బయటి ప్రపంచంతో సంబంధం లేకుండా ఆ విడిపోయిన పాత ప్రేమికులిద్దరూ ఇప్పుడు ఒకరినొకరు భరించాల్సి వస్తుంది. ఆ ద్వీపంలో వాళ్ళ మధ్య జరిగే పాత గొడవలు, ఈ వింత మనిషి చేసే పనులు కథను నవ్వుతూ సాగిస్తాయి. చివరికి విడిపోయిన ఆ ఇద్దరు కళాకారులు మళ్ళీ కలిశారా లేదా అన్నదే ఈ సినిమాలో అసలు ట్విస్ట్.
Read Also : ఆర్మీ అడ్డాలో అదిరిపోయే వేట… నిజాన్ని నిగ్గు తేల్చే మేజర్… క్రేజీగా ప్రతి ఎపిసోడ్
Share
Koratala Siva: చాలా రోజుల తర్వాత మీడియా ముందుకు.. అదీ ‘పిఠాపురంలో’!
Mega Hero: మరోసారి మెగా హీరో మ్యారేజ్పై రూమర్స్.. ఆ హీరోయిన్తోనే అంటూ..!
