Romantic Drama OTT : కొన్ని సినిమాలలో కథలు చాలా విచిత్రంగా ఉంటాయి. సమాజం అస్సలు ఒప్పుకోని ఇలాంటి కథలను, దర్శకులు తమదైన స్టైల్ లో తీసి ప్రశంసలు అందుకుంటారు. అసలు ఈ సినిమాలో ఒక అమ్మాయికి తన సొంత అన్నయ్య మీద కలిగిన ఇష్టాన్ని చాలా సీరియస్గా చూపించారు. ఇందులో గందరగోళం, బాధ, ఒంటరితనం ఎక్కువగా కనిపిస్తాయి. మామూలు సినిమాల్లాగా ఇందులో పెద్దగా డైలాగులు ఉండవు. కేవలం విజువల్స్ ద్వారా, ఆ అమ్మాయి మనసులో కలిగే కలతను మనకు అర్థమయ్యేలా చూపిస్తారు. అందుకే ఇది అందరికీ నచ్చే సినిమా కాదు, సినిమాను ఒక కళలాగా చూసేవారికి మాత్రమే నచ్చుతుంది.
2018లో వచ్చిన ఈ స్విస్ డ్రామా మూవీ పేరు ‘మై బ్రదర్, మై లవ్ (My Brother, My Love). సినిమాను దర్శకుడు థామస్ ఇంబాచ్ చాలా విభిన్నమైన సినిమాటిక్ శైలిలో రూపొందించారు. లీనా అనే అమ్మాయి మనసులోని గందరగోళాన్ని చూపించడానికి కెమెరా యాంగిల్స్ ని ఒక కలలాగా చిత్రీకరించారు. ఈ మూవీ కేవలం ఒక వివాదాస్పద కథ మాత్రమే కాదు, మనిషిలోని ఒంటరితనాన్ని ప్రతిబింబించేలా తీశారు. ముఖ్యంగా లోకర్నో ఫిల్మ్ ఫెస్టివల్ వంటి అంతర్జాతీయ వేదికలపై ఈ సినిమా తనదైన ముద్ర వేసింది. నటీనటులు తమ పాత్రల్లో ఒదిగిపోయి నటించడం వల్ల, ఒక సున్నితమైన అంశాన్ని కూడా చాలా బాగా తెరకెక్కించగలిగారు. ప్రస్తుతం ఈ సినిమా ప్రైమ్ వీడియో, ముబి ఓటీటీలలో అందుబాటులో ఉంది.
లీనా అనే ఒక టీనేజ్ అమ్మాయి తన సొంత అన్నయ్య నోవాపై ఇష్టాన్ని పెంచుకుంటుంది. అది సమాజం ఒప్పుకోని బంధమని తెలిసినా, తన మనసును అదుపు చేసుకోలేకపోతుంది. బయటి ప్రపంచంతో సంబంధం లేకుండా, ఎప్పుడూ తన అన్నయ్య గురించి ఆలోచిస్తూ తనదైన ఒక ఊహాలోకంలో బతుకుతుంటుంది. ఆ పిచ్చి ప్రేమలో తనను తాను మర్చిపోయి లోలోపల నలిగిపోతుంటుంది. అయితే ఎంత కాలమని తన మనసులో మాటను దాచుకుంటుంది? ఒకరోజు ధైర్యం చేసి నోవా దగ్గర తన ప్రేమని బయటపెడుతుంది. అది విన్న నోవా షాక్ అవుతాడు. అది తప్పు అని, తామిద్దరూ తోడబుట్టిన వాళ్ళమని చెప్పి ఆమెను తిరస్కరిస్తాడు. తన ప్రాణం అనుకున్న అన్నయ్యే తనను అసహ్యించుకునేసరికి లీనా ప్రపంచం ఒక్కసారిగా కూలిపోతుంది. ఆ బాధను తట్టుకోవడం ఆమెకు కష్టమవుతుంది. చివరికి ఆమె ఒక నిర్ణయం తీసుకుంటుంది. అది ఎలాంటి నిర్ణయం ? ఈ కథ క్లైమాక్స్ ఏమిటి ? అనే విషయాలను ఈ సినిమాను చూసి తెలుసుకోవాల్సిందే.
Read Also : కుర్రాడితో ప్రేమలో పడే స్కూల్ హెడ్ మిస్ట్రెస్… ఆకట్టుకునే రొమాంటిక్ కామెడీ
Share
Today Movies in TV : శనివారం టీవీ సినిమాలు.. ఆ మూడు అస్సలు మిస్ అవ్వొద్దు..
చర్మం కాంతివంతంగా మారాలా? ఈ సహజసిద్ధమైన చిట్కాలను పాటించండి
