Romantic drama OTT : ఓటీటీలో అనేక సినిమాలు, సిరీస్లు వస్తున్నాయి. అయితే లెస్బియన్ నేపథ్యంలో చాలా తక్కువగానే ఉన్నాయి. అయితే ఇప్పుడు స్పోర్ట్స్ డ్రామాతో వచ్చిన ఈ కంటెంట్ ను ఆడియన్స్ కూడా క్రేజీగా చూస్తున్నారు. రీసెంట్ గా ఓటీటీలోకి వచ్చిన ఈ సిరీస్ 9/10 రేటింగ్ తో నడుస్తోంది. భారతదేశంలో స్వలింగ సంపర్కం నేరం కాదని చట్టం చెప్పినప్పటికీ, సామాజికంగా ఇంకా అనేక అవరోధాలు ఉన్నాయి. అయితే మీరు ఒక మంచి ప్రేమకథను, అది కూడా క్రీడల నేపథ్యంలో చూడాలనుకుంటే ఈ సిరీస్ ఒక గొప్ప అనుభూతినిస్తుంది. ఇది కేవలం ఒకసారి చూసి వదిలేసేది కాదు, మళ్ళీ మళ్ళీ చూడాలనిపించే ఒక మాస్టర్ పీస్.
రాచెల్ రీడ్ రాసిన బెస్ట్ సెల్లింగ్ నవల ‘గేమ్ ఛేంజర్స్’ ఆధారంగా దర్శకుడు జాకబ్ టైర్నీ ‘హీటెడ్ రైవల్రీ’ సిరీస్ను రూపొందించారు. ఇందులో షేన్ హాలెండర్గా హడ్సన్ విలియమ్స్, ఇల్యా రొజానోవ్గా కానర్ స్టోరీ నటించారు. ఇప్పుడు మన దేశంలో ‘లయన్స్గేట్ ప్లే’ (Lionsgate Play) వేదికగా ఇది ఫిబ్రవరి 20 నుంచి అందుబాటులోకి వచ్చింది. ఈ ఆరు ఎపిసోడ్ల సిరీస్ ప్రజాదరణను చూసి, రెండవ సీజన్ను కూడా ఇప్పటికే ఖరారు చేశారు. ఇది రాచెల్ రీడ్ తదుపరి నవల ‘ది లాంగ్ గేమ్’ (The Long Game) ఆధారంగా రూపొందనుంది. దీని షూటింగ్ 2026లో ప్రారంభమై, 2027 ప్రారంభంలో విడుదలయ్యే అవకాశం ఉంది.
ఐస్ హాకీ క్రీడలో ప్రత్యర్థులైన ఇద్దరు ఆటగాళ్ల చుట్టూ ఈ కథ తిరుగుతుంది. ఒకరు కెనడియన్ ప్లేయర్ షేన్ హాలండర్ (హడ్సన్ విలియమ్స్), మరొకరు రష్యన్ ఆటగాడు ఇల్యా రోజనోవ్ (కానర్ స్టోరీ). వీళ్ళిద్దరూ ఆటలో బద్ధ శత్రువులు, ఒకరినొకరు అస్సలు ఇష్టపడరు. కానీ అందరికీ తెలిసింది కేవలం వాళ్ల మధ్య ఉన్న పోటీ మాత్రమే. అసలు విషయం ఏంటంటే, ఎవరికీ తెలియకుండా వీళ్ళిద్దరి మధ్య ఒక రహస్య ప్రేమ బంధం పదేళ్ల పాటు కొనసాగుతుంది. ఆటలో గెలవాలనే పట్టుదల, సమాజం ఏమనుకుంటుందో అనే భయం మధ్య వీళ్ళు తమ ప్రేమను ఎలా కాపాడుకున్నారనేది చాలా ఆసక్తికరంగా ఉంటుంది.
ఇక మైదానంలో తలపడేటప్పుడు రగిలే పంతాలు, వ్యక్తిగతంగా కలిసినప్పుడు ఉండే ఎమోషన్స్ మధ్య కథ సాగుతుంది. షేన్ చాలా పద్ధతిగా ఉంటే, ఇల్యా కాస్త అల్లరిగా, ముక్కుసూటిగా ఉంటాడు. వీరిద్దరి భిన్నమైన వ్యక్తిత్వాలు ఒకరినొకరు ఎలా ఆకర్షించాయి ? ప్రపంచానికి తెలియకుండా తమ రిలేషన్షిప్ని ఎలా మెయింటైన్ చేశారు ? అనేది ఈ సిరీస్లో ప్రధానంగా చూపించారు. స్పోర్ట్స్ బ్యాక్డ్రాప్లో సాగే ఒక ఎమోషనల్ అండ్ రొమాంటిక్ జర్నీ ఇది.
Share
Blue Drum Horror: బ్లూ డ్రమ్ హత్య కలకలం.. బిజినెస్మేన్ని చంపిన కొడుకు, సోదరి ముందే ఆ పని
Bhatti Vikramarka: రాహుల్ గాంధీ ప్రధాని అయితే వాటంన్నిటికి పరిష్కారం..?
