Romantic Drama OTT : ఒక మగాడు తనకన్నా చాలా తక్కువ వయసు అమ్మాయిని పెళ్లి చేసుకుంటే సమాజం ఏమనదు కానీ, ఆడది చిన్నోడిని ప్రేమిస్తే రచ్చ చేస్తుంది. ఈ పాయింట్ ఆధారంగా ఓ సినిమా రూపొందింది. ఈ కథ సోలిన్ అనే 40 ఏళ్ల ఒంటరి తల్లి, హేయ్స్ కాంప్బెల్ అనే 24 ఏళ్ల పాప్ స్టార్ చుట్టూ తిరుగుతుంది. వీళ్లిద్దరి మధ్య వయసు చాలా తేడా ఉన్నప్పటికీ, వాళ్ళ మధ్య ప్రేమ మొదలవుతుంది. ఇది ఒక రియల్ స్టోరీ ఆధారంగా తెరకెక్కింది. క్లైమాక్స్ వరకు ఈ సినిమా ఆసక్తిగా సాగుతుంది.
ఈ రొమాంటిక్ మూవీ పేరు ‘ది ఐడియా ఆఫ్ యూ’ (The Idea of You). ఇందులో అన్నే హాత్వే, నికోలస్ గాలిట్జైన్ ప్రధాన పాత్రలు పోషించారు. ఈ కథలోని హీరో హేయ్స్ కాంప్బెల్ పాత్ర, రియల్ లైఫ్ పాప్ స్టార్ హ్యారీ స్టైల్స్ ఆధారంగా రాశారని గట్టి టాక్. రచయిత్రి రాబిన్ లీ మొదట్లో ఒప్పుకోకపోయినా, హ్యారీ స్టైల్స్ వీడియోలు చూసి ఇన్ స్పైర్ అయ్యానని తర్వాత హింట్ ఇచ్చింది. నిజ జీవితంలో కూడా అన్నే హాత్వే (41), నికోలస్ గాలిట్జైన్ (29) మధ్య వయసు తేడా ఉండటంతో ఆ కెమిస్ట్రీ బాగా కుదిరింది. ఇది ప్రస్తుతం అమెజాన్ ప్రైమ్ వీడియో (Amazon Prime Video) లో అందుబాటులో ఉంది.
కథలో హీరోయిన్ సోలిన్ 40 ఏళ్ల సింగిల్ మదర్. తన కూతురిని తీసుకొని ఒక పెద్ద మ్యూజిక్ ఫెస్టివల్కు వెళ్తుంది. అక్కడ అనుకోకుండా హేయ్స్ అనే కుర్రాడిని కలుస్తుంది. అతను మామూలోడు కాదు, ప్రపంచవ్యాప్తంగా పిచ్చ క్రేజ్ ఉన్న ఒక పెద్ద పాప్ స్టార్. వయసులో అతను హీరోయిన్ కంటే 16 ఏళ్లు చిన్నోడు. కానీ చూడగానే మనోడు హీరోయిన్ కి పడిపోతాడు. పెద్ద పెద్ద కళ్లు, మెచ్యూరిటీ చూసి ఫిదా అయిపోయి, ఆమె వెనకాల పడతాడు. హీరోయిన్ మొదట్లో అరేయ్ బాబు.. నాకు కూతురు ఉంది, నీకు నాకు సెట్ కాదని వారించినా, అతను మాత్రం వదలడు.
మొత్తానికి ఇద్దరి మధ్య లవ్ ట్రాక్ మొదలవుతుంది. అయితే ఈ విషయం బయట పడగానే మీడియా, జనం ఊరుకుంటారా? ముసలమ్మకు దసరా పండుగ అన్నట్టు సోషల్ మీడియాలో ట్రోలింగ్ మొదలుపెడతారు. పాప్ స్టార్ ఫ్యాన్స్ అయితే ఆమెను టార్గెట్ చేసి నానా రచ్చ చేస్తారు. ఆ ఒత్తిడి తట్టుకోలేక ఇద్దరి మధ్య గొడవలు, బ్రేకప్లు కూడా అవుతాయి. అయితే విడిపోయిన ఐదేళ్ల తరువాత ఊహించని మలుపు ఉంటుంది. ఆ మలుపు ఏమిటి ? వీళ్ళు మళ్లీ కలుస్తారా ? అనే విషయాలను, ఈ సినిమాను చూసి తెలుసుకొనాల్సిందే.
Read Also : కాబోయే మొగుడు ఇంకో పిల్లతో… లోకం చూపించే కొత్త ప్రియుడు… కన్నీళ్ళు పెట్టించే క్లైమాక్స్
Share
Today Movies in TV : బుధవారం టీవీ సినిమాలు.. ఆ నాలుగు డోంట్ మిస్..
Lokesh kanakaraj : ఏంటి గురు ఇది.. సినిమాల్లోకి రాకముందు ఆ పని చేశావా..?
