Romantic Drama OTT : కొన్ని లో బడ్జెట్ సినిమాలు సంచలనాలు సృష్టిస్తుంటాయి. నిర్మాతలకు కాసుల వర్షం కూడా కురిపిస్తుంటాయి. ఇప్పుడు మనం చెప్పుకోబోయే మూవీలో కనీసం సిక్స్ ప్యాక్ హీరో కూడా ఉండడు. కేవలం ఒక కామెడీ ఫేస్ తో ఈ సినిమాని తీయడం జరిగింది. అయితే ఆడియన్స్ ఈ సినిమాకి బ్రహ్మారథం పట్టారు. ఇది అతి తక్కువ బడ్జెట్తో రూపొంది, బాక్సాఫీస్ వద్ద భారీ విజయాన్ని సాధించి రికార్డు సృష్టించింది. ఈ సినిమా కథ మొత్తం జపాన్లోని సప్పోరో నగరంలో జరుగుతుంది. అక్కడ ఉండే మంచు, అందమైన లొకేషన్లు సినిమాకి పెద్ద ప్లస్ అయ్యాయి. ఈ సినిమా రిలీజ్ అయ్యాక, జపాన్లోని ఆ ప్రాంతానికి వెళ్లే టూరిస్టుల సంఖ్య కూడా పెరిగిందట! మరి ఆ సినిమా పేరు ? ఏ ఓటీటీలో ఉంది ? అనే వివరాల్లోకి వెళ్తే..
ఈ ఫిలిప్పీన్ రొమాంటిక్ కామెడీ సినిమా పేరు ‘కిట కిట’ (Kita Kita). అనేది 2017లో వచ్చిన ఈ సినిమా సిగ్రిడ్ ఆండ్రియా పి. బెర్నార్డో దర్శకత్వంలో తెరకెక్కింది. ఇందులో అలెశాండ్రా డి రోస్సీ (లీయా పాత్రలో), ఎంపోయ్ మార్క్వెజ్ (టోన్యో పాత్రలో) నటించారు. ఇక ఈ సినిమా తీయడానికి పెట్టిన ఖర్చు కేవలం 10 మిలియన్ల రూపాయలు (ఫిలిప్పీన్ కరెన్సీలో). కానీ థియేటర్లలో ఇది వసూలు చేసింది ఏకంగా 320 మిలియన్లు! అంటే పెట్టిన దానికి 30 రెట్లు లాభం అన్నమాట. ఫిలిప్పీన్స్ సినిమా చరిత్రలోనే అత్యధిక వసూళ్లు రాబట్టిన ఇండిపెండెంట్ సినిమాగా ఇది రికార్డు సృష్టించింది. ఈ సినిమా సూపర్ హిట్ అవ్వడంతో దీనిని వేరే భాషల్లోకి కూడా తీశారు. కన్నడలో “అమ్మ ఐ లవ్ యూ” అని చిరంజీవి సర్జా హీరోగా రీమేక్ చేశారు. అప్పట్లో సూర్య కూడా ఈ సినిమా హక్కులు తీసుకున్నారని టాక్ నడిచింది, కానీ పట్టాలెక్కలేదు. ప్రస్తుతం ఈ సినిమా ప్రైమ్ వీడియో (Prime Video)లో అందుబాటులో ఉంది.
జపాన్ దేశంలో మన తెలుగు అమ్మాయి లాంటి ఒక ఫిలిప్పీన్ అమ్మాయి (లీయా) టూర్ గైడ్గా పనిచేస్తుంటుంది. అయితే తన కాబోయేవాడు ఇంకో పిల్లతో తిరగడం కళ్ళారా చూసి, ఆ షాక్లో పాపం తనకి కళ్ళు కనిపించకుండా పోతాయి. ఆ బాధలో ఉన్నప్పుడు, ఒక సరదా కుర్రాడు (టోన్యో) ఆమె ఇంటి పక్కన చేరతాడు. అతను చూడటానికి అంత అందగాడు కాకపోయినా, ఆమెకి ఏవేవో వండి పెట్టడం, జోకులు వేయడం చేస్తూ మెల్లగా ఆమె మనసు గెలుచుకుంటాడు. అతను చేసే అల్లరి, చూపించే ప్రేమకి ఆ అమ్మాయి పడిపోద్ది. కళ్ళు కనిపించకపోయినా వాడి మాటల మీద నమ్మకంతో ఇద్దరూ కలిసి జపాన్ రోడ్ల మీద తిరుగుతూ తెగ ఎంజాయ్ చేస్తారు.
కట్ చేస్తే, ఆమెకి మళ్ళీ కళ్ళు వస్తాయనే టైమ్లో ఒక పెద్ద ట్విస్ట్ ఎదురవుతుంది. అసలు టోన్యో ఆ అమ్మాయి జీవితంలోకి ఊరికే రాలేదు, దాని వెనుక ఒక పెద్ద ఫ్లాష్బ్యాక్ ఉంటుంది. క్లైమాక్స్ ఏంటంటే, ఇప్పుడు టోన్యో ఒక యాక్సిడెంట్లో చనిపోతాడు. అప్పుడు ఆ అమ్మాయికి కళ్ళు వస్తాయి. తీరా చూస్తే, అతను తన గురించి రాసుకున్న డైరీ కనిపిస్తుంది. అందులో ఏముంటదంటే.. ఆ అమ్మాయికి కళ్ళు ఉన్నప్పటి నుంచే టోన్యో ఆమెను ఫాలో అవుతూ ఉంటాడు. ఆమెకి చూపు పోయినప్పుడు వాడే తోడుగా నిలబడ్డాడని తెలిసి ఏడుస్తుంది. ఈ క్లైమాక్స్ మాత్రం అందరినీ ఏడిపిస్తుంది. అయితే ఒక మంచి ఫీలింగ్ వస్తుంది ఈ సినిమాను చూస్తే.
Read Also : ప్రేక్షకుల మనసును దోచిన బీటెక్ ప్రేమ… మూడు సీజన్లతో ముచ్చటగా
Share
Intinti Ramayanam Today Episode: పల్లవికి ఎన్ని కష్టాలో.. రాజేశ్వరిపై పార్వతి కౌంటర్.. అవని దెబ్బకు పల్లవి ఫ్యూజుల్ అవుట్..
AC Service Expense: ఏసి సర్వీస్ కోసం ఎక్కువ ఖర్చు చేస్తున్నారా? క్లీనింగ్, గ్యాస్ ఫిల్లింగ్, రిపేర్ల కోసం ఎంత చెల్లించాలంటే
