Romantic Movie OTT : కొన్ని సినిమాలు స్టోరీ మొత్తం ఒకలా ఉంటే, క్లైమాక్స్ మరోలా ఉంటుంది. మైండ్ బ్లాక్ చేస్తుంటాయి ఈ సినిమాలు. ఇప్పుడు మనం చెప్పుకోబోయే సినిమా సైకలాజికల్ థ్రిల్లర్ జానర్ లో ఉంటుంది. అయితే రొమాంటిక్ సన్నివేశాలు ఇందులో ఓ రేంజ్ లో ఉంటాయి. ఒక అమ్మాయి ఇందులో అన్నదమ్ములతో నడిపే వ్యవహారం మామూలుగా ఉండదు. ఇక ఈ సినిమాను ఒంటరిగా చూడటమే మంచిది. ఎందుకంటే ఇందులో అలాంటి సీన్లే ఎక్కువ ఉంటాయి. క్లైమాక్స్ అయితే ఊహకు కూడా అందదు.
ఈ ఫ్రెంచ్ ఫ్రెంచ్ ఎరోటిక్ సైకలాజికల్ థ్రిల్లర్ సినిమా పేరు ‘డబుల్ లవర్’ (Double Lover). 2017లో వచ్చిన ఈ సినిమా ప్రముఖ దర్శకుడు ఫ్రాంకోయిస్ ఓజోన్ దర్శకత్వం వహించారు. ఇందులో మెరైన్ వాక్త్, జెరెమీ రేనియర్ లీడ్ రోల్స్ లో నటించారు. జోయిస్ కరోల్ ఓట్స్ రాసిన ‘లైవ్స్ ఆఫ్ ది ట్విన్స్’ అనే నవల ఆధారంగా ఈ సినిమా రూపొందింది. ఈ సినిమా ప్రస్తుతం MUBI (ముబి) ప్లాట్ఫామ్లో అందుబాటులో ఉంది. మీకు సబ్స్క్రిప్షన్ ఉంటే నేరుగా చూడవచ్చు. Apple TVలో ఈ సినిమాను అద్దెకు తీసుకోవచ్చు.
క్లోయ్ అనే అమ్మాయికి ఎప్పుడూ కడుపులో నొప్పి వస్తుంటుంది. డాక్టర్ల సమస్య ఏం లేదని ఇది ఒంట్లో జబ్బు కాదు.. ఏదో మనసులో బాధ వల్ల వస్తుందని చెప్పి ఓ సైకాలజిస్ట్ దగ్గరికి పంపిస్తారు. అక్కడే పాల్ అనే సైకాలజిస్ట్ తో ఆమెకు పరిచయం అవుతుంది. చూడ్డానికి సాఫ్ట్గా, బుద్ధిమంతుడిలా ఉండే సరికి మనసు కూడా పారేసుకుంటుంది క్లోయ్. ఇద్దరూ కొన్నాళ్ళు ప్రేమించుకుని, ఒకే ఇంట్లో కాపురం కూడా పెట్టేస్తారు. అంతా బాగుంది అనుకున్న టైమ్లో అసలు కథ మొదలవుతుంది.
ఓ రోజు క్లోయ్కి ఒక షాకింగ్ విషయం తెలుస్తుంది. పాల్ కి అచ్చు తనలాగే ఉండే లూయిస్ అనే కవల సోదరుడు ఇంకొకడు ఉన్నాడని, అతను కూడా అదే వృత్తిలో ఉన్నట్లు తెలుస్తుంది. కానీ అతను మహా ముదురు. పాల్ది నెమ్మదైన స్వభావం అయితే, లూయిస్ది మాత్రం పచ్చి బూతు బుద్ధి. క్లోయ్ని చూడగానే లైన్లో పెట్టేస్తాడు. ఈమె కూడా అతనికి పడిపోయి, పాల్ కి తెలియకుండా అతనితో కూడా సంబంధం పెట్టుకుంటుంది. చివరికి ఆమె కడుపునొప్పి వెనుక ఉన్న అసలు కారణం బయటపడే సరికి సినిమా పీక్స్కి వెళ్తుంది. ఆ చివర్లో వచ్చే ట్విస్ట్ చూస్తే ఎవరికైనా బుర్ర తిరిగిపోవాల్సిందే. ఆ ట్విస్ట్ ఏమిటి ? క్లోయ్ కడుపు నొప్పికి, కవలలకు సంబంధం ఏమిటి ? క్లోయ్ వ్యవహారం పాల్ కి తెలుస్తుందా ? అనే విషయాలను, ఈ సినిమాను చూసి తెలుసుకోండి.
Read Also : మిస్సింగ్ కేసుతో మొదలయ్యే మర్డర్ కేసు… 2 గంటల పాటు సీట్ ఎడ్జ్ లో ఉంచే కన్నడ క్రైమ్ థ్రిల్లర్
Share
Vivo Discount: 6500mAh బ్యాటరీ, 50MP కెమెరాలగల వివో లేటెస్ట్ ఫోన్పై రూ.10000 డిస్కౌంట్.. లిమిటెడ్ ఆఫర్
Fuel Credit Cards: ఇంధన ఖర్చుల్లో ఆదా.. బెస్ట్ ఫ్యూయల్ క్రెడిట్ కార్డులు, ఆఫర్లు ఇవే
