Suspense Thriller OTT : సస్పెన్స్ థ్రిల్లర్ సినిమాలను చూసేటప్పుడు ప్రేక్షకుల మెదడు కూడా చురుకుగా పనిచేస్తుంటుంది. ఇక ఈ కథలలో చివరి నిమిషం వరకు అసలు మిస్టరీని రివీల్ చెయ్యకుండా, ఉత్కంఠంగా నడిపిస్తుంటారు దర్శకులు. అలాంటి సినిమా ఒకటి, ఆశ్చర్యపరిచే మలుపులతో ప్రేక్షకులను కట్టిపడేసింది. చాలామంది ఈ సినిమాను ‘దృశ్యం’ వంటి సినిమాతో పోల్చారు కూడా. ఈ కన్నడ సినిమా బాక్స్ ఆఫీస్ వద్ద మంచి విజయాన్ని అందుకుంది కూడా. దీని పేరు ఏమిటి ? ఏ ఓటీటీలో ఉంది ? అనే వివరాల్లోకి వెళ్తే…
కన్నడలో రూపొందిన ఈ సస్పెన్స్ క్రైమ్ థ్రిల్లర్ సినిమా పేరు ‘తత్సమ తద్భవ’ (Tatsama Tadbhava). 2023లో వచ్చిన ఈ సినిమా, విడుదలైన వెంటనే మంచి ఓపెనింగ్స్ సాధించింది. ఆ సంవత్సరంలో కన్నడ చిత్రసీమలో అత్యధిక వసూళ్లు సాధించిన టాప్ 10 చిత్రాలలో ఒకటిగా నిలిచింది. విశాల్ ఆత్రేయ దర్శకత్వం వహించిన ఈ మూవీ, విమర్శకుల నుండి ప్రశంసలు అందుకుంది. IMDbలో ఈ చిత్రానికి 7.5 అద్భుతమైన రేటింగ్ ఉండటమే దీని విజయాన్ని అంచనా వేయవచ్చు. మేఘనా రాజ్, ప్రజ్జ్వల్ దేవరాజ్ నటించిన ఈ చిత్రం సుమారు 2 గంటల 2 నిమిషాల నిడివి కలిగి ఉంది. ప్రస్తుతం ఈ సినిమా Amazon Prime Video లో స్ట్రీమింగ్ అవుతోంది. ఇది కన్నడ సినిమా అయినప్పటికీ, తెలుగు డబ్బింగ్ వెర్షన్లో కూడా అందుబాటులో ఉంది.
కథ మొదలవ్వడమే ఒక పెద్ద షాకింగ్ సీన్తో మొదలవుతుంది. అరిక (మేఘనా రాజ్) అనే మహిళ కంగారు పడిపోతూ పోలీస్ స్టేషన్కి వెళ్లి, తన భర్త సంజయ్ కనిపించడం లేదని కంప్లయింట్ ఇస్తుంది. అసలే పెళ్లి రోజు ఫంక్షన్ జరుగుతుండగా భర్త మాయం కావడంతో ఇంట్లో అందరూ టెన్షన్ పడుతుంటారు. ఈ కేసును డీల్ చేయడానికి ఇన్వెస్టిగేషన్ ఆఫీసర్ అరవింద్ (ప్రజ్వల్ దేవరాజ్) సీన్లోకి ఎంట్రీ ఇస్తాడు. ఆయన అడిగే ప్రశ్నలకు, అరిక ఇచ్చే సమాధానాలకు ఎక్కడా పొంతన ఉండదు. దాంతో ఈమె ఏదో దాస్తుందని అరవింద్కి డౌట్ కొడుతుంది.
తీరా చూస్తే, అదృశ్యమయ్యాడు అనుకున్న మొగుడు శవం వాళ్ళ ఇంట్లోనే కుళ్ళిపోయి కనిపిస్తుంది. దీంతో పోలీసులు అరికనే మెయిన్ విలన్ అని ఫిక్స్ అయిపోయి ఎంక్వైరీ మొదలుపెడతారు. కానీ ఇక్కడే అసలు ఆట మొదలవుతుంది. మధ్యలో ఇంకో వ్యక్తి వచ్చి, ఈమె పేరు అరిక కాదు అకిరా అని, ఆమె తన లవర్ అని కొత్త మలుపు తిప్పుతాడు. దీంతో అసలు ఆమె ఎవరో, ఎందుకు అబద్ధాలు ఆడుతుందో ఎవరికీ అర్థం కాదు. అసలు ఆ మొగుడిని చంపింది ఈమెనా? లేక ఈమె ముసుగులో ఇంకెవరైనా ఉన్నారా? అరవింద్ ఈ కేసులో బయటకు తెచ్చే నిజాలు ఏమిటి ? అనే విషయాలతో క్లైమాక్స్ మరింత ఉత్కంఠంగా సాగుతుంది.
Read Also : అగచాట్లు పెట్టే పిల్ల పిశాచి… గుండె దడ పెంచే సీన్లు… వణికించే సౌండ్లు
Share
Fantasy Drama OTT : దేవుడి కోరికను తీర్చే మనిషి... ఓటీటీలోకి మలయాళ ఫాంటసీ డ్రామా... ఎక్కడ చూడచ్చు అంటే
Romantic Movie OTT: అద్దెకు వచ్చిన అబ్బాయితో అరాచకం... స్పర్శ కావాలంటూ పాడు పనులు... పెద్దోళ్ల సినిమా
