Romantic Movie OTT : రొమాంటిక్ సినిమాలు రకరకాల కథలతో వస్తూ ఉంటాయి. ఇక వీటిల్లో కొన్ని కథలు చాలా డిఫరెంట్ గా ఉంటాయి. అందులో కూడా ట్రయాంగిల్ లవ్ స్టోరీలు ఇచ్చే మజా వేరే సినిమాలు కూడా ఇవ్వవు. ఇక విషయానికి వస్తే ఇప్పుడు మనం చెప్పుకోబోయే సినిమా ట్రయాంగిల్ లవ్ స్టోరీ ఉంటుంది. అయితే ఇది అలాంటి ఇలాంటి స్టోరీ కాదు. ఇందులో ఇద్దరు అబ్బాయిలు పెళ్లి చేసుకుంటారు. ఆ తరువాత వీళ్ళ లైఫ్ లోకి ఒక అమ్మాయి వస్తుంది. దీంతో ఇక్కడ జరిగే రగడ మాములుగా అయితే ఉండదు. ఆడియన్స్ కూడా పిచ్చెక్కిపోతోంది. రిలీజ్ కి ముందే ఈ రొమాంటిక్ సినిమా వివాదాలను మూటగట్టుకుంది.
ఈ క్రేజీ లవ్ ట్రయాంగిల్ డ్రామా పేరు ‘ప్యాసేజెస్’ (Passages). ఈ ఫ్రెంచ్ మూవీ పారిస్ సిటీ బ్యాక్‌డ్రాప్‌లో సాగుతుంది. ఇరా సాచ్స్ దర్శకత్వం వహించిన ఈ సినిమా, సీరియస్ డ్రామాలు, రిలేషన్ షిప్ కథలు నచ్చితే ఈ సినిమా డెఫినెట్‌గా నచ్చుతుంది. ఇందులో ఫ్రాంజ్ రోగోవ్స్కీ, బెన్ విషా, అడెల్ ఎక్సార్కోపౌలోస్ లీడ్ రోల్స్ లో నటించారు. ఇది 2023 ఆగస్టు 4న యునైటెడ్ స్టేట్స్‌లో ముబి ద్వారా థియేటర్లలో విడుదలైంది. ప్రస్తుతం ఇది MUBI యాప్‌లో స్ట్రీమ్ అవుతోంది. ఇందులో కొన్ని బోల్డ్ సీన్స్ ఉన్నాయని అమెరికాలో పెద్ద గొడవ జరిగింది. అందుకే దీనికి చాలా సెన్సార్ కట్స్ అడిగారు. కానీ డైరెక్టర్ ఒప్పుకోకుండా అలాగే రిలీజ్ చేశారు.
పారిస్‌లో టోమస్, మార్టిన్ అనే ఇద్దరు అబ్బాయిలు పెళ్లి చేసుకుని హాయిగా సంసారం చేసుకుంటూ ఉంటారు. టోమస్ ఒక సినిమా డైరెక్టర్. అయితే ఒకరోజు షూటింగ్ అయిపోయాక జరిగిన పార్టీలో టోమస్‌కి అగాథే అనే అమ్మాయి పరిచయం అవుతుంది. భార్యాభర్తల్లా ఉన్న మార్టిన్‌ని కాదని, టోమస్ ఆ అమ్మాయితో ఎఫైర్ పెట్టుకుంటాడు. ఈ విషయం తెలియగానే వాళ్ల ఇంట్లో గొడవలు మొదలవుతాయి.
ఇక టోమస్, అగాథేతో ప్రేమలో ఉన్నానని చెప్పి మార్టిన్‌ని వదిలేసి ఆమెతో ఉండటానికి వెళ్తాడు. కానీ తీరా అక్కడికి వెళ్ళాక మళ్ళీ మార్టిన్ గుర్తొస్తాడు. మార్టిన్ వేరే వాడితో డేటింగ్‌కి వెళ్తుంటే, టోమస్ తట్టుకోలేక మళ్ళీ అతని దగ్గరికి వెళ్తాడు. ఈ సమయంలో అటు అగాథే ప్రెగ్నెంట్ అవుతుంది. ఇటు మార్టిన్‌ని వదలడు టోమస్. తన స్వార్థం కోసం టోమస్ ఇద్దరి జీవితాలతో ఫుట్‌బాల్ ఆడుకుంటాడు.
టోమస్ చేసే ఈ పిల్లి గంతులు చూసి అటు అగాథే, ఇటు మార్టిన్ ఇద్దరూ విసిగిపోతారు. వాడు అబద్ధాలు చెప్తూ ఇద్దరినీ వాడుకుంటున్నాడని వాళ్లకు అర్థమైపోతుంది. చివరకు కథలో షాకింగ్ క్లైమాక్స్ ఉంటుంది. చివరికి అగాథే మార్టిన్ ను వదిలేస్తుందా ? అయం అబార్షన్ చేయించుకుంటుందా ? మార్టిన్ కూడా అతనికి దూరంగా వెళ్లిపోతాడా ? ఈ కథ ఎలాంటి ముగింపును ఇస్తుంది ? అనే విషయాలను, ఈ సినిమాను చూసి తెలుసుకోండి.
Read Also : రక్తం రుచి మరిగిన సముద్రపు దొంగలు… ఓటీటీలో దుమ్ములేపుతున్న సిరీస్… తెలుగులోనూ స్ట్రీమింగ్
Share
Horror movie OTT: మాటలు రాని మంత్రగత్తె ... మైండ్ బ్లాక్ చేసే మాయలు... జడుసుకునే సీన్స్ కూడా
Political Thriller OTT : దేశం కోసం ప్రాణాలకు తెగించే టీచర్ ... యూత్ చూడాల్సిన పొలిటికల్ థ్రిల్లర్
