Sci -Fi Comedy Drama OTT : డ్రెస్ లో దూరే మస్కిటో… కట్ చేస్తే గుండె గల్లంతయ్యే ట్విస్ట్

Sci -Fi Comedy Drama OTT : ‘ఘోస్ట్‌బస్టర్స్’ వంటి హిట్ చిత్రాలను తీసిన ఐవాన్ రైట్‌మన్ ఒక సైన్స్ ఫిక్షన్ సినిమాను 2001లో తెరకెక్కించారు. భారీ బడ్జెట్ తో రూపొందిన ఈ సినిమా నిరాశపరచినా, 2000వ దశకం ప్రారంభంలో వచ్చిన ఈ చిత్రంలో ఏలియన్ల కోసం వాడిన విజువల్ ఎఫెక్ట్స్ అప్పట్లో ప్రత్యేక ఆకర్షణగా నిలిచాయి. ఈ సినిమా సైన్స్ ఫిక్షన్, కామెడీ ఇష్టపడే వారికి మంచి వినోదాన్నయితే అందించింది. భూమి మీద ఒక ఉల్కాపాతంపై పరిశోధన చేస్తున్న సమయంలో, అందులో వేగంగా వృద్ధి చెందుతున్న గ్రహాంతర జీవులు ఉన్నాయని తెలుస్తుంది. ఆ తరువాత అసలు కథ మొదలవుతుంది. ఈ సినిమా పేరు ఏమిటి ? ఏ ఓటీటీలో ఉంది ? అనే వివరాల్లోకి వెళ్తే ..

ఎందులో స్ట్రీమింగ్ అవుతుందంటే

ఈ అమెరికన్ సైన్స్ ఫిక్షన్ కామెడీ మూవీ పేరు ‘ఎవల్యూషన్’ (Evolution). 2001లో విడుదలైన ఈ సినిమాకి ఇవాన్ రీట్మాన్ దర్శకత్వం వహించారు. ఇది డాన్ జాకోబీ కథ ఆధారంగా రూపొందింది. ఈ చిత్రంలో డేవిడ్ డుచోవ్నీ, ఓర్లాండో జోన్స్, సీన్ విలియం స్కాట్, జూలియన్నే మూర్, టెడ్ లెవిన్ ప్రధాన పాత్రల్లో నటించారు. ఈ చిత్రాన్ని ది మోంటెసిటో పిక్చర్ కంపెనీ నిర్మించింది. 2001జూన్ 8న యునైటెడ్ స్టేట్స్‌లో డ్రీమ్‌వర్క్స్ పిక్చర్స్, వరల్డ్ వైడ్ గా కొలంబియా పిక్చర్స్ విడుదల చేశాయి. ఇది బాక్సాఫీస్ వద్ద నిరాశపరిచింది, $80 మిలియన్ల నిర్మాణ బడ్జెట్‌తో ప్రపంచవ్యాప్తంగా $98.4 మిలియన్లు వసూలు చేసింది. ప్రస్తుతం Prime Videoలో ఈ మూవీ అందుబాటులో ఉంది.

Read Also : నిమిషానికో ట్విస్ట్… ఈ సిరీస్ ను చూశాక డాక్టర్లకు దండం పెడతారు… కే-డ్రామా లవర్స్ డోంట్ మిస్

స్టోరీలోకి వెళ్తే

అరిజోనా ఎడారిలో ఒక గ్రహశకలం వచ్చి పడుతుంది. ఆ శకలాలను పరిశోధిస్తున్నప్పుడు, అందులో వేగంగా పరిణామం చెందే ఏలియన్ జీవులు ఉన్నాయని ఇద్దరు కాలేజ్ ప్రొఫెసర్లు గుర్తిస్తారు. భూమిపై లక్షల ఏళ్లు పట్టే పరిణామ ప్రక్రియ, ఆ జీవులలో కేవలం గంటల వ్యవధిలోనే జరుగుతుంది. ఏకకణ జీవుల నుండి అవి క్రమంగా ప్రమాదకరమైన జంతువులుగా మారి ప్రపంచాన్ని ముంచెత్తే స్థాయికి చేరుకుంటాయి. ఇక అనుకున్నట్లే ఆ జీవులు పుట్టుకొస్తాయి. చివరకు ఈ శాస్త్రవేత్తల బృందం వినూత్నమైన పద్ధతిలో ఆ ఏలియన్లను ఎలా అంతం చేశారనేదే ఈ సినిమా మిగిలిన కథ. ఈ అమెరికన్ సైన్స్ ఫిక్షన్ కామెడీ సినిమా థ్రిల్లర్ లా కాకుండా, సరదాగా సాగిపోతుంది. ఇక కామెడీ అభిమానులు దీని పై కూడా ఓ లుక్ వేయండి.

Share

• 
• 
• 
• 
• 
•