Thriller movie on OTT : ఆండ్రియా జెర్మియా ద్విపాత్రాభినయం చేసిన ఒక సినిమా, అనేక కారణాల వల్ల ఆలస్యమై నేరుగా సన్ టివిలో విడుదలైంది. పోలీస్ ఆఫీసర్గా, గత కాలపు యువరాణిగా ఆమె ఇందులో నటించారు. అతీంద్రియ శక్తుల చుట్టూ తిరిగే ఈ సినిమాలో ఆండ్రియా ఎటువంటి డూప్ లేకుండా యాక్షన్ సీక్వెన్స్లలో బాగా కష్టపడ్డారు. అయితే సినిమా ఆడియన్స్ ని అంతగా ఆకట్టుకోలేక పోయింది. ఈ సినిమా పేరు, ఏ ఓటీటీలో ఉంది ? అనే వివరాలను తెలుసుకుందాం పదండి.
2021లో వచ్చిన ఈ తమిళ యాక్షన్ థ్రిల్లర్ మూవీ పేరు ‘మాళికై’ (Maaligai). దిల్ సత్య దర్శకత్వంలో తెరకెక్కిన ఈ సినిమాలో ఆండ్రియా జెర్మియా ప్రధాన పాత్రలో నటించగా, ఆశీతోష్ రాణా, అశు రెడ్డి, అలీ, కార్తీక్ జయరాం ఇతర ముఖ్య పాత్రల్లో నటించారు. ప్రస్తుతం ఈ మూవీ Zee5 ఓటీటీలో స్ట్రీమింగ్ అవుతోంది.
Read Also : ఆకాశం నుంచి దిగివచ్చే మనుషులు… ప్రపంచం అల్లకల్లోలం… గ్రిప్పింగ్ సైన్స్ ఫిక్షన్ థ్రిల్లర్
శాంతి (ఆండ్రియా జెర్మియా) అనే ఏసీపీ అధికారిణి, కాంచీపురంలోని ఒక పురాతన రాజభవనంలో జరుగుతున్న వరుస మరణాల కేసును ఛేదించడానికి అక్కడికి వెళ్తుంది. ఆ బంగ్లాలోకి ప్రవేశించిన తర్వాత, శాంతికి తన గత జన్మకు సంబంధించిన విజన్స్ కనిపిస్తాయి. సుమారు 300 ఏళ్ల క్రితం అదే రాజభవనంలో ఆమె ఒక యువరాణిగా ఉండేదని తెలుసుకుంటుంది. ఆండ్రియా ఇందులో రెండు విభిన్న పాత్రల్లో కనిపిస్తారు. ఒకటి ప్రస్తుత కాలంలో పోలీస్ ఆఫీసర్ శాంతిగా, మరొకటి గత కాలంలో యువరాణిగా. ఇప్పుడు స్టోరీ గతానికి వెళ్తుంది.
ఆకాలంలో ఉన్న ఈ రాజభవనంలో, ఎప్పుడూ యవ్వనంగా జీవించాలని కోరుకునే ఒక రాజు ఉండేవాడు. ఆ రాజు కొడుకు, యువరాణి ప్రేమలో ఉంటారు. అయితే కొడుకు ప్రియురాలితో గడిపితే 300 ఏళ్ల పాటు యవ్వనంతో ఉండచ్చని ఒక మాంత్రికుడు రాజుకు చెప్పడంతో ఆమె వెంట పడతాడు రాజు. ఈ ప్రయత్నంలో ప్రేమ జంట ప్రాణాలు కోల్పోతారు. ఇక స్టోరీ ప్రజెంట్ కి వస్తుంది. ఇప్పుడు ఆ రాజు ఆమె కోసం దుష్ట శక్తి రూపంలో మళ్ళీ వస్తాడు. తన గత జన్మలో ఆ మాంత్రికుడు చేసిన అన్యాయాన్ని శాంతి తెలుసుకుని, ఆ దుష్టశక్తిని ఎలా అంతం చేసి బంగ్లాలో మిస్టరీని ఛేదించింది అన్నదే సినిమా క్లైమాక్స్.
Share
Sci -Fi Comedy Drama OTT : డ్రెస్ లో దూరే మస్కిటో... కట్ చేస్తే గుండె గల్లంతయ్యే ట్విస్ట్
Youtube Parent control: యూట్యూబ్లో పిల్లలకు టైమ్ లిమిట్.. పేరెంట్ కంట్రోల్ ఫీచర్తో మరిన్ని ఆంక్షలు
