Survival Thriller ott : ఇటీవల కాలంలో యానిమేలకు కూడా ఓటీటీలో అదిరిపోయే రెస్పాన్స్ దక్కుతోంది. ఇది వరకైతే చిన్న పిల్లల్లా ఆ బొమ్మలు ఎవరు చూస్తారు ? అనేవారు. కానీ ఇప్పుడు కాలం మారింది. ముఖ్యంగా జపనీస్ యానిమేలను చిన్న పిల్లల నుంచి పెద్దల వరకూ ప్రతీ ఒక్కరూ ఆసక్తిగా చూస్తున్నారు. ఈ సిరీస్ లు చిన్న పిల్లలకే కాదు ప్రత్యేకంగా పెద్దల కోసం కూడా వస్తున్నాయి. ఇప్పుడు మన మూవీ సజెషన్ కూడా అలాంటిదే. మరి ఈ యానిమే సిరీస్ పేరు ఏంటి ? ఎక్కడ స్ట్రీమింగ్ అవుతోంది ? అనే వివరాల్లోకి వెళ్తే…
ఇప్పుడు మనం మాట్లాడుకుంటున్న యానిమే పేరు ‘షిబోయుగి: డెత్ గేమ్స్ టు పుట్ ఫుడ్ ఆన్ ది టేబుల్’ (SHIBOYUGI: Playing Death Games to Put Food on the Table). 2026లో ఫ్రెష్ గా వచ్చిన ఈ జపనీస్ యానిమే సిరీస్ యూషి ఉకై రచించిన లైట్ నవల ఆధారంగా తెరకెక్కింది. దీన్ని స్టూడియో డీన్ నిర్మించగా, జనవరి 7న నెట్ఫ్లిక్స్ (Netflix) లో గ్లోబల్ గా స్ట్రీమింగ్ అవుతోంది. డెత్ గేమ్స్ జానర్లో రిఫ్రెషింగ్ సిరీస్ గా పేరు తెచ్చుకుంది. ఇందులో హీరోయిన్ సూజీ యుంగ్ (యూకి సోరిమాచి) 17 ఏళ్ల ప్రొఫెషనల్ డెత్ గేమ్ ప్లేయర్. బ్రియాన్నా నికర్బాకర్, కైలి మిల్స్, డాన్ ఎం. బెన్నెట్ వంటి నటీనటులు వాయిస్ ఓవర్ ఇచ్చారు. సోతా ఉయెనో డైరెక్ట్ చేసిన ఈ యానిమే ఒక రకంగా చెప్పాలంటే ‘స్క్విడ్ గేమ్’ టైపులో ఉంటుంది. ఒకవేళ మీకు గనుక ఆ సిరీస్ నచ్చితే, ఈ యానిమే సిరీస్ కూడా పర్ఫెక్ట్ ఛాయిస్. కాబట్టి ఈ వీకెండ్ ఈ సిరీస్ ను డోంట్ మిస్.
Read Also : 200 మందిని బలి తీసుకున్న సైకో… సైన్స్ పాఠాలు నేర్పిస్తానని… గుండె ధైర్యం ఉంటేనే చూడండి
అండర్గ్రౌండ్ ఎంటర్టైన్మెంట్ ఇండస్ట్రీలో జరిగే డెత్ గేమ్స్ చుట్టూ స్టోరీ నడుస్తుంది. యూకి సోరిమాచి అనే 17 ఏళ్ల అమ్మాయి ఇందులో హీరోయిన్. ఆమె ఆర్డినరీ అమ్మాయే. కానీ ఒక ప్రొఫెషనల్ డెత్ గేమ్ ప్లేయర్. కూటి కోసం కోటి కష్టాలు అన్నట్టు… ఆమెకు ఇదే జీవనోపాధి. ఇక ఆ అమ్మాయి కేవలం గేమ్స్ లో పార్టీసిపేట్ చేయడమే కాదు, గెలుస్తుంది కూడా. ఈ క్రమంలోనే ఓ రోజు ఆమె కళ్ళు తెరిచి చూసేసరికి తనకే తెలియని మాన్షన్లో మేకప్ యూనిఫాం ధరించి ఉంటుంది. అక్కడ అచ్చం తనలాగే మరో 5 మంది గర్ల్స్ అమ్మాయిలు కూడా ఉంటారు. అందరూ సేమ్ డ్రెస్ లో ఉంటారు. దీంతో ఇది “ఘోస్ట్ హౌస్” అని హీరోయిన్ కి అర్థం అవుతుంది. ఈ డెడ్లీ గేమ్స్ ను గెలిస్తేనే ప్రాణాలతో బయట పడతారు. యూకి ఎలాగూ ఇలాంటి గేమ్స్ లో ఆరితెరయిందే కాబట్టి అక్కడున్న అందరి కంటే కూల్ గా ఉంటుంది. ఆమెకు గేమ్స్ రూల్స్ మాత్రమే కాదు స్ట్రాటజీలు కూడా బాగా తెలుసు. ఇక ఈ గేమ్స్ మొత్తం టెలివిజన్ ఎంటర్టైన్మెంట్ గా ప్రసారం అవుతాయి. అంతేకాదు ఆడియెన్స్ బెట్టింగ్ కూడా వేస్తారు. ఇంతకీ హీరోయిన్ ఇందులో ఎలా సర్వైవ్ అయ్యిందో తెలియాలంటే ఈ సిరీస్ పై ఒక లుక్కేయండి.
Share
Gemini AI Free: ఇప్పుడు అందరికీ ఉచితంగా జెమెని ఏఐ టూల్స్.. కానీ చిన్న కండీషన్
Hyderabad: తాను డాక్టర్ కాదు.. కానీ సోషల్ డాక్టర్, అలాగైతే కెరీర్ ఎండ్- సీఎం రేవంత్రెడ్డి
