Tere Ishk Mein out on OTT : ధనుష్, కృతి సనన్ జంటగా నటించిన ‘తేరే ఇష్క్ మే’ థియేటర్లలో విడుదలైనప్పటి నుండి అభిమానులలో మంచి బజ్ను సృష్టిస్తోంది. ఈ చిత్రం 2025నవంబర్ 28న థియేటర్లలోకి అడుగుపెట్టింది. మంచి కలెక్షన్లను కూడా రాబట్టగలిగింది. దాదాపు రూ.65 కోట్లతో నిర్మించబడిన ఈ సినిమా ప్రపంచ వ్యాప్తంగా రూ. 161 కోట్లు వసూలు చేసింది. ఇక థియేటర్లలో విడుదలైన దాదాపు రెండు నెలల తర్వాత ఈ సినిమా ఓటీటీలో అడుగు పెట్టింది. థియేటర్లలో మిస్ అయిన ధనుష్ అభిమానులు ఈ సినిమాను ఇంట్లోనే కూర్చుని చూసి ఆనందించే సమయం వచ్చేసింది. మరి ఇది ఏ ఓటీటీలో స్ట్రీమింగ్ అవుతుందో తెలుసుకుందాం పదండి.
ఆనంద్ ఎల్ రాయ్ దర్శకత్వంలో నవంబర్ 28న విడుదలైన ‘తేరే ఇష్క్ మే’ (Tere Ishk Mein) థియేటర్లలో మంచి విజయాన్ని సాధించింది. ఇందులో ధనుష్, కృతి సనన్ తెరపై రొమాన్స్ చేశారు. సుశీల్ ధహియా, ప్రకాష్ రాజ్, జయ భట్టాచార్య, మహమ్మద్ జీషన్ అయూబ్ కీలక పాత్రల్లో కనిపిస్తారు. ఉత్తర భారత్ నేపథ్యంలో సెట్ చేయబడిన ఈ సినిమా ఎమోషన్స్ తో నడిచే ప్రేమకథగా ఆకట్టుకుంది. ఈ సినిమా ఎట్టకేలకు నెట్ఫ్లిక్స్లోకి వచ్చింది. జనవరి 23 నుంచి ఈ సినిమా ఇప్పుడు నెట్ఫ్లిక్స్లో హిందీ, తమిళం, తెలుగు వంటి భాషలలో చూడటానికి అందుబాటులో ఉంది. ‘రాంజనా’ వంటి బ్లాక్ బస్టర్ హిట్ తర్వాత దర్శకుడు ఆనంద్ ఎల్. రాయ్, ధనుష్ కలిసి చేస్తున్న మూడవ చిత్రం ఇది. వీరిద్దరూ గతంలో ‘అత్రంగి రే’ లో కూడా పనిచేశారు.
శంకర్ (ధనుష్) దూకుడు స్వభావం గల యువకుడు. అతను కాలేజీ రోజుల్లో ముక్తి (కృతి సనన్) అనే అమ్మాయితో గాఢమైన ప్రేమలో పడతాడు. అయితే శంకర్ ప్రేమను ముక్తి నిరాకరించడంతో అతనిలో ఆమెపై కోపం, ద్వేషం పెరుగుతాయి. ఇది వారిద్దరి మధ్య తీవ్రమైన గొడవలకు దారితీస్తుంది. కొన్ని సంవత్సరాల తర్వాత, శంకర్ ఇండియన్ ఎయిర్ ఫోర్స్ లో పైలట్గా మారుతాడు. ముక్తి పెళ్లయి గర్భవతిగా ఉన్న సమయంలో, లడఖ్లో ఉన్న శంకర్ మానసిక పరిస్థితిని పరీక్షించడానికి ఆమెను పిలిపిస్తారు. ఆ సమయంలో పాత జ్ఞాపకాలు, ఎదురైన ఇబ్బందులు కథను మలుపు తిప్పుతాయి. క్లైమాక్స్ మరింత షాకింగ్ ఇస్తుంది.
Read Also : 6 ఆస్కార్ నామినేషన్లు… IMDB రేటింగ్ 8.2… ఇలాంటి సినిమాను ఇప్పటిదాకా చూసుండరు భయ్యా
Share
Sharwanand: శర్వానంద్ను మోసం చేసిన నిర్మాత ఎవరో తెలుసా..!
Producer SKN: సైబర్ క్రైమ్ పోలీసులను ఆశ్రయించిన నిర్మాత ఎస్కేఎన్... వారి పై ఫిర్యాదులు!
