Horror movie OTT : రక్తం ఏరులై పారేలా సినిమాను చూడాలనుకుంటే, ఇప్పుడు చెప్పుకోబోయే సినిమాను చూసేయండి. ఈ కథ అమెజాన్ అడవులను కాపాడాలని వెళ్ళిన కొంతమంది టీమ్ చుట్టూ తిరుగుతుంది. వీళ్ళంతా నరమాంస భక్షకుల చేతికి చిక్కిన తరువాత స్టోరీ హింసాత్మకంగా మారుతుంది. అయితే ఆది వాసీలను నరమాంస భక్షకులుగా చూపించడం వల్ల, ఈ సినిమా అప్పట్లో తీవ్ర విమర్శలను ఎదుర్కొంది. ఈ సినిమాలో హింసాత్మక దృశ్యాలు చాలా ఎక్కువగా ఉంటాయి, కాబట్టి బలహీనమైన వాళ్ళు దీనికి దూరంగా ఉండటం మంచిది.
ఈ వివాదాస్పద కానిబాల్ హర్రర్ సినిమా పేరు ‘ది గ్రీన్ ఇన్ఫెర్నో’ (The Green Inferno). ప్రముఖ హర్రర్ డైరెక్టర్ ఎలి రోత్ రూపొందించిన ఈ సినిమాలో లోరెంజా ఇజ్జో, ఏరియల్ లెవీ, డారిల్ సబారా లీడ్ రోల్స్ లో నటించారు. ఈ సినిమా ప్రస్తుతం Amazon Prime Videoలో స్ట్రీమింగ్ అవుతోంది. ఈ సినిమా 2013 సెప్టెంబర్ 8న టొరంటో ఇంటర్నేషనల్ ఫిల్మ్ ఫెస్టివల్లో ప్రదర్శించబడింది. యూనివర్సల్ పిక్చర్స్ ద్వారా 2015 సెప్టెంబర్ 25న థియేటర్లలో విడుదలైంది. ఈ చిత్రం $5 మిలియన్ల బడ్జెట్లో $13 మిలియన్లు వసూలు చేసి, ఒక మోస్తరు విజయాన్ని సాధించింది.
ఈ కథలో కొంతమంది సిటీ కాలేజీ కుర్రాళ్ళు, సోషల్ మీడియాలో సెలబ్రిటీలు అయిపోవాలని తెగ ఆరాటపడుతుంటారు. మేము అడవులను కాపాడతాం, అక్కడ ఉన్న జనాలను రక్షిస్తాం అని పెద్ద పెద్ద మాటలు చెప్పి, అమెజాన్ అడవుల్లోకి వెళ్తారు. సీన్ కట్ చేస్తే, వాళ్ళు వెళ్తున్న విమానం అడవి మధ్యలో కుప్పకూలిపోతుంది. అక్కడి వరకు అంతా ఓకే కానీ, అసలు సినిమా అప్పుడే మొదలవుతుంది. వీళ్లు ఎవరినైతే కాపాడాలని వెళ్లారో, అదే అడవి మనుషులు (కానిబాల్స్) వచ్చి వీళ్లను బంధిస్తారు. ఆ తెగ జనాలకి బయటి ప్రపంచం తెలియదు.
వాళ్ళకి తెలిసిందల్లా మనుషులను కోసుకు తినడమే. వీళ్ళని బంధించి ఒక బోనులో వేసి, ఒక్కొక్కరిని తీసుకెళ్లి కూరగాయలు కోసినట్టు కోసి, పచ్చి మాంసాన్ని తినేస్తుంటారు. ఆ సీన్లు చూస్తుంటే ఎవరికైనా వెన్నులో వణుకు పుట్టాల్సిందే. చివరికి వాళ్ళల్లో ఎవరైనా ఆ నరమాంస భక్షకుల నుంచి తప్పించుకున్నారా ? అసలు ప్రాణాలతో బయటపడ్డారా ? అనే విషయాలను మాత్రం, ఈ హారర్ సినిమాను చూసి తెలుసుకోవాల్సిందే.
Read Also : ప్రేమ పేరుతో బురిడి… భర్త హత్యకు ప్రియుడితో స్కెచ్… బుర్ర గిర్రున తిరిగే ట్విస్టులు
Share
Anasuya Bharadwaj: పట్టు చీరలు పుత్తడి బొమ్మల ఆకట్టుకుంటున్న అనసూయ!
Krithi Shetty: ట్రెండీ ఔట్ఫిట్ లో కృతి అందాలు..
