The RajaSaab:టాలీవుడ్ సినీ ఇండస్ట్రీలో పాన్ ఇండియా స్టార్ గా చలామణి అవుతూ.. భారీ పాపులారిటీ సొంతం చేసుకున్నారు ప్రభాస్ (Prabhas). తెలుగులోనే కాకుండా ఇప్పుడు పాన్ ఇండియా స్టార్ గా కొనసాగుతున్న ఈయన అక్కడ హిందీలో కూడా మార్కెట్ భారీగా పెంచుకొని తన సినిమాలతో నిర్మాతలకు కాసుల వర్షం కురిపిస్తున్నారు. అయితే ఒక్కప్పుడు ఆయన చేసిన సినిమాలు డిజాస్టర్ గా నిలిచిన కలెక్షన్లు మాత్రం భారీగా వచ్చేవి.. కానీ ఇప్పుడు ఎంత పెద్ద స్టార్ అయినా సరే. కంటెంట్ బాగుంటేనే సినిమాలు చూడడానికి థియేటర్ కు వెళ్తున్నారు ఆడియన్స్.. ఈ క్రమంలోనే ఆది పురుష్ తర్వాత అంతటి నష్టాలను మిగిల్చిన చిత్రం ఏదైనా ఉంది అంటే అది ఇటీవల విడుదలైన ది రాజాసాబ్.
రెబల్ స్టార్ ప్రభాస్ హీరోగా.. మారుతి దర్శకత్వంలో వచ్చిన హారర్ కామెడీ చిత్రం. జనవరి 9న సంక్రాంతి సందర్భంగా విడుదలైన ఈ సినిమా మిశ్రమ స్పందన అందుకుంది. అయినా సరే బాక్సాఫీస్ వద్ద కలెక్షన్స్ భారీగా సాధించింది అంటూ వార్తలు వచ్చాయి. కానీ అసలు నష్టం తెలిసి అభిమానులు కూడా నోరెళ్ళ పెడుతున్నారు. మరోవైపు ఇప్పుడు ఈ సినిమా ఓటీటీ హక్కులు ప్రముఖ సంస్థ జియో హాట్ స్టార్ సుమారుగా 80 కోట్లకు కొనుగోలు చేసిందని సమాచారం. అంతేకాదు ఫిబ్రవరి రెండో వారంలో ఈ సినిమా ఓటీటీ లో స్ట్రీమింగ్ అయ్యే అవకాశాలున్నట్లు తెలుస్తోంది. ఇకపోతే థియేటర్లలో మిక్స్డ్ టాక్ తెచ్చుకున్న ఈ సినిమా ఇటు ఓటీటీలో ఏ మేరకు మెప్పిస్తుందో చూడాలి.
ఇకపోతే హారర్ ఫాంటసీ డ్రామాగా సంక్రాంతికి విడుదలైన ఈ సినిమా రెండు వారాల్లోనే థియేటర్ క్లోజింగ్ కి వచ్చేసింది. ఇక తాజాగా అందుతున్న సమాచారం ప్రకారం.. మొదటి వారంలోనే 130 కోట్ల నెట్ కలెక్షన్స్ వసూలు చేయగా.. ఇప్పటివరకు టోటల్ ఇండియా వైడ్ నెట్ కలెక్షన్స్ 142 కోట్లకు చేరుకుంది. అటు గ్రాస్ పరంగా చూసుకుంటే మొదటి వారంలో 238 కోట్లు వసూలు చేసినట్లు మేకర్స్ అధికారికంగా ప్రకటించారు. కానీ మొత్తంగా చూసుకుంటే 250 కోట్ల గ్రాస్ మార్కు టచ్ చేసినట్లు ట్రేడ్ విశ్లేషకులు అంచనా వేస్తున్నారు. కానీ బిజినెస్ లెక్కలు, రాజా సాబ్ బడ్జెట్ చూసుకుంటే మాత్రం ఈ చిత్రానికి భారీగానే నష్టాలు వచ్చినట్లు సమాచారం. ముఖ్యంగా థియేటర్ వెర్షన్ 50 నుంచి 60 శాతం రికవరీ చేసినప్పటికీ ..సుమారుగా 100 కోట్ల వరకు నష్టం వచ్చే ఛాన్స్ ఉందని ట్రేడ్ వర్గాలు విశ్లేషిస్తున్నాయి. ఇకపోతే రెబల్ స్టార్ ఫ్యాన్స్ కి భారీ గిఫ్ట్ ఇస్తానని చెప్పిన మారుతి ఫ్లాప్ రూపంలో గట్టి గిఫ్ట్ ఇచ్చాడని సోషల్ మీడియా వేదికగా మారుతీపై మండిపడుతున్నారు ఫ్యాన్స్!
ALSO READ:Disha Patani: అతడితో డేటింగ్ లో దిశాపటానీ.. ఎవరో తెలిస్తే షాక్!
Share
US Snow Storm: అమెరికాను వణికిస్తున్న మంచు తుఫాన్‌.. 25 మంది మృతి, అంధకారంలో పలు నగరాలు
Guess The Actress : ఈ ఫోటోలోని వ్యక్తి టాప్ మ్యూజిక్ డైరెక్టర్.. ఎవరో గుర్తుపట్టారా..?
