Thriller movie OTT : ఈ రోజుల్లో అందరూ ఎంటర్టైన్మెంట్ కోసం ఓటీటీ ప్లాట్ ఫామ్ వైపే చూస్తున్నారు. ఇంట్లోనే కూర్చుని నచ్చిన కంటెంట్ ని ఎంజాయ్ చేస్తున్నారు. ఎక్కువగా థ్రిల్లర్ కంటెంట్ తో కాలక్షేపం చేస్తున్నారు. మరి ఇలాంటి వాళ్ల కోసం ఇప్పుడు చెప్పుకోబోయే మూవీ బాగా సూట్ అవుతుంది. హాలీవుడ్ మూవీ కేవలం 90 నిమిషాల పాటు ఉంటుంది. కానీ థ్రిల్లర్ ఎలిమెంట్స్ బాగా ఆకట్టుకుంటాయి. ఒక సైకో చేతిలో చిక్కుకొనే మహిళ చుట్టూ కథ ఉంటుంది. కిల్లర్ ఫాన్స్ మిస్ కాకుండా చూడాల్సిన సినిమా ఇది.
ఈ అమెరికన్ సస్పెన్స్ థ్రిల్లర్ మూవీ పేరు ‘డోంట్ మూవ్’ (Don’t Movie). 2024లో విడుదలైన ఈ సినిమాకి దీనిని ఆడమ్ షిండ్లర్ దర్శకత్వం వహించారు. ఇందులో కెల్సీ అస్బిల్లే, ఫిన్ విట్రాక్, మోరే ట్రెడ్వెల్ లీడ్ రోల్స్ లో నటించారు. ఈ సినిమా ప్రస్తుతం నెట్ఫ్లిక్స్ (Netflix)లో అందుబాటులో ఉంది. మీరు ఈ సినిమాను తెలుగు డబ్బింగ్లో కూడా చూడవచ్చు.
ఐరిస్ అనే ఒక మహిళ తన కొడుకు చనిపోయాడనే బాధలో ఉంటుంది. ఆమెకు జీవితం మీద విరక్తి పుట్టి, కొండ మీద నుంచి దూకి చనిపోదామని అడవికి వెళ్తుంది. అయితే అక్కడ రిచర్డ్ అనే ఒక వ్యక్తి ఆమెకు పరిచయమవుతాడు. ఆమెతో మాటలు కలిపి చావు నుంచి కూడా ఆపుతాడు. కానీ అసలు ట్విస్ట్ ఏంటంటే.. అతను ఒక సీరియల్ కిల్లర్. ఆమెను కాపాడింది ఆమె ప్రాణాలు తీయడానికే అని కొద్దిసేపటికే అర్థమవుతుంది. రిచర్డ్ ఆమెకు ఒక వింత ఇంజెక్షన్ ఇస్తాడు. ఆ మందు వల్ల కేవలం 20 నిమిషాల్లో ఆమె శరీరం మొత్తం పక్షవాతం వచ్చినట్టు అయిపోతుంది. ఐదు నిమిషాల్లో కాళ్లు వణికిపోతాయి. పది నిమిషాల్లో మాట పడిపోతుంది. చివరికి కనురెప్ప కూడా కదపలేని స్థితికి చేరుకుంటుంది.
ఇక ఆ మందు పూర్తిగా పనిచేయకముందే ఆమె ఆ కిల్లర్ నుంచి తప్పించుకుని పారిపోవాలి. కదలలేని స్థితిలో ఉన్న ఐరిస్, రిచర్డ్ బారి నుంచి తప్పించుకోవడానికి చేసే ప్రయత్నాలు చాలా ఉత్కంఠగా ఉంటాయి. దారిలో ఆమెకు కొందరు వ్యక్తులు ఎదురైనా, రిచర్డ్ తన మాటలతో వాళ్లను కూడా ఎలా బురిడీ కొట్టిస్తాడు. చివరికి ఐరిస్ తన ప్రాణాలను కాపాడుకుందా ? ఆ కిల్లర్ చేతిలో బలైపోతుందా ? అనే ప్రశ్నలకు సమాధానాలు తెలుసుకోవాలనుకుంటే ఈ సినిమాను చూడాల్సిందే.
Read Also : జెన్నిఫర్ లోపెజ్ నటించిన మ్యూజికల్ డ్రామా ఓటీటీలోకి… ఎప్పుడు, ఎక్కడ చూడచ్చు అంటే ?
Share
Brightest Phone Display: టూబ్లైట్ లాంటి మొబైల్.. 15000 నిట్స్తో ప్రపంచంలోనే అత్యంత బ్రైట్ డిస్ప్లే లాంచ్ చేసిన TCL
Pawan Kalyan: రూ. 100 కోట్ల ఎలైట్ క్లబ్లో ఉస్తాద్ పవర్ చూపిస్తుందా?.. రిలీజ్ కాస్త ముందుకొస్తుందా?
