Thriller movie OTT : థ్రిల్లర్ సినిమాలను క్రేజీగా చూస్తున్నారు ఆడియన్స్. థియేటర్లకు వెళ్లకుండానే వీటిని ఇంట్లోనే కూర్చిని చూసి ఆనందిస్తున్నారు. ఇప్పుడు చాలా సినిమాలు డైరక్ట్ గా ఓటీటీలోకి వచ్చేస్తున్నయి కూడా. ఇప్పుడు మనం చెప్పుకోబోయే థ్రిల్లర్ సినిమా ఈ రోజు నుంచి నేరుగా ఓటీటీలోకి వచ్చేసింది. ఒక అడవిలో కూతురి మిస్సింగ్ తో స్టోరీ నడుస్తుంది. ఇక తల్లి ఆమెను వెతికే క్రమంలో స్టోరీ ఉత్కంఠభరితమైన మలుపులు తీసుకుంటుంది. థ్రిల్లర్ ఫ్యాన్స్ మిస్ కాకుండా చూడాల్సిన సినిమా ఇది. ఈ సినిమా పేరు ? ఏ ఓటీటీలో ఉంది ? అనే వివరాల్లోకి వెళ్తే…
ఈ స్పానిష్ సైకలాజికల్ థ్రిల్లర్ మూవీ పేరు ‘ఫైర్‌బ్రేక్’ (Firebreak). ఈ సినిమా థియేటర్లలో విడుదల కావడం లేదు. ఇది నేరుగా నెట్‌ఫ్లిక్స్ (Netflix) ఓటీటీ ప్లాట్‌ ఫామ్‌లో మాత్రమే 2026 ఫిబ్రవరి 20 స్ట్రీమింగ్ అవుతోంది. ఈ చిత్రం తెలుగుతో పాటు హిందీ, ఇంగ్లీష్, తమిళ భాషల్లో కూడా అందుబాటులో ఉంది. డేవిడ్ విక్టోరి దర్శకత్వంలో ఈ సినిమా తెరకెక్కింది. ఇందులో బెలెన్ క్యుస్టా, ఎన్రిక్ ఆకర్, జోక్విన్ ఫురియెల్, డయానా గోమెజ్ లీడ్ రోల్స్ లో నటించారు.
మారా అనే మహిళ తన భర్తను కోల్పోయిన బాధలో ఉంటుంది. ఆ బాధ నుండి కొంచెం ఉపశమనం పొందడానికి, తన కూతురు లిడేను తీసుకుని అడవి ప్రాంతంలో ఉన్న తమ పాత ఇంటికి వెళ్తుంది. అక్కడ తన బావ కుటుంబంతో కలిసి కొన్నాళ్లు ప్రశాంతంగా గడపాలని అనుకుంటుంది. కానీ వాళ్లు వెళ్లిన సమయంలోనే ఆ అడవిలో ఒక్కసారిగా భారీగా మంటలు చెలరేగుతాయి. ఆ మంటలు వేగంగా వాళ్ల వైపు దూసుకువస్తూ భయానక పరిస్థితిని సృష్టిస్తాయి.
అలాంటి ప్రాణాపాయ స్థితిలో ఉండగానే, మారా కూతురు లిడే అకస్మాత్తుగా కనిపించకుండా పోతుంది. ఒకవైపు చుట్టుముడుతున్న మంటలు, మరోవైపు తన కళ్ల ముందే మాయమైన కూతురు—మారాకు ఏం చేయాలో అర్థం కాదు. తన బిడ్డను వెతికే క్రమంలో ఆమెకు కొన్ని షాకింగ్ నిజాలు తెలుస్తాయి. అసలు ఆ పాప అడవిలోకి వెళ్ళిందా ? లేక ఎవరైనా కిడ్నాప్ చేశారా ? ఆ మంటల నుండి మారా తన కూతురిని ఎలా కాపాడుకుంది ? అనే విషయాలను, ఈ స్పానిష్ సైకలాజికల్ థ్రిల్లర్ సినిమాను చూసి తెలుసుకోవాల్సిందే.
Read Also : డిటెక్టివ్ లకే ముప్పుతిప్పలు పెట్టే సైకో… ఒక్కో మర్డర్ చూస్తే మతిపోవడం ఖాయం
Share
Infinix XPAD 30E: 7000mAh బ్యాటరీ, ఏఐ లెర్నింగ్ ఫీచర్స్‌తో స్టూడెంట్స్ స్పెషల్ ట్యాబ్లెట్.. ధర ఎంతంటే?
Delhi AI Summit-2026: ఢిల్లీ ఏఐ సమిట్-2026.. చంద్రబాబు-రేవంత్‌రెడ్డి హాజరు, ఒప్పందాలపై సంతకాలు!
