Thriller Movie OTT : ప్రపంచం మొత్తానికి సైకోలు చాలామంది ఉంటారు. వీళ్ళ అరాచకం ఒక్కోటి ఒక్కో స్టైల్ లో ఉంటది. కొందరు మనుషుల్ని హింసిస్తూ ఆనందపడుతుంటే, మరి కొంతమంది హత్యలు చేసి తృప్తి పడుతుంటారు. కొంతమంది ఎప్పుడు పక్క మనుషుల్ని ఇబ్బంది పెడుతూ తెగ సంబరపడిపోతుంటారు. ఇక ఈ నేపథ్యంలో మనం చెప్పుకోబోయే మూవీ ఒక సైకో కి కిల్లర్ గురించి. ఈ సినిమాలో ఒక ఒంటరి అమ్మాయి హత్యలు చేసే సైకోకి, కోతికి కొబ్బరి చిప్ప దొరికినట్టు దొరుకుతుంది. ఇక సినిమా మొత్తం టెన్షన్ హై లెవెల్ లో ఉంటుంది. ఈ సినిమా మొత్తం కెనడాలోని కల్గారీ అనే ప్రాంతంలో తీశారు. అక్కడ చలి కాలంలో ఉండే ఆ వాతావరణం సినిమాలోని హారర్ సీన్లకి బాగా సెట్ అయింది.
2025లో విడుదలైన ఈ హారర్ సినిమా పేరు ‘నైట్ ఆఫ్ ది రీపర్’ (Night of the Reaper). ఈ చిత్రం 2025 సెప్టెంబర్ 19న Shudder ఓటీటీ ప్లాట్ ఫామ్ లో స్ట్రీమింగ్ కి వచ్చింది. బ్రాండన్ క్రిస్టెన్సన్ దీనికి దర్శకత్వం వహించారు. మెయిన్ రోల్లో జెస్సికా క్లెమెంట్ (దీనాగా) అదరగొట్టింది. ఇక పోలీస్ ఆఫీసర్ రోల్ చేసిన ర్యాన్ రాబిన్స్ చాలా సీరియస్ పర్ఫార్మెన్స్ ఇచ్చాడు. విలన్ ని కూడా చాలా భయంకరంగా డిజైన్ చేశారు. దర్శకుడు ఈ సినిమాని మనకి 1980ల నాటి పాత సినిమాల్ని టీవీలో చూస్తున్న ఫీలింగ్ వచ్చేలా కలర్స్, కెమెరా యాంగిల్స్ అన్నీ ఆ కాలం నాటివే వాడారు. సినిమా మరీ సాగదీయకుండా సరిగ్గా 93 నిమిషాల్లో ముగించేశారు. అందుకే ఎక్కడా బోర్ కొట్టకుండా స్పీడ్గా సాగుతుంది ఈ సినిమా. దీనికి ఐఎండిబి (IMDb)లో 7/10 రేటింగ్ ఉంది.
1980ల కాలంలో దీనా అనే ఒక కాలేజీ పిల్ల సెలవులకి ఇంటికి వస్తుంది. ఖాళీగా ఉండటం ఎందుకని పక్కింట్లో పిల్లల్ని చూసుకునే బేబీ సిట్టింగ్ పనికి కుదురుతుంది. అంతా సాఫీగా సాగుతోంది అనుకున్న టైంలో, ఎవడో ఒకడు ముఖానికి గొడ్డలి పట్టుకున్న ముసుగు వేసుకుని వస్తాడు. వాడు ఆ ఇంటి చుట్టూ తిరుగుతూ ఈ పిల్లను, ఆ ఇంట్లో ఉన్నవాళ్లని నానా రకాలుగా భయపెట్టడం మొదలుపెడతాడు. అసలు వాడు ఎవడు? ఎందుకు చంపాలనుకుంటున్నాడు? అనేది మెయిన్ పాయింట్.
మరోపక్క ఊరి పోలీస్ ఆఫీసర్ కి ఒక వింతైన పార్శిల్ వస్తుంది. అందులో కొన్ని పాత ఫోటోలు, ఆధారాలు ఉంటాయి. వాడు ఒకదాని తర్వాత ఒకటి క్లూస్ ఇస్తూ షెరీఫ్ని ఊరంతా తిప్పిస్తాడు. ఈ గొడవంతా చూస్తుంటే ఇది ఇప్పటికిప్పుడు జరిగింది కాదు, పాత కాలం నాటి ఏదో పగ అని అర్థమవుతుంది. ఆ షెరీఫ్ ఆ క్లూస్ని పట్టుకుని హంతకుడి దగ్గరికి వెళ్లేలోపే అక్కడ సీన్ మొత్తం రక్తం ఏరులై పారుతుంటుంది. చివరి ముప్పై నిమిషాల్లో అసలు ఆట మొదలవుతుంది. ఆ ముసుగు వెనుక ఉన్నది ఎవరు ? ఆ నరరూప రాక్షసుడి నుండి దీనా తప్పించుకుందా ? ఆ సైకోని పోలీస్ పట్టుకున్నాడా ? అనే విషయాలను మాత్రం ఈ సినిమా చూసి తెలుసుకోండి.
Read Also : ప్రేమ జంటకు అదిరిపోయే షాక్ …ఒక్క రాత్రిలో ఇద్దరికి కడుపు… ఔరా అనిపించే విచిత్రం
Share
Family Drama OTT: కొడుకుల కోసం తపించే తండ్రి... ప్రశంసలతో పరుగులు తీస్తున్న సినిమా... గుండెను పిండే ఎమోషన్స్
Sports Comedy OTT: తప్పి తిప్పలు పడే జపాన్ యోధుడు... కితకితలు పెట్టే కామెడీ కూడా
