Thriller Movie OTT : సీను సీనుకో ట్విస్ట్ తో, ఊహించని మలుపులతో ఆద్యంతం ఆకట్టుకునేవే క్రైమ్ థ్రిల్లర్ సినిమాలు. అందుకే ఓటీటీలో స్పెషల్ గా ఇలాంటి సినిమాల కోసం సెర్చ్ చేస్తూ ఉంటారు మూవీ లవర్స్. మీరు కూడా ఇలాంటి సినిమాల కోసం చూస్తుంటే గనక ఈ మూవీ సజెషన్ మీ కోసమే. మరి ఇంకెందుకు ఆలస్యం ఆ సినిమా పేరేంటి? కథ ఏంటి? ఏ ఓటీటీలో ఉంది? అనే వివరాలను తెలుసుకుందాం పదండి.
ఇప్పుడు మనం మాట్లాడుకుంటున్న సినిమా పేరు ‘చతురంగ వేట్టై’ (sathuranga vettai). 2014లో విడుదలైన ఈ తమిళ క్రైం థ్రిల్లర్ మూవీకి హెచ్ వినోద్ దర్శకత్వం వహించారు. ఆయన దర్శకుడిగా చేసిన ఫస్ట్ మూవీ ఇదే. ఈ సినిమాలో ఓ మోసగాడి జీవితాన్ని ఆకట్టుకునేలా చూపించారు. నటరాజ్ ఇందులో ప్రధాన పాత్రలో నటించగా, ఇషా తల్వార్, రాధిక ఆప్టే, వివేక్ మెయిన్ లీడ్స్ గా నటించారు. రెండు గంటల 18 నిమిషాలు రన్ టైమ్ ఉన్న ఈ మూవీకి ఐఎండిబిలో ఏకంగా 8.1 రేటింగ్ ఉండడం విశేషం. అప్పట్లో తమిళనాడు బాక్స్ ఆఫీస్ ని షేక్ చేసిన ఈ మూవీ ఓటిటిలో తెలుగులో కూడా అందుబాటులో ఉంది. జియో హాట్ స్టార్ లో ఈ సినిమాను తమిళంతో పాటు తెలుగు, హిందీ భాషల్లోనూ చూడొచ్చు. జీవి ప్రకాష్ కుమార్ ఈ సినిమాకు సంగీతం అందించగా, పాస్ట్ పేస్ట్ ఎడిటింగ్ తో సినిమా చివరి వరకు ఆడియన్స్ ని అలరిస్తుంది.
సినిమా మొత్తం గురు అనే అబ్బాయి చుట్టూ తిరుగుతుంది. అతను ఓ గ్రామీణ యువకుడు, పైగా పేదవాడు. ఊర్లో బ్రోకర్ గా పని చేసి, ఇతరులను మోసం చేస్తూ ఈజీగా డబ్బు సంపాదించే తెలివితేటలు ఉంటాయి హీరోకి. పేదరికం నుంచి తప్పించుకొని తాను కన్న కలలను సహకారం చేసుకోవడమే అతని లక్ష్యం. కానీ ఈ క్రమంలో అతను ఓ రోజు ఓ పెద్ద మోసంలో చిక్కుకొని పోలీసులకు పట్టబడతాడు. ఫలితంగా జైలుకు వెళ్లాల్సి వస్తుంది. ఇకనుంచి బయట పడ్డ తర్వాత మరింత బాగా మోసాలు ప్లాన్ చేయడం అలవాటు చేసుకుంటాడు. ఇక్కడే ఊహించని టర్న్ ఉంటుంది.
హీరో ఈసారి తన ఫస్ట్ బిగ్ టార్గెట్ గా ఒక బ్యాంక్ మేనేజర్ ని ఎంచుకుంటాడు. ఫేక్ ఐడీని సృష్టించి, బిజినెస్ మాన్ గా మేనేజర్ ని మోసం చేయాలని ప్లాన్ చేస్తారు. కానీ ఇక్కడ ట్విస్ట్ ఏంటంటే ఆమె మేనేజర్ కూడా మోసగాడే. దీంతో ఆ ప్లాన్ ఫెయిల్ అయ్యి, హీరోకే తిరిగి బెడిసి కొడుతుంది. ఈ ఫెయిల్యూర్ తో అతను మరింత రిస్క్ తీసుకోవాలని నిర్ణయించుకుంటాడు. ఈసారి రిచ్ విడోను టార్గెట్ చేసి ఆమెను ప్రేమలో పడేలా చేయాలని, ఆ తర్వాత ఆమె ఆస్తి కొట్టేయాలని ప్లాన్ చేస్తాడు. కానీ అక్కడ కూడా అతను మరో మోసంలో చిక్కుకొని, ఒక బిగ్ గ్యాంగ్ తో ఫైట్ చేయాల్సి వస్తుంది. ఆమెతో హీరో ప్రయాణం ఎలా సాగింది? అనుకున్నట్టుగా ఆ అమ్మాయిని బురిడీ కొట్టించి ఆస్తిని కొట్టేశాడా? ఆ రౌడీల నుంచి ఎలా తప్పించుకున్నాడు? అన్నది కథ.
Share
This Week OTT Movies: ఓటీటీ లవర్స్ కు పండగే.. ఏకంగా 13 సినిమాలు..
Blood Sugar: షుగర్ కంట్రోల్‌లో ఉండాలంటే.. ఈ టిప్స్ ట్రై చేయండి
