Thriller movie OTT : కొరియన్ సిరీస్ లను చాలా ఉత్సాహంగా చూస్తున్నారు ప్రేక్షకులు. రొమాంటిక్ నుంచి థ్రిల్లర్ వరకు వస్తున్న ఈ సిరీస్ లు బాగా ట్రెండింగ్ లో కూడా ఉంటున్నాయి. ఇవి ఓవర్ డైలాగులతో కాకుండా, సాదాసీదాగా సాగిపోయే ఒక ఫ్యామిలీ డ్రామాలా సాగుతుంటాయి. ఒక్కసారి వీటికి అలవాటు పడితే మానుకోవడం కష్టమే. ఇక రీసెంట్ గా ఒక కొరియన్ థ్రిల్లర్ సిరీస్ స్ట్రీమింగ్ కి వచ్చింది. ఇది ఊహించని ట్విస్టులతో మతి పోగొడుతోంది. ఒక మర్డర్ చుట్టూ తిరిగే ఈ స్టోరీ, ఒక్కో ఎపిసోడ్ మైండ్ బ్లాక్ చేస్తుంది.
ఈ కొరియన్ క్రైమ్ మిస్టరీ థ్రిల్లర్ సిరీస్ పేరు ‘ది ఆర్ట్ ఆఫ్ సారా’ (The Art of Sarah). దీనిని చు సాంగ్-యెన్ రచించగా, కిమ్ జిన్-మిన్ దర్శకత్వం వహించారు. ఇందులో సారా కిమ్గా షిన్ హ్యే-సున్ లీ, డిటెక్టివ్గా జున్-హ్యుక్ నటించారు. 8 ఎపిసోడ్లు ఉన్న ఈ సిరీస్ ఫిబ్రవరి 13 నుంచి నెట్ఫ్లిక్స్ (Netflix) ఓటీటీ ప్లాట్ ఫామ్లో స్ట్రీమింగ్ కు వచ్చింది. ఇది తెలుగు ఆడియోతో కూడా అందుబాటులో ఉంది.
సారా అనే ఒక అమ్మాయికి ఒక పెద్ద ఆశ ఉంటుంది. ఎలాగైనా సరే, పెద్ద హోదాలో ఉండాలననేదే ఆమె కోరిక. అందుకోసం అబద్ధాలతో ఒక పెద్ద నెట్వర్క్ అల్లేస్తుంది. తన పేరు మార్చుకుని, లేని గొప్పలు చెప్పుకుంటూ, పెద్ద పెద్ద హై సొసైటీ పార్టీల్లో తిరుగుతూ అందరినీ బురిడీ కొట్టిస్తుంది. ఒక సాదాసీదా అమ్మాయి, టౌన్లోనే మోస్ట్ పవర్ ఫుల్ బిజినెస్ ఉమెన్గా మారిపోతుంది కొద్ది రోజుల్లోనే. కానీ సీన్ కట్ చేస్తే.. అనుకోకుండా ఒక మర్డర్ కేసులో ఈమె పేరు బయటకి వస్తుంది. ఆ కేసును ఇన్వెస్టిగేట్ చేయడానికి ఒక మొండి డిటెక్టివ్ రంగంలోకి దిగుతాడు. అది అసలు మామూలు కేసు కాదు. చనిపోయిన అమ్మాయి అచ్చు సారా లాగే ఉంటుంది. దీంతో స్టోరీ మరింత ఇంటెన్స్ గా ఉంటుంది.
ఇక డిటెక్టివ్ ఈ కేసులో తవ్వే కొద్దీ, సారా మేకప్ వెనక ఉన్న అసలు ముఖం, ఆమె ఆడిన గోల్మాల్ వ్యవహారాలు ఒక్కొక్కటిగా బయటపడతాయి. ఆమె కట్టుకున్న రంగుల లోకం పేకమేడలా కూలిపోయే టైమ్ దగ్గర పడుతుంది. అసలు ఆ హత్య చేసింది సారానేనా? లేక ఎవరైనా ఆమెను ఇరికించారా? అసలు చనిపోయిన అమ్మాయి ఎవరు ? అనేదే అసలు మ్యాటర్. ప్రతి ఎపిసోడ్లో ఒక అదిరిపోయే ట్విస్ట్ ఇస్తూ, చివరి వరకు ఆడియన్స్ని కుర్చీ అంచున కూర్చోబెట్టేలా ఈ థ్రిల్లర్ సాగుతుంది.
Read Also : తండ్రిని జైలుకు పంపే కూతురు… భర్త కోసం భార్య ఎదురుచూపులు… ఏడిపించే ఎమోషన్స్ కూడా
Share
Ustaad Bhagat Singh: ‘ఉస్తాద్ భగత్ సింగ్’కు పొంచి ఉన్న గండం.. అయ్య బాబోయ్ అదే జరిగితే..
YSR District: నెయ్యి ట్యాంకర్ బోల్తా.. బకెట్లు, బాటిళ్లతో ఎగబడ్డ జనం
