Up Coming Movies : ఈ వారం థియేటర్లతో పాటు ఓటీటీలోకి రానున్న మోస్ట్ అవైటింగ్ మూవీస్ ఇవే… అక్యూస్డ్ నుండి ది కేరళ స్టోరీ 2 వరకు

Up Coming Movies : ఫిబ్రవరి చివరి వారం సినిమా ప్రేమికులకు అసలైన పండగనే చెప్పుకోవాలి. అటు థియేటర్లలో భారీ అంచనాలున్న చిత్రాలు, ఇటు ఓటీటీలో వైవిధ్యమైన కంటెంట్‌తో కళకళలాడబోతోంది. ఈ వారం ప్రేక్షకుల ముందుకు రానున్న మోస్ట్ అవైటింగ్ మూవీస్, వాటి స్ట్రీమింగ్ వివరాలు తెలుసుకుందాం.

1. ది కేరళ స్టోరీ 2 (The Kerala Story 2: Goes Beyond)

సంచలనం సృష్టించిన ‘ది కేరళ స్టోరీ’ చిత్రానికి సీక్వెల్‌గా వస్తున్న ఈ సినిమాపై దేశవ్యాప్తంగా భారీ అంచనాలు ఉన్నాయి. సుదీప్తో సేన్ దర్శకత్వంలో రూపొందిన ఈ చిత్రం 2026 ఫిబ్రవరి 27న థియేటర్లలో విడుదల కానుంది. మొదటి భాగంలో అదా శర్మ నటనకు మంచి గుర్తింపు రాగా, ఈ పార్ట్-2లో అదితి భాటియా, ఉల్కా గుప్తా కీలక పాత్రలు పోషించారు. మత మార్పిడులు, ఉగ్రవాద నేపథ్యంలో సాగే ఈ చిత్రం ఇప్పటికే పలు వివాదాలకు దారి తీసింది.

2. సైకో సయాన్ (Psycho Saiyaan)

హిందీ టెలివిజన్ స్టార్ తేజస్వి ప్రకాష్, సీనియర్ నటుడు రవి కిషన్ ప్రధాన పాత్రల్లో నటించిన వెబ్ సిరీస్ ‘సైకో సాయియాన్’. ఇది ఒక డార్క్ రొమాంటిక్ థ్రిల్లర్. ప్రేమ పేరుతో ఒక సైకో చేసే అరాచకాలు, దాని వెనుక ఉన్న మిస్టరీ చుట్టూ కథ తిరుగుతుంది. ఈ సిరీస్ ఫిబ్రవరి 25 నుండి Amazon MX Playerలో అందుబాటులోకి రానుంది. ఇది ఉచితంగా స్ట్రీమింగ్ అవుతుండటంతో ఆడియన్స్ లో మంచి క్రేజ్ కనిపిస్తోంది.

3. మస్తిష్క మరణం (Masthishka Maranam)

మలయాళ చిత్ర పరిశ్రమ నుండి వస్తున్న వినూత్న సైన్స్ ఫిక్షన్ థ్రిల్లర్ ఇది. రజీషా విజయన్ ప్రధాన పాత్రలో నటించిన ఈ చిత్రం బ్రైన్ డెత్ కి సంబంధించిన మిస్టరీల నేపథ్యంలో సాగుతుంది. ఫిబ్రవరి 27న థియేటర్లలో విడుదల కానున్న ఈ సినిమా కేరళతో పాటు తెలుగు రాష్ట్రాల్లో కూడా విడుదలయ్యే అవకాశం ఉంది.

4. అక్యూస్డ్ (Accused)

ఇన్వెస్టిగేటివ్ క్రైమ్ థ్రిల్లర్‌లను ఇష్టపడే వారికి ఇది మంచి ఛాయిస్. ఇది ఈ వారం February 27న Netflix ఓటీటీలో స్ట్రీమింగ్ కానుంది. కోర్టు డ్రామాలు ఇష్టపడే ఆడియన్స్‌ను ఇది కచ్చితంగా ఆకట్టుకుంటుంది.

5. ది బ్లఫ్ (The Bluff)

గ్లోబల్ స్టార్ ప్రియాంక చోప్రా నటించిన హాలీవుడ్ చిత్రం ‘ది బ్లఫ్’. 19వ శతాబ్దపు కరీబియన్ నేపథ్యంలో సాగే ఈ యాక్షన్ అడ్వెంచర్ చిత్రంలో ప్రియాంక ఒక పైరేట్ పాత్రలో నటించింది. తన కుటుంబాన్ని కాపాడుకోవడానికి ఆమె చేసే పోరాటం ఈ సినిమా మైన్ స్టోరీ. ఇది అమెజాన్ ప్రైమ్ వీడియోలో నేరుగా డిజిటల్ స్ట్రీమింగ్ కానుంది.

6. వన్ బ్యాటిల్ ఆఫ్టర్ అనదర్ (One Battle After Another)

వార్ నేపథ్యంలో రూపొందిన ఈ చిత్రం కూడా ఈ వారం డిజిటల్ ప్లాట్‌ఫామ్‌లలో సందడి చేయనుంది. అద్భుతమైన విజువల్స్, ఫైట్స్ తో ఈ మూవీ యాక్షన్ ప్రేమికులను అలరించనుంది. ఈ సినిమా ఫిబ్రవరి 26 నుంచి Jio Hotstar లో స్ట్రీమింగ్ కానుంది.

Read Also : భయంకరమైన కుట్రలు… బలయ్యేది డిఫెన్స్ ఆఫీసర్లు… ఊర మాస్ రివేంజ్ మావా

Share

• 
• 
• 
• 
• 
•