Year Ender 2025 : 2025లో టాప్ 10 నెట్ ఫ్లిక్స్ ఒరిజినల్ మూవీస్… ఒక్కోటి ఒక్కో మాస్టర్ పీస్

Year Ender 2025 : ఓటీటీలలో ఈ ఏడాది ఎన్నో సినిమాలు, సిరీస్ లు రిలీజ్ అయ్యాయి. అయితే ఇటీవల కాలంలో ఆయా ఓటీటీల్లో సొంతంగా నిర్మిస్తున్న ఒరిజినల్స్ హవా పెరిగింది. అందులోనూ ఇలాంటి వాటికి దిగ్గజ ఓటీటీ సంస్థ నెట్ ఫ్లిక్స్ కేరాఫ్ అడ్రస్ అని చెప్పవచ్చు. మరి ఈ ఏడాది నెట్ ఫ్లిక్స్ లో రిలీజ్ అయిన బెస్ట్ ఒరిజినల్స్ పై ఓ లుక్కేద్దాం పదండి.

5 . ‘ఇన్ యువర్ డ్రీమ్స్’ (2025)

‘ఇన్ యువర్ డ్రీమ్స్’ (In Your Dreams) అలెక్స్ వూ దర్శకత్వం వహించిన యానిమేటెడ్ అడ్వెంచర్-కామెడీ చిత్రం. 12 ఏళ్ల స్టీవీ, ఆమె తమ్ముడు ఎలియట్ కథ ఇది. ఇద్దరూ కలిసి కలల ప్రపంచంలోకి ఒక అద్భుతమైన ప్రయాణాన్ని ప్రారంభిస్తారు, శాండ్‌మ్యాన్‌ను తమకు పరిపూర్ణ కుటుంబాన్ని ఇవ్వమని అడుగుతారు మరి ఆ కల నెరవేరిందా ? అన్నది స్టోరీ. ఉత్తమ యానిమేటెడ్ ఫీచర్‌గా ఆస్ట్రా ఫిల్మ్ అవార్డు నామినేషన్‌ను సంపాదించింది ఈ మూవీ.

4 . ‘ఎ హౌస్ ఆఫ్ డైనమైట్’ (2025)

కేథరిన్ బిగెలో దర్శకత్వం వహించిన అపోకలిప్టిక్ పొలిటికల్ థ్రిల్లర్ ‘ఎ హౌస్ ఆఫ్ డైనమైట్’ (A House of Dynamite) , తెలియని శత్రువు అమెరికాపై ప్రయోగించబోయే క్షిపణి దాడి చుట్టూ తిరుగుతుంది ఈ మూవీ. అన్నీ దేశాల ప్రభుత్వాలు, సైనిక అధికారులకు పరిస్థితిని ఎదుర్కోవడానికి సమయం దొరకకపోవడంతో, ప్రత్యర్థిని గుర్తించడానికి కష్టపడుతుంటారు. మరి ఆ పరిస్థితిని ఎలా దాటారు అన్నది కథ. ఈ గ్రిప్పింగ్ థ్రిల్లర్ కొన్ని రాజకీయ వివాదాలను సృష్టించినప్పటికీ, సాంకేతిక విమర్శలను ఎదుర్కొన్నప్పటికీ… ఈ ఏడాది నెట్‌ఫ్లిక్స్ ఉత్తమ చిత్రాలలో ఒకటిగా నిలిచింది.

3 . ‘ఫ్రాంకెన్‌స్టైయిన్’ (2025)

గిల్లెర్మో డెల్ టోరో రచించి, దర్శకత్వం వహించి , నిర్మించిన మూవీ ‘ఫ్రాంకెన్‌స్టైయిన్’ (Frankenstein). 1818లో మేరీ షెల్లీ రాసిన నవల ఆధారంగా రూపొందించిన సైన్స్ ఫిక్షన్ చిత్రం. ఈ చిత్రం డాక్టర్ విక్టర్ ఫ్రాంకెన్‌స్టైయిన్ ( ఆస్కార్ ఐజాక్ ) అనే తెలివైన, అహంకార శాస్త్రవేత్త కథ. అతను చనిపోయిన వారిలో ఒక్కొక్కరిలో ఒక్కో పార్ట్ ను తీసి, చివరికి ఓ ప్రాణికి ప్రాణం పోస్తాడు. ఆ తరువాత ఏం జరిగింది అన్నది కథ.

2 . ‘ది పర్ఫెక్ట్ నైబర్’ (2025)

గీతా గాంభీర్ దర్శకత్వం వహించి , నిర్మించిన ‘ది పర్ఫెక్ట్ నైబర్’ (The Perfect Neighbor) అనేది 2023లో ఫ్లోరిడాలోని ఒకాలాలో జరిగిన అజికే ఓవెన్స్ హత్య గురించిన డాక్యుమెంటరీ చిత్రం . ఈ డాక్యుమెంటరీలో ఎక్కువగా బాడీక్యామ్ ఫుటేజ్, కాల్ ఆర్కైవ్‌లను ఉపయోగించి , సుసాన్ లూయిస్ లోరిన్జ్ తన పొరుగున ఉన్న ఓవెన్స్‌ను కాల్చి చంపిన విషాద సంఘటనకు దారితీసిన సంఘటనలను చూపిస్తుంది. నెట్‌ఫ్లిక్స్‌లో వచ్చిన అత్యుత్తమ డాక్యుమెంటరీలలో నిస్సందేహంగా ఇది కూడా ఒకటి. ఈ చిత్రం 2025 సన్‌డాన్స్ ఫిల్మ్ ఫెస్టివల్‌లో ప్రీమియర్ అయ్యి, బెస్ట్ డైరెక్టర్ అవార్డును గెలుచుకుంది.

1. ‘కెపాప్ డెమోన్ హంటర్స్’ (2025)

మాగీ కాంగ్మరియుక్రిస్ అప్పెల్హాన్స్దర్శకత్వం వహించి, సహ రచయితగా రాసిన యానిమేటెడ్ మ్యూజికల్ ఫాంటసీ చిత్రం KPop Demon Hunters. రాక్షసులతో పోరాడే K-పాప్ గర్ల్ గ్రూప్ మధురమైన కథ, అద్భుతమైన యానిమేషన్, సౌండ్‌ట్రాక్ ల సమ్మేళనం ఈ మూవీ. కొరియన్ పురాణాలు, కె-పాప్, అనిమేల నుండి ప్రేరణ పొందిన కెపాప్ డెమన్ హంటర్స్ నెట్‌ఫ్లిక్స్ లోనే అత్యధికంగా వ్యూస్ కొల్లగొట్టిన మూవీ. గ్రామీ అవార్డులలో భారీ సంఖ్యలో నామినేషన్లను పొందింది.