8849 TANK X| చైనాకు చెందిన ప్రీమియం టెక్ కంపెనీ యూనిహెట్జ్ (Unihertz) సబ్ బ్రాండ్ 8849 తాజాగా కొత్త మిలిటరీ రగ్డ్ స్మార్ట్ఫోన్ 8849 ట్యాంక్ ఎక్స్ (TANK X)ని లాంచ్ చేసింది. ఈ ఫోన్ బలమైన డ్యూరబిలిటీ, పవర్ఫుల్ బ్యాటరీ, ప్రొఫెషనల్ ఫీచర్లతో వస్తోంది. అవుట్డోర్ యూజర్లు, ఇంజినీర్లు, ఎమర్జెన్సీ వర్కర్లు, ఎక్కువ బ్యాటరీ లైఫ్ కావాలనుకునే వారికి ఇది చాలా బాగుంటుంది. పెద్ద బ్యాటరీ, బిల్ట్-ఇన్ ప్రొజెక్టర్, బలమైన బిల్డ్ క్వాలిటీ దీని ప్రధాన హైలైట్లు.
ఈ ఫోన్ అధికారిక ధర $1,049.99 (భారతదేశంలో సుమారు రూ.94,929). ప్రస్తుతం ప్రీ-బుకింగ్ ధర $549.99 (సుమారు రూ.49,724) మాత్రమే. మార్చి 1 నుంచి గ్లోబల్ షిప్పింగ్ ప్రారంభమవుతుంది. అంతర్జాతీయ వేర్హౌస్ల నుంచి షిప్ అవుతుంది.
8849 TANK Xలో 6.78 ఇంచ్ LCD పంచ్-హోల్ డిస్ప్లే ఉంది. ఫుల్ HD+ రిజల్యూషన్ (1080 x 2460 పిక్సెల్స్), 120Hz రిఫ్రెష్ రేట్ ఉన్నాయి. గరిష్ట బ్రైట్నెస్ 750 నిట్స్ వరకు ఉంది. బయట ఎండలో కూడా స్పష్టంగా కనిపిస్తుంది.
ఈ ఫోన్లో 220 లూమెన్స్ DLP ప్రొజెక్టర్ ఉంది. ఫుల్ HD 1920 x 1080 రిజల్యూషన్లో ప్రొజెక్ట్ చేస్తుంది. వీడియోలు, ప్రెజెంటేషన్లు ఏ గోడపైనా చూపవచ్చు. కీస్టోన్ కరెక్షన్, 4 మీటర్ల లేజర్ ఆటోఫోకస్తో స్పష్టత ఉంటుంది. ఏ చోటైనా మినీ సినిమా థియేటర్గా మారుస్తుంది.
Also Read: ఆన్లైన్లో మీ ఫొటోలకు ప్రమాదం.. యాప్స్టోర్లో పెరిగిపోతున్న బట్టలు తొలగించే ఏఐ యాప్స్
మీడియాటెక్ డైమెన్సిటీ 8200 ప్రాసెసర్తో ఆక్టా-కోర్ పవర్ ఉంది. గేమింగ్, మల్టీటాస్కింగ్ సులభంగా జరుగుతాయి. ఆండ్రాయిడ్ 15తో రన్ అవుతుంది. స్మూత్, ఆధునిక ఎక్స్పీరియన్స్ ఇస్తుంది. థర్మల్ కంట్రోల్, పవర్ మేనేజ్మెంట్ మెరుగుపడ్డాయి.
17,600mAh భారీ బ్యాటరీ ఉంది. 120W ఫాస్ట్ ఛార్జింగ్ సపోర్ట్ చేస్తుంది. 70 నిమిషాల్లో ఫుల్ ఛార్జ్ అవుతుంది. అవుట్డోర్, ప్రొఫెషనల్ ఉపయోగానికి చాలా సరిపోతుంది. డ్యూయల్-సెల్ డిజైన్ ఛార్జింగ్ స్పీడ్, సేఫ్టీ పెంచుతుంది.
16GB ఫిజికల్ RAM + 16GB వర్చువల్ RAM ఉంది. 512GB ఇంటర్నల్ స్టోరేజ్ ఉంది. మైక్రో SD కార్డ్తో 2TB వరకు విస్తరించవచ్చు.
రియర్లో మూడు కెమెరాలు ఉన్నాయి. 50MP Sony ఆటోఫోకస్ ప్రైమరీ కెమెరా, 64MP నైట్ విజన్ కెమెరా, 8MP టెలిఫోటో (3x ఆప్టికల్ జూమ్) ఉన్నాయి. ఫ్రంట్లో 50MP ఫిక్స్డ్-ఫోకస్ సెన్సార్ ఉంది.
డ్యూయల్-ఫ్రీక్వెన్సీ GPS (L1 + L5)తో ఖచ్చితమైన లొకేషన్ ట్రాకింగ్ ఉంది. Wi-Fi 6, బ్లూటూత్ 5.4 సపోర్ట్ ఉన్నాయి. గ్లోబల్ నెట్వర్క్ క్యారియర్లు సపోర్ట్ చేస్తాయి. 1200 లూమెన్స్ క్యాంపింగ్ & ఎమర్జెన్సీ లైట్ కూడా ఉంది.
IP68, IP69K రేటింగ్లు ఉన్నాయి. దుమ్ము, నీరు, హై-ప్రెషర్ వాషింగ్ చేసినా ఫోన్ డ్యామెజ్ కాదు. కన్స్ట్రక్షన్ వర్కర్లు, అవుట్డోర్ ప్రొఫెషనల్స్, రెస్క్యూ ఆపరేషన్లకు ఇది బెస్ట్ ఆప్షన్. దీని డైమెన్షన్స్ 180.5 x 91.8 x 31.9 mm, బరువు సుమారు 750 గ్రాములు.
Share
Gundeninda GudiGantalu Today episode: శృతి, మీనాను సత్యం షాక్.. రోహిణి గురించి నిజం తెలుస్తుందా..? ప్రభావతికి అనుమానం..
Netflix OTT : 'ఇక్కా' నుండి 'ఫ్యామిలీ బిజినెస్' వరకు.... ఈ ఏడాది నెట్ఫ్లిక్స్ ను షేక్ చేయనున్న సినిమాలు, సిరీస్లు ఇవే
