AC tips: సమ్మర్ వచ్చేసింది.. క్రమంగా ఉష్ణోగ్రత పెరుగుతుండటంతో అప్పుడే అందరూ ఏసీల వైపు చూస్తున్నారు. అయితే, గత కొన్ని నెలలుగా వాడకుండా పక్కన పెట్టిన ఏసీని డైరెక్ట్గా ఆన్ చేసేయకండి. అది మీ ఆరోగ్యానికే కాదు.. మీ జేబుకి కూడా అస్సలు మంచిది కాదు. దుమ్ము ధూళి పేరుకుపోవడం వల్ల ఏసీ కూలింగ్ తగ్గిపోవడమే కాకుండా, కరెంటు బిల్లు కూడా తడిసి మోపెడవుతుంది. అందుకే, మీరు ఈ సీజన్లో మొదటిసారి ఏసీని ఆన్ చేసే ముందు ఈ జాగ్రత్తలు మాత్రం అస్సలు మర్చిపోకండి.
ఏసీని ఆన్ చేసే ముందే ఒకసారి ప్రొఫెషనల్ సర్వీసింగ్ చేయించుకోవడం అన్నిటికంటే బెస్ట్. నెలల తరబడి ఏసీ ఖాళీగా ఉండటం వల్ల ఫిల్టర్లు, కాయిల్స్లో విపరీతంగా దుమ్ము పేరుకుపోయి ఉంటుంది. దీంతో ఏసీ గాలిని పీల్చుకోవడానికి ఎక్కువ కష్టపడాల్సి వస్తుంది. ఫలితంగా కరెంటు బిల్లు ఎక్కవ వస్తుంది. కనీసం మీరు ఫిల్టర్లను తీసి క్లీన్ చేసినా కూలింగ్ బాగుంటుంది.
Also Read: ఐఫోన్కు చెక్ పెట్టేలా iQOO కొత్త ఫోన్.. 200MP కెమెరా, స్నాప్డ్రాగన్ 8 Gen 5తో భారత్లోకి!
ఏసీ ఇండోర్, అవుట్డోర్ యూనిట్లను ఒకసారి చెక్ చేసుకోండి. ముఖ్యంగా వాటర్ బయటకు వెళ్లే డ్రైన్ పైపులో ఏవైనా అడ్డంకులు ఉన్నాయేమో చూడండి. అలాగే, గ్యాస్ లీకేజీ లాంటి సమస్యలు ఏవైనా ఉంటే ముందే గుర్తించడం మంచిది. దీనివల్ల తర్వాత వచ్చే భారీ ఖర్చుల నుంచి తప్పించుకోవచ్చు.
చాలా రోజుల తర్వాత ఏసీ వాడుతున్నప్పుడు వైర్లు ఎక్కడైనా కట్ అయ్యాయో లేదో ఒకసారి చెక్ చేయండి. ఒక్కోసారి ఎలుకల వల్ల వైర్లు దెబ్బతింటే షార్ట్ సర్క్యూట్ అయ్యే ప్రమాదం ఉంటుంది. అలాగే మీ స్టెబిలైజర్ సరిగ్గా పని చేస్తుందో లేదో చూసుకోవడం వల్ల వోల్టేజ్ హెచ్చుతగ్గుల నుండి ఏసీని కాపాడుకోవచ్చు.
ఏసీ స్విచ్ వేయగానే వెంటనే కూల్ మోడ్లో పెట్టేయకండి. మొదట ఫ్యాన్ మోడ్లో పెట్టి ఓ అరగంట పాటు రన్ అవ్వనివ్వండి. ఇలా చేయడం వల్ల ఏసీ లోపల పేరుకుపోయిన దుమ్ము, తేమ, దుర్వాసన అన్నీ బయటకు పోతాయి. ఆ తర్వాత కూల్ మోడ్ ఆన్ చేస్తే.. ఏసీ త్వరగా చల్లబడటమే కాకుండా మిషన్ మీద లోడ్ కూడా పడదు.
Also Read: మొబైల్ను ఒక్క చేత్తో పట్టుకుని రీల్స్, షార్ట్స్ చూడటం కష్టంగా ఉందా? ఈ గ్యాడ్జెట్స్ మీ కోసమే!
Share
Ramzan 2026: ప్రభుత్వం కీలక ఆదేశం.. తెల్లవారుజామున 5 గంటల వరకూ షాపులు ఓపెన్.. ఎందుకంటే?
Komatireddy Venkat Reddy: అద్దం లాంటి రోడ్లే లక్ష్యం.. 2026-27 బడ్జెట్ ప్రతిపాదనలపై మంత్రి కోమటిరెడ్డి సమీక్ష
