Best Prepaid Plans: దేశంలో పెరుగుతున్న ఖర్చుల నేపథ్యంలో మొబైల్ వినియోగదారులకు టెలికాం కంపెనీలు మంచి ఉపశమనం కలిగించాయి. నెలనెలా రీఛార్జ్ చేసే తలనొప్పి లేకుండా, తక్కువ ధరలో ఎక్కువ కాలం చెల్లుబాటు అయ్యే ప్లాన్ల కోసం చూసేవారికి ఇవి బాగా ఉపయోగపడతాయి. ముఖ్యంగా కాల్స్, ఎస్ఎంఎస్‌లు ఎక్కువగా వాడుతూ, డేటా తక్కువగా కావాలనుకునే వారిని దృష్టిలో పెట్టుకుని ఎయిర్‌టెల్, జియో, వీఐ కంపెనీలు రూ.500 లోపే 84 రోజుల వ్యాలిడిటీ ప్లాన్లను అందిస్తున్నాయి.
ఎయిర్‌టెల్ వినియోగదారుల కోసం రూ.469 ప్లాన్‌ను అందుబాటులోకి తెచ్చింది. దీని వ్యాలిడిటీ 84 రోజులు. దీనిలో దేశవ్యాప్తంగా అపరిమిత ఉచిత కాల్స్‌తో పాటు మొత్తం 900 SMS లభిస్తాయి. డేటా వాడకం తక్కువగా ఉండే వారికి ఇది సరైన ఎంపిక. దీనితో పాటు హలోట్యూన్స్, అడోబ్ ఎక్స్‌ప్రెస్ ప్రీమియం వంటి అదనపు ప్రయోజనాలు కూడా ఉన్నాయి. దీని రోజువారీ ఖర్చు కేవలం రూ.5.58 మాత్రమే పడుతుంది.
రిలయన్స్ జియో కూడా తమ యూజర్ల కోసం రూ.448 ధరతో ఒక పొదుపు ప్లాన్‌ను తెచ్చింది. 84 రోజుల వ్యాలిడిటీతో వచ్చే ఈ ప్లాన్‌లో ఉచిత అపరిమిత కాల్స్, 1000 SMS లభిస్తాయి. ఈ ప్లాన్ ద్వారా మొబైల్ డేటా లభించనప్పటికీ.. జియో టీవీ, జియో ఏఐ క్లౌడ్ వంటి సేవలను ఉచితంగా వాడుకోవచ్చు. దీని రోజువారీ ఖర్చు దాదాపు రూ.5.33గా ఉంటుంది.
వోడాఫోన్ ఐడియా (వీఐ) కూడా తక్కువ బడ్జెట్‌లో రూ.470 ప్లాన్‌ను అందిస్తోంది. దీని ద్వారా 84 రోజుల పాటు ఉచిత కాల్స్, 900 SMS పొందొచ్చు. ఇంటర్నెట్ పెద్దగా అవసరం లేని వారికి, కేవలం ఫోన్ మాట్లాడటానికి మాత్రమే మొబైల్ వాడేవారికి ఈ ప్లాన్ ఎంతో లాభదాయకంగా ఉంటుంది. దీని రోజువారీ ఖర్చు సుమారు రూ.5.59 అవుతుంది.
కొద్దిగా డేటా కూడా కావాలనుకునే వారి కోసం Vi రూ.548 ప్లాన్‌ను అందిస్తోంది. 84 రోజుల వ్యాలిడిటీతో పాటు ఇందులో 7GB డేటా, అపరిమిత కాల్స్, 1000 SMSలు వస్తాయి. అలాగే రూ.489 ధరతో 78 రోజుల వ్యాలిడిటీ, 6GB డేటా ఇచ్చే మరో ప్లాన్ కూడా అందుబాటులో ఉంది.
Share
రామ్ చరణ్ ‘పెద్ది’లో టాక్సిక్ లవ్ స్టోరీ.. ఢిల్లీ ప్రెస్ మీట్లో ఊహించని లీక్!
ఎవరీ వైభవ్ సూర్యవంశీ? 15 ఏళ్ల వయసులోనే క్రిస్ గేల్ రికార్డును బద్దలు కొట్టిన ఐపీఎల్ స్టార్!
