AI Beats Human Hackers| ఇప్పుడు టెక్నాలజీ రంగంలో కృత్రిమ మేధస్సు (ఆర్టిఫీషియల్ ఇంటెలిజెన్స్ AI) రాజ్యమేలుతోంది. మనుషులు ఊహకు అందని విధంగా ఏఐ శరవేగంగా అభివృద్ధి చెందుతోంది. దీనికి ఒక తాజా ఉదాహరణ స్టాన్ఫోర్డ్ యూనివర్సిటీలో జరిగిన ఒక సైబర్ సెక్యూరిటీ పరీక్ష.
స్టాన్ఫోర్డ్ యూనివర్సిటీ ఇటీవల సైబర్ సెక్యూరిటీ పరీక్ష నిర్వహించింది. ఈ పరీక్షలో మానవులకు, AIకి కు మధ్య పోటీ జరిగింది. ఈ ప్రయోగం ఆశ్చర్యకరమైన ఫలితాన్ని ఇచ్చింది. ఒక AI ఏజెంట్ ప్రొఫెషనల్ మానవ హ్యాకర్ల కంటే మెరుగ్గా పనిచేసింది. డిజిటల్ వ్యవస్థలను రక్షించడానికి సాధారణంగా అధిక వేతనాలు తీసుకునే ఈ నిపుణులను AI సులభంగా అధిగమించింది. ఈ ఫలితం సైబర్ సెక్యూరిటీ రంగంలో ఒక పెద్ద మార్పును సూచిస్తుంది.
స్టాన్ఫోర్డ్ యూనివర్సిటీ పరిశోధకులు తయారు చేసిన AI ఏజెంట్ ఆర్టెమిస్ ఒక యూనివర్సిటీ నెట్వర్క్లో 8,000కి పైగా డివైస్లను స్కాన్ చేసింది. ఇది కేవలం 16 గంటల్లోనే పూర్తి చేసింది. ఈ పరీక్షలో ఆర్టెమిస్ ఏఐ.. 10 మంది అనుభవజ్ఞులైన మానవ హ్యాకర్లు (పెనెట్రేషన్ టెస్టర్ల)లో 9 మందిని మించిపోయింది. మానవులు గుర్తించని కీలక సెక్యూరిటీ లోపాలను AI కనుగొంది. ఇది సైబర్ సెక్యూరిటీలో చాలా పెద్ద మార్పు.
ఆర్టెమిస్ సాధారణ AI టూల్స్ లాగా కాదు. ఇది ఆటోమెటిక్గా పనిచేసేఒక కాంప్లెక్స్, మల్టీ-స్టెప్ టాస్క్లు చేస్తుంది. ఏదైనా అనుమానాస్పద క్లూ దొరికితే బహుళ “సబ్-ఏజెంట్స్”ని లాంచ్ చేస్తుంది. ఈ సబ్-ఏజెంట్స్ ఒకేసారి వేర్వేరు కోణాల నుంచి లోపాలను పరిశీలిస్తాయి. మానవులు ఇలా ఒకేసారి అనేక లోపాలను చెక్ చేయలేరు.
AI, మానవుల మధ్య సైబర్ సెక్యూరిటీ నిర్వహణ ఖర్చు తేడా భారీగా ఉంది. గంటకి పనిచేసేందుకు ఆర్టెమిస్ 18 డాలర్లు (భారత కరెన్సీలో సుమారు రూ.1,500) మాత్రమే ఖర్చు అవుతుంది. అడ్వాన్స్డ్ వెర్షన్ ఖర్చు గంటకు 59 డాలర్లు (రూ.5,000). అమెరికాలో ప్రొఫెషనల్ పెనెట్రేషన్ టెస్టర్ ఏటా 125,000 డాలర్లు (రూ.1 కోటి పైగా) సంపాదిస్తాడు. AI నిరంతరం, స్కేలబుల్గా పని చేస్తుంది. అంటే ఖర్చు చాలా తక్కువ.
ఒక పాత సర్వర్లో పెద్ద లోపం ఉంది. మానవ టెస్టర్ల బ్రౌజర్ లోడ్ కాలేదు కాబట్టి వాళ్లు మిస్ చేశారు. ARTEMIS కమాండ్ లైన్ ఇంటర్ఫేస్ ద్వారా యాక్సెస్ చేసి లోపాన్ని కనుగొంది. గ్రాఫికల్ లిమిటేషన్స్ లేకుండా పట్టుబట్టి చెక్ చేసింది.
Also Read: ఎయిర్టెల్ vs జియో.. రీచార్జ్ ఫ్లాన్స్, స్పీడ్, నెట్వర్క్ పరంగా ఏది బెస్ట్?
ఆర్టెమిస్ ఏఐ ఇంకా 100 శాతం సిద్ధం కాలేదు. గ్రాఫికల్ యూజర్ ఇంటర్ఫేస్ (GUI) టాస్క్లలో ఇబ్బంది పడుతుంది. ఒక సీరియస్ లోపాన్ని ఎక్స్ప్లాయిట్ చేయలేకపోయింది. క్లిక్ లేదా విజువల్ ఎలిమెంట్స్ సరిగ్గా గుర్తించలేదు. కొన్ని ఫాల్స్ పాజిటివ్స్ కూడా వచ్చాయి.
ఈ పరీక్ష సైబర్ సెక్యూరిటీలో పెద్ద మార్పు సూచిస్తుంది. ఆర్టెమిస్ లాంటి AI మానవ సెక్యూరిటీ టీమ్లకి బలమైన సహాయం చేస్తుంది. పెద్ద నెట్వర్క్లను నిరంతరం స్కాన్ చేస్తుంది. అప్పుడు మానవులు కాంప్లెక్స్ స్ట్రాటజీల మీద ఫోకస్ చేయొచ్చు. AI వేగానికి తోడు మానవ ఆలోచన కలిసి భవిష్యత్ సైబర్ డిఫెన్స్ని నిర్ణయిస్తాయి
Share
Intinti Ramayanam Today Episode: పల్లవికి దిమ్మతిరిగే షాక్.. తిరిగి వచ్చిన ఆస్తి.. శ్రీయకు అవని స్ట్రాంగ్ వార్నింగ్..
IPL Auction-2026: ఐపీఎల్-2026 వేలం.. తెలుగు అబ్బాయి అమన్రావుకి జాక్పాట్, ఆర్ఆర్లో చోటు
