Air Fryer: మీ వంట గదిలో ఇది కూడా ఉంటే సగం గ్యాస్ కలిసొచ్చినట్లే.. ఆరోగ్యం కూడా..

Air Fryer: దేశంలో గ్యాస్ సిలిండర్ల కొరత ఏ స్థాయిలో ఉందో అందరికీ తెలిసిందే.. అయితే గ్యాస్ ఆదాచేసేందుకు ప్రజలు దాదాపు అన్ని ప్రయత్నాలు చేస్తున్నారు. ఇండక్షన్ తో పాటు ఇంకో ఎలట్రిక్ డివైజ్ కూడా మీ ఇంట్లో ఉంటే వంట మరింత సులభం అంవుతుంది. అదే ఎయిర్ ఫైయర్ ఇది రూ. 3 వేల లోపు వచ్చేస్తుంది. మీ వంటను మరింత సులభంగా ఆరోగ్య వంతంగా తయారు చేస్తుంది. ఇందులో ఆయిల్ వాడకం కూడా బాగా తక్కువగా ఉండటంతో ఆరోగ్యానికి కూడా ఎంతో మంచిది. ముఖ్యంగా ఇండక్షన్ స్టవ్ తరహాలోనే, ఇప్పుడు ఎయిర్ ఫ్రైయర్ కూడా ప్రతి ఇంట్లో ఉండాల్సిన అవసరమైన పరికరంగా మారింది.

Rwead also-YouTube No Ads: యూట్యూబ్‌ ధమాకా ఆఫర్.. యాడ్స్ లేకుండా 60 రోజుల వరకు వీడియోస్ ఫ్రీ.. ఇలా యాక్టివేట్ చేయండి

గ్యాస్ ఆదా

వంట గ్యాస్ కొరతను, పెరుగుతున్న ధరలను అధిగమించేందుకు ఇది చక్కని పరిష్కారం. పిండి వంటలు, వేపుళ్లు చేయడానికి గంటల తరబడి గ్యాస్ వాడాల్సిన అవసరం ఉండదు. అదే విధంగా , డీప్ ఫ్రై చేసే పదార్థాలను కేవలం ఒక చెంచా నూనెతో లేదా అస్సలు నూనె లేకుండానే ఇందులో తయారు చేసుకోవచ్చు.

ఆరోగ్యం మీ చేతుల్లో

అధిక నూనె వాడకం వల్ల వచ్చే గుండె జబ్బులు, ఊబకాయం వంటి సమస్యలకు ఎయిర్ ఫ్రైయర్ చెక్ పెడుతుంది. ఇది వేడి గాలి ద్వారా ఆహారాన్ని ఉడికిస్తుంది. దీనివల్ల ఆహారంలోని కేలరీలు దాదాపు 70-80% వరకు తగ్గుతాయి. ఎయిర్ ఫ్రైయర్‌తో కేవలం ఫ్రై మాత్రమే కాదు, ఇంకా ఎన్నో చేయవచ్చు. కేకులు, బిస్కెట్లు తయారు చేసుకోవచ్చు. చికెన్, పనీర్ వంటి వాటిని రోస్ట్ చేయవచ్చు. మిగిలిపోయిన ఫుడ్ లేదా సమోసాలు వంటి వాటిని మళ్లీ క్రిస్పీగా వేడి చేసుకోవచ్చు. ఇప్పడు మీకు ఇష్టమైన ఆహారం ఏ చింతా లేకుండా తినవచ్చు.

బడ్జెట్ ధరలో లభ్యత

ప్రస్తుతం మార్కెట్‌లో మంచి బ్రాండెడ్ ఎయిర్ ఫ్రైయర్లు రూ. 3,000 నుండి రూ. 5,000 లోపు ధరల్లో అందుబాటులో ఉన్నాయి. ఇది ఒకసారి పెట్టే పెట్టుబడి అయినప్పటికీ, దీర్ఘకాలంలో మీ గ్యాస్ బిల్లును, మెడికల్ ఖర్చులను గణనీయంగా తగ్గిస్తుంది.

చిట్కాలు

ఎయిర్ ఫ్రైయర్ కొనేటప్పుడు మీ కుటుంబ సభ్యుల సంఖ్యను బట్టి దాని కెపాసిటీ చూసి తీసుకోవాలి. వంట చేసేటప్పుడు మధ్యలో ఒకసారి బాస్కెట్‌ను తీసి పదార్థాలను అటు ఇటు కలిపితే వంట సమానంగా ఉడుకుతుంది. ఇది తక్కువ విద్యుత్ వినియోగంతో పనిచేస్తుంది, కాబట్టి కరెంట్ బిల్లు గురించి పెద్దగా ఆందోళన చెందాల్సిన అవసరం లేదు.