Airtel 84 Days Plan: టెలికాం కంపెనీలు రీఛార్జ్ ధరలు పెంచినప్పటి నుండి మొబైల్ వినియోగదారులకు ఖర్చులు భారీగా పెరిగిపోయాయి. ముఖ్యంగా సెకండరీ సిమ్ కార్డ్లను యాక్టివ్గా ఉంచుకోవడం కోసం ప్రతి నెలా వందల రూపాయలు ఖర్చు పెట్టడం సామాన్యులకు పెద్ద భారంగా మారింది. ఈ నేపథ్యంలోనే ఎయిర్టెల్ తమ యూజర్లకు సూపర్ గుడ్ న్యూస్ చెప్పింది. రూ.500 లోపు బడ్జెట్లోనే ఏకంగా 84 రోజుల పాటు లాంగ్ వాలిడిటీని ఇచ్చే సరికొత్త వాయిస్-ఓన్లీ ప్లాన్ను అందుబాటులోకి తెచ్చింది.
కేవలం రూ.469 ధరతో అందుబాటులోకి వచ్చిన ఈ ప్లాన్ ద్వారా యూజర్లు దాదాపు 3 నెలల పాటు సిమ్ యాక్టివేషన్ టెన్షన్ లేకుండా ఉండొచ్చు. కేవలం వాలిడిటీ, కాలింగ్ మాత్రమే కావాలనుకునే వారికి, ముఖ్యంగా సెకండరీ సిమ్ వాడేవారికి ఈ ప్లాన్ బెస్ట్ ఆప్షన్ అని చెప్పవచ్చు. ఈ ప్లాన్ ద్వారా లభించే పూర్తి ప్రయోజనాలేంటో ఇప్పుడు తెలుసుకుందాం రండి..
ఎయిర్టెల్ రూ.469 ప్లాన్తో యూజర్లకు ఎన్నో ప్రయోజనాలు లభిస్తాయి. ఈ ప్లాన్ తీసుకుంటే 84 రోజుల పాటు దేశవ్యాప్తంగా అన్లిమిటెడ్ వాయిస్ కాల్స్ మాట్లాడుకోవచ్చు. అలాగే ఉచిత నేషనల్ రోమింగ్ సౌకర్యం కూడా ఉంటుంది. బ్యాంకింగ్ ఓటీపీలు, మెసేజ్ల కోసం 900 ఉచిత ఎస్ఎంఎస్లను వాడుకోవచ్చు. అయితే, ఇది పూర్తిగా వాయిస్ కాలింగ్ కోసం తీసుకొచ్చిన ప్లాన్ కావడం వల్ల దీనిలో ఎలాంటి డేటా బెనిఫిట్స్ లభించవు. ఒకవేళ అత్యవసరంగా ఇంటర్నెట్ కావాలనుకుంటే, విడిగా డేటా ప్యాక్ వేసుకోవచ్చు.
Also Read: మీ పర్సనల్ డేటా లీక్ అవ్వకుండా.. సూపర్ స్పీడ్తో పనిచేసే బెస్ట్ బ్రౌజర్లు ఇవే!
ఈ ప్లాన్తో కేవలం కాలింగ్ మాత్రమే కాకుండా.. మరికొన్ని అదనపు ప్రయోజనాలను కూడా ఎయిర్టెల్ ఇస్తోంది. దీనితో పాటు ఏడాది పాటు ఉచితంగా ‘అడోబ్ ఎక్స్ప్రెస్ ప్రీమియం’ సబ్స్క్రిప్షన్ లభిస్తుంది. అలాగే ఉచిత హలో ట్యూన్స్, స్పామ్ కాల్స్ నుండి రక్షణ కల్పించే ప్రత్యేక నెట్వర్క్ ఫీచర్ను కూడా పొందొచ్చు.
మీకు కాలింగ్తో పాటు ఇంటర్నెట్ కూడా కావాలనుకుంటే ఎయిర్టెల్ రూ.548 ప్లాన్ను పరిశీలించవచ్చు. దీని ద్వారా కూడా 84 రోజుల వాలిడిటీ, అన్లిమిటెడ్ కాల్స్, 900 ఎస్ఎంఎస్లు లభిస్తాయి. కానీ, దీనితో పాటు అదనంగా 7GB హైస్పీడ్ డేటా కూడా వస్తుంది. యూపీఐ పేమెంట్లు, వాట్సప్ మెసేజ్ల కోసం ఇంటర్నెట్ వాడేవారికి ఇది సరిపోతుంది.
ట్రాయ్ సూచనల మేరకు టెలికాం సంస్థలు ఇలాంటి బడ్జెట్ ఫ్రెండ్లీ ప్లాన్లను అందిస్తున్నాయి. డ్యూయల్ సిమ్ వాడుతూ, పెద్దగా డేటా అవసరం లేని వారికి, కేవలం ఓటీపీలు వస్తే చాలనుకునే వారికి ఈ ప్లాన్లు చాలా హెల్ప్ అవుతాయి. మళ్లీ మళ్లీ రీఛార్జ్ చేయాలనే తలనొప్పి లేకుండా.. తక్కువ ఖర్చుతో సిమ్ను యాక్టివ్గా ఉంచుకోవడానికి ఇవి చక్కటి మార్గం.
Also Read: క్రెడిట్ లేదా డెబిట్ కార్డ్ పోగోట్టుకున్నారా? బ్యాంక్కు వెళ్లకుండానే నిమిషాల్లో బ్లాక్ చేయండిలా!
Share
నాడు చంద్రబాబు.. నేడు రేవంత్ రెడ్డి.. ఉచిత విద్యుత్పై ఇద్దరిదీ ఒకే కుట్ర- జీవన్ రెడ్డి
రూ.30 వేల ఏసీ ఎందుకు దండగ.. జస్ట్ రూ.800తో 45°C ఎండలోనూ ఇంటి వేడిని 15% తగ్గించుకోండి!
