Airtel Recharge: ఎయిర్‌టెల్ తన వినియోగదారుల కోసం మరో అద్భుతమైన ప్లాన్ ను తీసుకొచ్చింది. అదిరిపోయే బెనిఫిట్స్ తో రూ. 200 యాడ్ ఆన్ రీఛార్జ్ ప్యాక్‌ను పరిచయం చేసింది. ఈ ప్యాక్ కింద మొబైల్ డేటాతో పాటు ఫ్రీ ఓటీటీ సబ్ స్క్రిప్షన్స్ సైతం ఆఫర్ చేస్తోంది. ఈ నేపథ్యంలో ఈ ప్లాన్ కు సంబంధించిన విశేషాలేంటో ఇప్పుడు చూద్దాం.
ఈ కొత్త ప్యాక్ ను ఎయిర్ టెల్ 28 రోజుల వ్యాలిడిటీతో తీసుకొచ్చింది. 30GB హై-స్పీడ్ డేటాను ఆఫర్ చేస్తోంది. అంతేకాకుండా యూట్యూబ్ ప్రీమియం సబ్ స్క్రిప్షన్ సైతం యూజర్లకు అందిస్తోంది. ఎలాంటి ప్రకటనలు లేకుండా యూట్యూబ్ వీడియోలను వీక్షించే వెసులుబాటును ఈ యాడ్ ఆన్ ప్యాక్ కింద ఎయిర్ టెల్ కల్పిస్తోంది. దీనికి తోడు ‘యూట్యూబ్ మ్యూజిక్ ప్రీమియం’ సేవలు కూడా యూజర్లు ఫ్రీగా పొందొచ్చని ఎయిర్ టెల్ వర్గాలు తెలిపాయి.
యూట్యూబ్ ప్రీమియం మాత్రమే కాకుండా.. ఈ రీఛార్జ్ ద్వారా 20కి పైగా ఓటీటీ ప్లాట్‌ఫారమ్‌లను వీక్షించే అవకాశాన్ని ఎయిర్ టెల్ కల్పిస్తోంది. ఇందులో అమెజాన్ ప్రైమ్ వీడియో, జియోహాట్‌స్టార్, జీ5 ప్రీమియం, సోనీలివ్ వంటి టాప్ ఓటీటీ స్ట్రీమింగ్ యాప్స్ ఉండటం విశేషం. ఒకే రీఛార్జ్‌తో మొబైల్ డేటా, యూట్యూబ్ ప్రీమియం, ఫ్రీ ఓటీటీ సబ్ స్క్రిప్షన్ కోరుకునేవారికి రూ.200 ప్యాక్ అద్భుతమైన ఛాన్స్ అని ఎయిర్ టెల్ వర్గాలు తెలిపాయి. అయితే ప్యాక్ లో ఫ్రీ కాల్స్, ఎస్ఎంఎస్ లు ఏవి లభించవని స్పష్టం చేశాయి.
Also Read: జామియా వర్సిటీలో తీవ్ర ఉద్రిక్తత.. విద్యార్థులు, గార్డుల మధ్య ఘర్షణ.. తరగతులు ఆన్‌లైన్‌కు మళ్లింపు!
రూ. 200 ప్యాక్ రీఛార్జ్ చేసిన తర్వాత యూట్యూబ్ ప్రీమియం బెనిఫిట్‌ను ప్రత్యేకంగా క్లెయిమ్ చేసుకోవాల్సి ఉంటుందని ఎయిర్ టెల్ తెలిపింది. దీన్ని ‘ఎయిర్‌టెల్ థాంక్స్’ (Airtel Thanks) యాప్ లేదా ఎయిర్‌టెల్ అధికారిక వెబ్‌సైట్ ద్వారా యాక్టివేట్ చేసుకోవచ్చని తెలిపింది. యాప్ అయితే ముందుగా ‘రివార్డ్స్ అండ్ ఓటీటీ’ సెక్షన్ కు వెళ్లి.. అక్కడ యూట్యూబ్ ప్రీమియం ఆఫర్ ను క్లెయిమ్ చేసుకోవాలి. ఈ ప్రీమియం సబ్ స్క్రిప్షన్ 28 రోజులు మాత్రమే అందుబాటులో ఉండనుంది.
Also Read: ర్యాపిడో డ్రైవర్ ముసుగులో జైషే ఉగ్రవాది.. కస్టమర్లను ఎక్కించుకుంటూ.. పాక్‌తో కలిసి ఉగ్ర కుట్రలు!
Share
గాడ్ ఆఫ్ వార్ షూటింగ్ అప్డేట్ ఇచ్చిన త్రివిక్రమ్.. ఎన్టీఆర్ కూడా ఓకే చేశారా?
శంషాబాద్లో హవాలా గుట్టు రట్టు.. కోటి 56 లక్షల విదేశీ కరెన్సీ సీజ్!
