Google Bond| దిగ్గజ టెక్ కంపెనీ గూగుల్ ఇటీవలే 28 ఏళ్లు పూర్తి చేసుకుంది. 1998లో ప్రారంభమైన ఈ కంపెనీ ఇప్పుడు చాలా పెద్ద నిర్ణయం తీసుకుంది. దాని మాతృక సంస్థ Alphabet (ఆల్ఫబెట్).. 100 ఏళ్ల మెచ్యూరిటీతో బాండ్లు జారీ చేసింది. ఈ బాండ్లు 2126లో పూర్తిగా మెచ్యూర్ అవుతాయి. టెక్నాలజీ రంగంలో ఇంత ఎక్కువ గడువు ఉండే బాండ్లు (లాంగ్-టర్మ్ బాండ్లు) చాలా అరుదు. ఈ బాండ్లు జారీ చేసి భారీ మొత్తంలో అప్పు తీసుకోనుంది.
మీడియా రిపోర్ట్స్ ప్రకారం.. ఆల్ఫబెట్ కంపెనీ సుమారు 20 బిలియన్ డాలర్లు సేకరించాలని ప్లాన్ చేసింది. ఈ బాండ్లు వివిధ దేశాల కరెన్సీలలో జారీ అవుతున్నాయి. రెగ్యులేటరీ ఫైలింగ్స్ ప్రకారం ఏడు భాగాలుగా విభజించారు. వాటిలో ఒక భాగం 100 ఏళ్ల మెచ్యూరిటీ బాండ్. ఈ బాండ్ చూసి ఇన్వెస్టర్లు, ఇండస్ట్రీ నిపుణులు ఆశ్చర్యపరిచారు.
ఈ బాండ్ల ద్వారా పొందే డబ్బుతో గూగుల్ పెద్ద AI ఇన్ఫ్రాస్ట్రక్చర్ ప్రాజెక్టులు చేయాలని ప్లాన్ చేస్తోంది. అడ్వాన్స్డ్ డేటా సెంటర్లు, కంప్యూటింగ్ సిస్టమ్స్ నిర్మాణం జరుగుతుంది. అల్ఫాబెట్ AIని దీర్ఘకాలిక గ్రోత్ డ్రైవర్గా చూస్తోంది. సర్వర్లు, చిప్స్, క్లౌడ్ ఇన్ఫ్రాస్ట్రక్చర్పై మొత్తం 185 బిలియన్ డాలర్లు ఇన్వెస్ట్ చేయబోతున్నట్లు సమాచారం.
గూగుల్, మైక్రోసాఫ్ట్, మెటా, అమెజాన్ వంటి కంపెనీలు.. AIని ట్రాన్స్ఫార్మేషనల్ టెక్నాలజీగా భావిస్తున్నాయి. AI పరిశ్రమలు, రోజువారీ జీవితాన్ని మార్చేస్తుందని నమ్ముతున్నాయి. ఈ ఏడాది దిగ్గజ టెక్ కంపెనీలు 660 బిలియన్ డాలర్లు ఖర్చు చేయనున్నాయి. ఇది గత ఏడాది చేసిన ఖర్చు కంటే 60 శాతం ఎక్కువ
కొందరు నిపుణులు AIపై అతిగా ఖర్చు చేస్తున్నారని, బబుల్ (పేలిపోయే బుడగ) ఏర్పడవచ్చని అంటే ఏఐ ద్వారా ఆశించిన లాభాలు రావపోవచ్చు లేదా నష్టాలు జరిగే అవకాశం ఉందని హెచ్చరిస్తున్నారు. తక్షణ రాబడి రాకపోవచ్చని భయపడుతున్నారు. అయినప్పటికీ కంపెనీలు భారీగా ఇన్వెస్ట్ చేస్తున్నాయి. దీర్ఘకాలంలో పెద్ద లాభాలు వస్తాయని నమ్ముతున్నాయి. Alphabet ఈ 100 ఏళ్ల బాండ్ ద్వారా దీర్ఘకాలిక ఆలోచన చూపిస్తోంది.
Alphabet కంపెనీ జారీ చేసిన బాండ్లకు చాలా ఎక్కువ డిమాండ్ వచ్చింది. మొత్తం ఆర్డర్లు దాదాపు 100 బిలియన్ డాలర్లకు చేరాయి. ఇది అన్ని మెచ్యూరిటీల బాండ్లు కలిపి. 100 ఏళ్ల బాండ్కు మాత్రమే కాదు.. అంటే Alphabet భవిష్యత్తుపై పెట్టుబడిదారులు పెట్టుకున్న నమ్మకం చూపిస్తోంది.
Also Read: పాత సిమ్ కార్డ్తో లక్షలు విలువ చేసే బంగారం.. రూ.కోట్లు సంపాదించే అవకాశం.. ట్రై చేయండి
2025లో Alphabet రికార్డు 400 బిలియన్ డాలర్ల రెవెన్యూ సంపాదించింది. సుమారు 127 బిలియన్ డాలర్ల క్యాష్ రిజర్వ్స్ ఉన్నాయి. గత నవంబర్లో 17.5 బిలియన్ డాలర్లు సేకరించింది. ఈ ఆర్థిక బలం దీర్ఘకాల ఇన్వెస్టర్లకు ధైర్యం ఇస్తోంది.
100 ఏళ్ల బాండ్లు చాలా తక్కువ సంస్థలు జారీ చేస్తాయి. ఆక్స్ఫర్డ్ యూనివర్సిటీ, వెల్కమ్ ట్రస్ట్, EDF, డిస్నీ వంటివి గతంలో చేశాయి. డాట్-కామ్ క్రాష్ తర్వాత టెక్ కంపెనీలు దూరంగా ఉన్నాయి.
Alphabet జారీ చేసిన ఈ బాండ్లు టెక్ ఇండస్ట్రీకి పెద్ద సంకేతం. కంపెనీ మరిన్ని దశాబ్దాల పాటు ఉండి, రిలెవెంట్గా ఉంటుందని నమ్ముతోంది. ఇన్నోవేషన్, స్థిరత్వంపై దీర్ఘకాలిక నమ్మకం చూపిస్తోంది. ఇతర టెక్ కంపెనీలకు భిన్నంగా భవిష్యత్తును చూస్తోంది.
Share
Swayambhu Movie: నిఖిల్ 'స్వయంభూ'కు తప్పని తిప్పలు.. విడుదల కష్టమేనా..?
Revenge Thriller OTT : చెల్లిని కాపాడుకోవడానికి అక్క ఊచకోత... ఒక్కొక్కడిని పరిగెత్తించి... అల్టిమేట్ యాక్షన్ సీన్స్ తో కాటేరమ్మ జాతర
