iPhone 18 Pro Max Price Leak: యాపిల్ నుంచి కొత్త ఐఫోన్ వస్తోందంటే చాలు ప్రపంచవ్యాప్తంగా భారీ క్రేజ్ ఉంటుంది. అయితే ఈసారి రాబోయే ‘iPhone 18 Pro Max’ మోడల్ సరికొత్త రికార్డులను సృష్టించేలా కనిపిస్తోంది. టెక్ వర్గాల నుంచి అందిన సమాచారం ప్రకారం.. ఇది యాపిల్ చరిత్రలోనే అత్యంత ఖరీదైన స్మార్ట్ఫోన్గా నిలిచే అవకాశం ఉంది. మరి ధర పెరగడానికి కారణాలేంటి? ఇందులో ఎలాంటి మార్పులు రాబోతున్నాయో.. ఇప్పుడు వివరంగా తెలుసుకుందాం.
చైనా సోషల్ మీడియా వేదికగా లీకైన వివరాల ప్రకారం.. ఈ కొత్త ఫోన్ ప్రారంభ ధరే మునుపటి మోడళ్ల కంటే గణనీయంగా పెరగనుంది. దీనికి ప్రధాన కారణం ఇందులో వాడనున్న ప్రాసెసర్. అత్యంత ఆధునికమైన 2 నానోమీటర్ ప్రాసెస్ ఆధారంగా తయారయ్యే ‘A20 ప్రో’ చిప్సెట్ను ఇందులో ఉపయోగించనున్నారు. దీంతో ఫోన్ పనితీరు, బ్యాటరీ సామర్థ్యం మెరుగైనప్పటికీ.. తయారీ ఖర్చు భారీగా పెరుగుతోంది. దీనికితోడు స్మార్ట్ఫోన్ విడిభాగాల్లో మెమరీ కార్డుల ధరలు కూడా బాగా పెరగడం కంపెనీపై భారంగా మారింది.
Also Read: 7400mAh బ్యాటరీ, 8000 నిట్స్ బ్రైట్నెస్తో iQOO 15 Ultra గ్లోబల్ లాంచ్కి రెడీ!
ధర మాత్రమే కాదు.. ఫీచర్ల విషయంలోనూ యాపిల్ పెద్ద మార్పులే చేస్తోంది. ముఖ్యంగా బ్యాటరీ లైఫ్ పెంచడంపై ప్రత్యేక దృష్టి పెట్టింది. ఫిజికల్ సిమ్ లేని eSIM వేరియంట్లో ఏకంగా 5425 mAh సామర్థ్యం ఉన్న పెద్ద బ్యాటరీని అందించనున్నట్లు తెలుస్తోంది. సాధారణ సిమ్ ట్రే ఉండే మోడళ్లలో మాత్రం కొద్దిగా చిన్నదైన 5235 mAh బ్యాటరీ రావచ్చు. ఫిజికల్ సిమ్ తీసివేయడం వల్ల లోపల దొరికిన ఖాళీ స్థలాన్ని బ్యాటరీ పరిమాణం పెంచడానికి యాపిల్ ఉపయోగిస్తోంది.
కేవలం Pro Max మాత్రమే కాకుండా.. సాధారణ iPhone 18 Pro మోడల్లో కూడా బ్యాటరీ పరిమాణాన్ని పెంచుతున్నారు. దీని eSIM వేరియంట్ 4288mAh బ్యాటరీతో వచ్చే అవకాశం ఉంది. వీటితో పాటు యాపిల్ తమ తొలి ఫోల్డబుల్ (మడతబెట్టే) ఐఫోన్ను కూడా మార్కెట్లోకి తీసుకురావడానికి వేగంగా అడుగులు వేస్తోంది. ఏది ఏమైనా.. రాబోయే రోజుల్లో ప్రీమియం ఫీచర్లతో పాటు భారీ ధరతోనూ ఐఫోన్ ప్రియులను అలరించడానికి యాపిల్ సిద్ధమవుతోంది.
Also Read: PhonePe కొత్త రూల్.. అకౌంట్ నుంచి రూ.100 కట్ కాకూడదంటే.. ఇదిగో సింపుల్ ట్రిక్!
Share
రాజీనామాతో సరిపెట్టేస్తారా.. నీట్ లీకేజీ బాధ్యులపై చర్యలెక్కడ? కేంద్రంపై కవిత ఫైర్
జీరో కేలరీస్ అని ‘షుగర్ ఫ్రీ డ్రింక్స్’ తాగుతున్నారా ? జాగ్రత్త
