iPhone 18 Pro: అమెరికా టెక్ దిగ్గజం యాపిల్ ప్రతిఏటా తమ ఐఫోన్ డిజైన్లో ఏదో ఒక మ్యాజిక్ చేస్తూనే ఉంటుంది. మరి కొద్దిరోజుల్లో రాబోతున్న ఐఫోన్ 18 ప్రో, 18 ప్రో మాక్స్ మోడల్స్లో కూడా కీలక మార్పులు చేసినట్లు తెలుస్తోంది. తాజా లీక్స్ ప్రకారం.. ఈసారి ఐఫోన్ స్క్రీన్ పైన ఉండే ఆ డైనమిక్ ఐలాండ్ సైజు తగ్గబోతోందట. ఐఫోన్ 14 ప్రోతో మొదలైన ఈ ఫీచర్ను ఇప్పుడప్పుడే తీసేయకుండా, దాన్ని మరింత స్టైలిష్గా, చిన్నదిగా మార్చాలని యాపిల్ ప్లాన్ చేస్తోంది.
సాధారణంగా ఫేస్ ఐడి కోసం వాడే సెన్సార్లు డిస్ప్లే పైభాగంలో స్పష్టంగా కనిపిస్తుంటాయి. కానీ ఐఫోన్ 18 ప్రోలో కొన్ని కీలకమైన సెన్సార్లను స్క్రీన్ కింద సెట్ చేయాలని కంపెనీ చూస్తోంది. దీంతో డైనమిక్ ఐలాండ్ చిన్నదిగా మారిపోతుంది. చూడటానికి స్క్రీన్ చాలా నీట్గా, పెద్దదిగా కనిపిస్తుంది. నిజానికి ఈ మార్పు ఎప్పుడో రావాల్సింది. కానీ టెక్నాలజీ పరంగా కొన్ని చిక్కులు ఉండటంతో 2026 చివరి నాటికి ఇది పక్కాగా వస్తుందని టెక్ వర్గాలు చెబుతున్నాయి. మొత్తానికి ఐఫోన్ను పూర్తి ఆల్ స్క్రీన్ ఫోన్గా మార్చాలనే యాపిల్ యోచిస్తోంది.
Also Read: వర్త్ వర్మా వర్త్.. శాంసంగ్ నుంచి మోస్ట్ పవర్ఫుల్ AI ఇయర్బడ్స్ వచ్చేశాయ్!
యాపిల్ సెంటిమెంట్ ప్రకారం.. 2026 సెప్టెంబర్ నెలలోనే ఈ కొత్త ఐఫోన్లు మార్కెట్లోకి వస్తాయి. మరి ధర సంగతేంటి చూసుకుంటే.. ఐఫోన్ 18 ప్రో సుమారు రూ.1,00,000 నుంచి మొదలవ్వచ్చు. ఇక ప్రో మాక్స్ ధర అంతకంటే ఎక్కువే ఉంటుంది. కొత్త ఫీచర్లు, విడిభాగాల ఖర్చును బట్టి ధరల్లో అటు ఇటుగా మార్పులు ఉండే అవకాశం ఉంది.
ప్రస్తుతం ఐఫోన్ వాడుతున్న వారికి ఈ చిన్న డైనమిక్ ఐలాండ్ అప్డేట్ కచ్చితంగా నచ్చుతుంది. మల్టీటాస్కింగ్ చేసేటప్పుడు ఇది పెద్దగా అడ్డు రాకుండా ఉంటుంది. అయితే అసలు స్క్రీన్ మీద ఏ గీతలూ, చుక్కలూ లేకుండా క్లీన్గా ఉండాలనుకునే వారు మాత్రం 2027 వరకు ఆగాల్సిందే. అప్పుడే యాపిల్ తన యానివర్సరీ మోడల్లో సెన్సార్లన్నింటినీ స్క్రీన్ కింద పూర్తిగా సెట్ చేయనుంది. ఏదేమైనా.. ఐఫోన్ 18 ప్రో పాత మోడల్స్ కంటే చాలా కొత్తగా, స్టైలిష్గా ఉండబోతోందని మాత్రం అర్థమవుతోంది.
Also Read: మీ మొబైల్ డేటా త్వరగా అయిపోతుందా? ఆ ఒక్క యాప్ చేసే పనే ఇదంతా!
Share
Women Empowerment: ఆ జిల్లాలో డిగ్రీ అర్హతతో ఉద్యోగాలు.. రూ.34వేల వరకు జీతం పొందే ఛాన్స్, డోంట్ మిస్
Top EV Cars Under Rs.20 Lakh: టాటా నెక్సాన్ To MG విండ్సర్.. రూ. 20 లక్షల్లోపు బెస్ట్ ఎలక్ట్రిక్ కార్లు ఇవే!
