Apple Smart Glasses: అమెరికా టెక్ దిగ్గజం యాపిల్ త్వరలోనే సరికొత్త స్మార్ట్ గ్లాసెస్ను మార్కెట్లోకి తీసుకురావడానికి రంగం సిద్ధం చేస్తోంది. మెటా కంపెనీకి చెందిన రే-బాన్ స్మార్ట్ గ్లాసెస్కు పోటీగా యాపిల్ వీటిని డిజైన్ చేస్తోంది. గత పదేళ్లలో యాపిల్ వాచ్ ఎలాగైతే సూపర్ హిట్ అయ్యిందో.. ఈ స్మార్ట్ గ్లాసెస్ కూడా భవిష్యత్తులో అంతటి గుర్తింపు తెచ్చుకుంటాయని కంపెనీ భావిస్తోంది.
నిజానికి యాపిల్ ఈ స్మార్ట్ గ్లాసెస్ను వచ్చే ఏడాది (2027) ప్రారంభంలోనే మార్కెట్లోకి తేవాలని అనుకుంది. కానీ కొన్ని కారణాల వల్ల ఈ ప్రాజెక్ట్ కొంచెం ఆలస్యమైంది. ప్రస్తుతం లీకైన సమాచారం ప్రకారం.. వచ్చే ఏడాది చివర్లో ఈ గ్లాసెస్ వినియోగదారుల ముందుకు వచ్చే అవకాశం ఉంది. యాపిల్ సంస్థ ఈ ప్రాజెక్ట్కు N50 అనే కోడ్ నేమ్ పెట్టి రహస్యంగా పనులు జరుపుతోంది. కొత్త సీఈఓ జాన్ టెర్నస్ కూడా ఈ ప్రాజెక్ట్పై ప్రత్యేక శ్రద్ధ పెట్టినట్లు తెలుస్తోంది.
యాపిల్ తమ ఎకోసిస్టమ్తో పాటు సరికొత్త Siri వాయిస్ అసిస్టెంట్, ఆర్టిఫిషియల్ ఇంటెలిజెన్స్ (AI) ఫీచర్లను ఈ గ్లాసెస్లో జోడించనుంది. ఈ స్మార్ట్ గ్లాసెస్ వేర్వేరు ఫ్రేమ్ స్టైల్స్, ఆకర్షణీయమైన రంగుల్లో రానున్నాయి. వీటిలో ప్రత్యేకమైన కెమెరా హార్డ్వేర్ కూడా ఉండబోతోంది. సాధారణ కళ్లద్దాల స్థానంలో వీటిని సులువుగా వాడేలా యాపిల్ ప్లాన్ చేస్తోంది.
Also Read: Google Pixel 10a ధర భారీగా పెంపు.. కానీ ఈ ఒక్క ట్రిక్తో పాత ధరకే సొంతం చేసుకోవచ్చు!
ఈ స్మార్ట్ గ్లాసెస్ ధరను సామాన్యులకు కూడా అందుబాటులో ఉండేలా సుమారు రూ.16,000 నుంచి రూ.41,000 మధ్య ఉంచాలని యాపిల్ చూస్తోంది. మార్కెట్లో ఇప్పటికే శాంసంగ్, మెటా వంటి బ్రాండ్ల నుంచి పోటీ ఉన్నప్పటికీ.. యాపిల్ తమ బ్రాండ్ ఇమేజ్తో ఐవేర్ మార్కెట్ను శాసించాలని భావిస్తోంది.
స్మార్ట్ గ్లాసెస్తో పాటు యాపిల్ తనమ ‘విజన్ ప్రో’ హెడ్సెట్కు తదుపరి వెర్షన్గా ‘విజన్ ఎయిర్’పై కూడా పనిచేస్తోంది. ప్రస్తుత విజన్ ప్రో బరువు ఎక్కువగా ఉండటం, ధర భారీగా ఉండటంతో చాలామంది దీనిపై అసంతృప్తిగా ఉన్నారు. ఈ లోపాలను సరిదిద్ది, తక్కువ బరువుతో, తక్కువ ధరకే విజన్ ఎయిర్ను తీసుకురానున్నారు. అయితే ఇది మార్కెట్లోకి రావడానికి 2028 చివరి వరకు లేదా 2029 వరకు సమయం పట్టొచ్చు.
Also Read: సింగిల్ ఛార్జ్తో 19 గంటల బ్యాటరీ.. ఏసర్ నుంచి అద్భుతమైన AI ల్యాప్టాప్ లాంచ్!
Share
సినిమాలు తీయడం గురించి జాన్వీ కపూర్ చెప్పింది వింటే షాక్ అవుతారు!.. నెటిజన్లు ఫైర్..
టీవీ రిమోట్లో కలర్ బటన్స్ ఎందుకు ఉంటాయో తెలుసా? వాటి బెనిఫిట్స్ తెలిస్తే షాకే!
