Pixel 10a Price Hike: భారతదేశంలో పిక్సెల్ ఫోన్లకు ఉన్న క్రేజ్ గురించి ప్రత్యేకంగా చెప్పక్కర్లేదు. అయితే, గూగుల్ అభిమానులకు కంపెనీ ఒక చేదు వార్త చెప్పింది. పెరిగిపోతున్న విడిభాగాల ఖర్చులు, తయారీ వ్యయం కారణంగా గూగుల్ తన పాపులర్ స్మార్ట్‌ఫోన్ Pixel 10a ధరను ఒక్కసారిగా పెంచేసింది. కంపెనీ అధికారిక వెబ్‌సైట్‌లో ఈ కొత్త ధరలు ఇప్పటికే అమల్లోకి వచ్చాయి.
Google Pixel 10a ఫోన్ మనదేశంలో ఒకే ఒక్క వేరియంట్ (8GB RAM + 256GB స్టోరేజ్)తో లాంచ్ అయింది. విడుదల సమయంలో దీని ధర రూ.49,999గా ఉండేది. కానీ ఇప్పుడు గూగుల్ దీనిపై ఏకంగా రూ.6,000 పెంచేసింది. దీనివల్ల ఈ ఫోన్ ధర ఇప్పుడు రూ.55,999కి చేరింది. అయితే ఆన్‌లైన్ ఈ-కామర్స్ సైట్లలో ఇంకా పాత ధరలకే కొన్ని ఆఫర్లు నడుస్తుండటం కొసమెరుపు.
Also Read: సింగిల్ ఛార్జ్‌తో 19 గంటల బ్యాటరీ.. ఏసర్ నుంచి అద్భుతమైన AI ల్యాప్‌టాప్ లాంచ్!
ధర పెరిగినా కూడా ఈ ఫోన్ ఇచ్చే ఫీచర్లు అద్భుతంగా ఉన్నాయి. దీనిలో 6.3 ఇంచుల డిస్‌ప్లే, 120Hz రీఫ్రెష్ రేట్, స్క్రీన్ రక్షణ కోసం గొరిల్లా గ్లాస్ 7i ఉన్నాయి. ఎండలో కూడా స్క్రీన్ స్పష్టంగా కనిపించేలా 3000 నిట్స్ బ్రైట్‌నెస్ ఇచ్చారు. గూగుల్ టెన్సార్ G4 ప్రాసెసర్‌తో పనిచేసే ఈ ఫోన్‌లో ఫోటోల కోసం 48MP మెయిన్ కెమెరా, సెల్ఫీల కోసం 13MP కెమెరా ఉన్నాయి. అలాగే 5100mAh బ్యాటరీతో పాటు ఇది ఐపీ68 వాటర్ రెసిస్టెంట్ రేటింగ్‌ను కలిగి ఉంది.
ఈ ఫోన్‌ను కొనుగోలు చేయడానికి ప్రధాన కారణం దీని సాఫ్ట్‌వేర్ సపోర్ట్. ఆండ్రాయిడ్ 16 ఆపరేటింగ్ సిస్టమ్‌తో వచ్చే ఈ మొబైల్‌కు ఏకంగా 7 ఏళ్లపాటు ఓఎస్ అప్‌డేట్స్, సెక్యూరిటీ అప్‌డేట్స్ ఇస్తామని గూగుల్ హామీ ఇచ్చింది. ప్రస్తుతానికి అధికారిక స్టోర్‌లో ధర పెరిగినా.. ఇతర ఆన్‌లైన్ రిటైలర్ల దగ్గర రేట్లు మారేలోపు కొనుక్కుంటే మంచి డిస్కౌంట్ పొందే అవకాశం ఉంది.
Also Read: ప్రయాణాల్లో 5G నెట్‌వర్క్‌ను ఆన్‌లో ఉంచుతున్నారా? జరిగే నష్టం తెలిస్తే ఇంకెప్పుడూ అలా చేయరు!
Share
ఆంధ్రుల విగ్రహాలు పగలగొట్టి.. ఏపీకి పార్సిల్ పంపిస్తాం.. కవిత సంచలన కామెంట్స్
Nabha Natesh : గార్జీయస్ లుక్ లో నభా నటేష్.. మతిపోతుంది మావా..
