Silent Ceiling Fans for Bedroom: రాత్రి పూట హాయిగా నిద్రపోవాలని బెడ్రూమ్లోకి వెళ్తే.. చాలా మందికి ఫ్యాన్ నుంచి వచ్చే శబ్దమే పెద్ద శత్రువులా మారుతుంది. మోటార్ నుంచి వచ్చే కిర్రు కిర్రు శబ్దంతో పాటు, ఫ్యాన్ రెక్కలు గాలిని కట్ చేసేటప్పుడు వచ్చే ‘హుష్’అనే సౌండ్ ప్రశాంతమైన నిద్రను పాడు చేస్తుంది. ప్రస్తుతం జనం కేవలం కరెంట్ బిల్లు తగ్గించే ఫ్యాన్ల కోసమే కాకుండా.. శబ్దం లేని ‘సైలెంట్ ఫ్యాన్ల’ కోసం విపరీతంగా వెతుకుతున్నారు. బ్లేడ్ల డిజైన్ మార్చడం ద్వారా ఎయిర్ కటింగ్ శబ్దాన్ని తగ్గించే ఆ టాప్ ఫ్యాన్లు ఏవో ఇప్పుడు తెలుసుకుందాం.
మనం ప్రశాంతంగా నిద్రపోవాలంటే.. బెడ్రూమ్లోని శబ్దాల స్థాయి ఎల్లప్పుడూ 35 నుంచి 40 డెసిబెల్స్ (dB) కంటే తక్కువగా ఉండాలని శాస్త్రవేత్తలు చెబుతున్నారు. సాధారణ పాతకాలపు ఇండక్షన్ ఫ్యాన్లు తిరిగేటప్పుడు దాదాపు 50 నుంచి 60 dB వరకు శబ్దాన్ని ఉత్పత్తి చేస్తాయి. ఇది నిద్రలో మెదడును చికాకు పెడుతుంది. అందుకే ప్రస్తుతం వస్తున్న లేటెస్ట్ సైలెంట్ ఫ్యాన్లు కేవలం 30 నుంచి 35 dB లోపల మాత్రమే శబ్దాన్ని కలిగి ఉంటున్నాయి. అంటే ఇవి తిరుగుతున్నప్పుడు కేవలం ఒక చిన్న గుసగుస లాంటి శబ్దం మాత్రమే వినిపిస్తుంది తప్ప, నిద్రకు ఎలాంటి ఇబ్బంది కలగదు.
ఎయిర్ కటింగ్తో అసలు సమస్య:
చాలా కంపెనీలు తమ ఫ్యాన్లలో నాయిస్ లేదని ప్రచారం చేస్తాయి. కానీ అవి కేవలం మోటార్ శబ్దం గురించి మాత్రమే చెబుతాయి. ఫ్యాన్ స్పీడ్ పెంచినప్పుడు బ్లేడ్లు గాలిని బలంగా నెట్టడం వల్ల వచ్చే ‘ఎయిర్ కటింగ్ సౌండ్’ ను చాలా ఫ్యాన్లు నియంత్రించలేవు. దీనిని అధిగమించడానికి ప్రస్తుత ట్రెండ్స్ ప్రకారం కొన్ని ప్రీమియం బ్రాండ్లు ప్రత్యేకమైన ఏరోడైనమిక్ బ్లేడ్స్ డిజైన్లను మార్కెట్లోకి తెచ్చాయి. ఈ బ్లేడ్ల అంచులు విమానం రెక్కల లాగా వంపు తిరిగి ఉండటం వల్ల, గాలిని చాలా స్మూత్గా కట్ చేస్తాయి. ఫలితంగా గాలి విపరీతంగా వస్తుంది కానీ ఆ ‘హుష్’ అనే సౌండ్ అస్సలు రాదు.
బెస్ట్ ‘సైలెంట్ ఫ్యాన్లు’:
ప్రస్తుతం నాయిస్ లెవెల్స్ తగ్గించడంలో బిఎల్డిసి (BLDC) మోటార్ ఉన్న ఫ్యాన్లు మొదటి స్థానంలో ఉన్నాయి. వీటిలో కార్బన్ బ్రష్లు ఉండవు కాబట్టి మోటార్ నుంచి ఎలాంటి సౌండ్ రాదు.
1.ఆటమ్బర్గ్ రెనెసా ప్లస్ (Atomberg Renesa+): ఈ ఫ్యాన్ బ్లేడ్స్ ఏరోడైనమిక్ డిజైన్తో వస్తాయి. ఇది కేవలం 32 dB శబ్దంతో నడుస్తూ.. గది అంతటా అద్భుతమైన గాలిని అందిస్తుంది.
2.హావెల్స్ స్టెల్త్ ఎయిర్ (Havells Stealth Air): దీని పేరులోనే ఉన్నట్లు ఇది చాలా నిశ్శబ్దంగా పనిచేస్తుంది. దీని బ్లేడ్లను ప్రత్యేకమైన ఏబీఎస్ ప్లాస్టిక్తో తయారు చేయడం వల్ల ఎయిర్ డ్రాగ్ , ఎయిర్ కటింగ్ సౌండ్ దాదాపు శూన్యమవుతుంది.
3. ఓరియంట్ ఎలక్ట్రిక్ ఏరోక్వైట్ (Orient Aeroquiet): 100% ప్యూర్ సైలెంట్ ఆపరేషన్ కోసం డిజైన్ చేయబడిన ఫ్యాన్ ఇది. దీనికి ఉండే కర్వ్డ్ బ్లేడ్ డిజైన్ మార్కెట్లోనే అత్యంత తక్కువ నాయిస్ లెవెల్స్ (సుమారు 28-30 dB) రికార్డును కలిగి ఉంది.
Also Read: టాప్ ఫ్లోర్ రూమ్లో.. ఏసీ వేసినా చల్లబడటం లేదా? అసలు తప్పు ఇక్కడే జరుగుతోంది
ఫ్యాన్ కొనేటప్పుడు గమనించాల్సిన స్మార్ట్ టిప్స్:
1.మీరు బెడ్రూమ్ కోసం ఫ్యాన్ కొనేటప్పుడు ఆన్లైన్ స్పెసిఫికేషన్స్లో “Noise Level”ఖచ్చితంగా చెక్ చేయండి. అది 35 dB కంటే తక్కువగా ఉంటేనే ఆర్డర్ చేయండి. అలాగే మెటల్ బ్లేడ్స్ ఉన్న ఫ్యాన్ల కంటే.. ఏబీఎస్ ప్లాస్టిక్ లేదా ఫైబర్ బ్లేడ్స్ ఉన్న ఫ్యాన్లు తక్కువ శబ్దాన్ని చేస్తాయి.
2. ఫ్యాన్ను సీలింగ్కు బిగించే డౌన్-రాడ్ కదలకుండా పటిష్టంగా ఉండాలి.. లేదంటే ఫ్యాన్ ఊగుతూ అదనపు వైబ్రేషన్ శబ్దాలను క్రియేట్ చేస్తుంది. ఈ చిన్న చిన్న టెక్నికల్ విషయాలను మైండ్లో పెట్టుకుని సైలెంట్ ఫ్యాన్ను ఎంచుకుంటే.. రాత్రిపూట ఎలాంటి చికాకు లేని పీస్ఫుల్ నిద్ర మీ సొంతమవుతుంది.
Share
వైసీపీని వెంటాడుతున్న ‘సర్’.. ఆపై జగన్ కీలక వ్యాఖ్యలు.. ఈ రెండూ డేంజరేనని వ్యాఖ్య
రామ్-అనిల్ రావిపూడి కాంబో.. క్రేజీ ప్రాజెక్టా? లేక డిజాస్టర్ ఫార్ములానా?
