టాప్ ఫ్లోర్ రూమ్‌లో.. ఏసీ వేసినా చల్లబడటం లేదా? అసలు తప్పు ఇక్కడే జరుగుతోంది

How to Choose AC for Top Floor Room: సమ్మర్‌లో ఇంటి పై అంతస్తులో (Top Floor) ఉండే రూమ్‌లు నిప్పుల కొలిమిలా మారుతుంటాయి. పగలంతా సూర్యుడి ఎండ నేరుగా కాంక్రీట్ స్లాబ్‌పై పడటం వల్ల ఈ రూమ్స్ మిగతా వాటి కంటే చాలా ఎక్కువ వేడిగా ఉంటాయి. సాధారణంగా రూమ్ సైజ్ చూసి ఏసీ కొనేస్తుంటారు. కానీ టాప్ ఫ్లోర్ రూమ్స్‌కు ఆ పాత పద్ధతి అస్సలు సెట్ అవ్వదు. మరి పై ప్లోర్‌లో ఉండే గదులకు ఎలాంటి ఏసీ కొనాలి ? కరెంట్ బిల్లు రాకుండా పర్ఫెక్ట్ కూలింగ్ ఇచ్చే ఏసీని ఎలా ఎంచుకోవాలో పక్కా వివరాలతో ఇప్పుడు తెలుసుకుందాం.

టాప్ ఫ్లోర్ రూమ్స్‌కు ఎలాంటి ఏసీ బెస్ట్?

సాధారణంగా గ్రౌండ్ ఫ్లోర్ లేదా కింద ఉండే అంతస్తులలో 10×10 (100 చదరపు అడుగులు) రూమ్ ఉంటే 1 టన్ (1 Ton) ఏసీ సరిపోతుందని చెప్తారు. కానీ.. మీ గదిపై అంతస్తులో ఉంటే.. అదే 1 టన్ ఏసీ అస్సలు సరిపోదు. ఎందుకంటే స్లాబ్ వేడిని వెంటవెటనే గదిలోకి పంపుతుంది. దీనివల్ల ఏసీ కంప్రెసర్ గదిని చల్లబరచడానికి ఎక్కువ సమయం పనిచేయాల్సి వస్తుంది. ఫలితంగా గది సరిగ్గా చల్లబడకపోగా, కరెంట్ బిల్లు రెట్టింపు అవుతుంది. అందుకే ఇక్కడ “థర్మల్ లోడ్” లెక్కించాల్సి ఉంటుంది.

ఈఈఏటీ (E-E-A-T) నిపుణుల పక్కా ఫార్ములా:
పై అంతస్తు గదులకు ఏసీ టన్నును లెక్కించడానికి సింపుల్ మ్యాథమెటికల్ ఫార్ములా ఉంది.

స్టెప్- 1 (బేసిక్ ఏరియా): ముందుగా మీ గది పొడవు, వెడల్పులను లెక్కించి చదరపు అడుగుల వైశాల్యాన్ని కనుక్కోండి. ఉదాహరణకు మీ రూమ్ 10×12 సైజ్ ఉంటే.. మొత్తం వైశాల్యం 120 చదరపు అడుగులు అవుతుంది.

స్టెప్- 2 (టాప్ ఫ్లోర్ అదనపు లోడ్): సాధారణంగా 120 చదరపు అడుగుల గదికి కింద అంతస్తులో అయితే 1 టన్ ఏసీ సరి పోతుంది. కానీ టాప్ ఫ్లోర్ రూమ్స్ విషయంలో కాంక్రీట్ రూఫ్ , పడమర వైపు గోడలపై పడే ఎండ తీవ్రతను బట్టి అదనంగా 0.5 టన్ (0.5 Ton) సామర్థ్యాన్ని యాడ్ చేయాల్సి ఉంటుంది. అంటే.. 120 చదరపు అడుగుల టాప్ ఫ్లోర్ గదికి మీరు కనీసం 1.5 టన్ (1.5 Ton) ఏసీని ఎంచుకోవాలి.ఒకవేళ మీ గది 150 చదరపు అడుగుల కంటే ఎక్కువ ఉంటే.. ఖచ్చితంగా 2 టన్ (2 Ton) ఏసీ తీసుకోవాలి.

పడమర గోడ , కిటికీల ప్రభావం:
కేవలం పైకప్పు మాత్రమే కాదు. మీ టాప్ ఫ్లోర్ రూం ఏ గోడకు ఎక్కువ ఎండ తగులుతుందో చూడాలి. ముఖ్యంగా పడమర లేదా దక్షిణ దిశలో ఉండే గోడలకు మధ్యాహ్నం పూట తీవ్రమైన ఎండ తగులుతుంది. అలాగే గదిలో పెద్ద కిటికీలు ఉండి, వాటి గుండా ఎండ లోపలికి వస్తుంటే గది ఉష్ణోగ్రత మరింత పెరుగుతుంది. ఇలాంటి సందర్భాలలో ఏసీ సామర్థ్యాన్ని మరో 10 శాతం పెంచుకోవాలి లేదా కిటికీలకు థర్మల్ ఇన్సులేషన్ కర్టెన్లు వాడాలి.

ఇన్వర్టర్ ఏసీల ప్రాధాన్యత:
1.టాప్ ఫ్లోర్ రూమ్స్ కోసం ఏసీ కొనేటప్పుడు ఎల్లప్పుడూ ఇన్వర్టర్ ఏసీలనే ఎంచుకోవాలి. నాన్-ఇన్వర్టర్ ఏసీలు రూమ్ వేడిగా ఉన్నప్పుడు పదే పదే ఆన్, ఆఫ్ అవుతూ విపరీతంగా కరెంట్ లాగేస్తాయి.

Also Read: కరెంట్ బిల్లు సేవింగ్స్ ఓకే.. BLDC ఫ్యాన్ పాడైతే ఎంత ఖర్చవుతుంది?

2.అదే ఇన్వర్టర్ ఏసీ అయితే గదిలోని ఉష్ణోగ్రతకు అనుగుణంగా కంప్రెసర్ స్పీడ్‌ను అడ్జస్ట్ చేసుకుంటూ మంచి కూలింగ్‌ను ఇస్తుంది. దీని వల్ల కరెంట్ బిల్లు దాదాపు 30 నుంచి 40 శాతం వరకు ఆదా అవుతుంది.

బిల్లు తగ్గించుకోవడానికి చిన్న చిట్కాలు:
1.పై అంతస్తు గదిలో ఏసీ వేసే ముందు సాధ్యమైతే రూఫ్ పైన వైట్ కూలింగ్ పెయింట్ వేయించడం మంచిది. ఇది ఎండను తిరిగి పరావర్తనం చెందించి స్లాబ్ వేడెక్కకుండా చూస్తుంది.

2. అలాగే ఏసీని ఎల్లప్పుడూ 24 లేదా 25 డిగ్రీల సెల్సియస్‌పై సెట్ చేసి, దాంతో పాటు సీలింగ్ ఫ్యాన్‌ను తక్కువ స్పీడ్‌లో రన్ చేయడం వల్ల గది అంతటా చల్లని గాలి త్వరగా విస్తరిస్తుంది. ఈ పక్కా లెక్కలు, జాగ్రత్తలు పాటిస్తే.. మీ టాప్ ఫ్లోర్ గది కూడా ఎలాంటి ఇబ్బంది లేకుండా ఎల్లప్పుడూ చల్లగా ఉంటుంది.

Share

• 
• 
• 
• 
• 
•