Best Time to Buy AC: సాధారణంగా ఏసీల ధరలు.. కాలం, సమయం, డిమాండ్ కు అనుగుణంగా మార్పులకు లోనవుతుంటాయి. ఈ నేపథ్యంలో 2026లో కొత్తగా ఏసీ కొనాలని ప్లాన్ చేసే వారు.. దీనిపై అవగాహన తప్పనిసరి. ఏసీని కొనేందుకు ఉత్తమమైన సమయాన్ని గుర్తించగలిగితే.. తక్కువ ధరకే దానిని సొంతం చేసుకోవచ్చు. దీని వల్ల మీ డబ్బు చాలా వరకూ ఆదా అవుతుంది.
ఫిబ్రవరి నుంచి మార్చి మధ్య వరకు అధునాతన ఏసీలు కొనడానికి బెస్ట్ టైమ్ గా చెప్పవచ్చు. కంపెనీలు తమ కొత్త 2026 మోడల్స్ను లాంచ్ చేసే సమయం ఇది. అదే సమయంలో పాత స్టాక్ను క్లియర్ చేయడానికి భారీ డిస్కౌంట్లు సైతం అందుబాటులో ఉంటాయి. ఈ కాలంలోనే అమెజాన్, ఫ్రిప్ కార్ట్ వంటి ఆన్ లైన్ సైట్లలో ప్రీ – సమ్మర్ సేల్స్ కూడా నడుస్తుంటాయి. రిలయన్స్ డిజిటల్, క్రోమా వంటి స్టోర్లలోనూ భారీ డిస్కౌంట్లలో ఏసీని పొందవచ్చు.
మార్చి 15 తర్వాత నుంచి ఎండల తీవ్రత తారాస్థాయికి చేరుకుంటాయి. అప్పటి నుంచి మే వరకూ అధిక ఉష్ణోగ్రతలు, ఉక్కపోత కొనసాగుతాయి. కాబట్టి సహజంగానే ఆ సమయంలో ఏసీలకు అధిక డిమాండ్ ఉంటుంది. దీనివల్ల ఏసీల ధరలు గరిష్టంగా ఉంటాయి. అదే సమయంలో ఇన్ స్టాలేషన్ కోసం టెక్నిషియన్లు సైతం దొరకడం కష్టంగా మారుతుంది. దీనిని అవకాశంగా చేసుకొని టెక్నిషియన్లు అధిక మెుత్తంలో డబ్బులు డిమాండ్ చేయవచ్చు.
జూన్ మెుదటి వారంలో రుతుపవనాలు ఎంటరై.. చివరినాటికి పెద్ద ఎత్తున వర్షాలు మెుదలవుతాయి. ఇది సెప్టెంబర్ వరకూ కొనసాగుతుంది. అయితే సమ్మర్ తో పోలిస్తే.. వర్ష కాలంలో ఏసీల ధరలు కాస్త స్థిరంగా ఉంటాయి. అలాగనీ చౌకగా లభిస్తాయని చెప్పలేం. కాకపోతే సమ్మర్ తో పోలిస్తే ఏసీలు కాస్త తక్కువకే అందుబాటులో ఉంటాయని చెప్పవచ్చు.
Also Read: Electric Scooter Market: భారత్ లో ఈవీ స్కూటర్ల జోరు, ఏడాదిలో ఎన్ని లక్షల యూనిట్లు అమ్ముడయ్యాయంటే?
అక్టోబర్ – జనవరి మధ్య వాతావరణం చాలా చల్లగా ఉంటుంది. అయితే ఇదే డిస్కౌంట్ లో ఏసీలను కొనుగోలు చేసేందుకు మంచి సమయమని నిపుణులు చెబుతున్నారు. దీపావళి, న్యూయర్, సంక్రాంతి పండుగ ఆఫర్లు ఈ సమయంలో ఎక్కువగా ఉంటాయి. ఫలితంగా ఏసీలను భారీ డిస్కౌంట్లతో దక్కించుకోవచ్చు. మరోవైపు ఏడాది ప్రారంభంలో వచ్చిన ఏసీల స్టాక్ ను క్లియర్ చేసుకునేందుకు స్టోర్ నిర్వహకులు, కంపెనీలు పెద్ద మెుత్తంలో రాయితీలు ప్రకటిస్తాయి. అక్టోబర్-జనవరి మధ్య కాలాన్ని తక్కువ ధరలో ఏసీ కొనుగోలుకు సరైన సమయంగా చెప్పవచ్చు.
Share
Vishnu Vinyasam: ‘విష్ణు విన్యాసం’ రిలీజ్ డేట్ ఫిబ్రవరి 28 కాదా?.. మరి వచ్చేది ఎప్పుడంటే?
LIC Bond Missing: ఎల్ఐసీ బాండ్ మిస్ అయిందా?.. డూప్లికేట్ బాండ్ అప్లై ప్రాసెస్ ఇలా
