BoAt Valour Watch 1R: బోట్ నుంచి మరో సెన్సేషన్! AI హెల్త్ ట్రాకింగ్‌తో ‘వాలర్ వాచ్ 1R’ లాంచ్.. ధర ఎంతో తెలుసా?

BoAt Valour Watch 1R: ఫేమస్ బ్రాండ్ ‘బోట్’ (boAt) మార్కెట్లోకి తన సరికొత్త స్మార్ట్‌వాచ్ ‘వేలర్ వాచ్ 1ఆర్’ (Valour Watch 1R) ను విడుదల చేసింది. ఏఐ ఆధారిత ఫిట్‌నెస్ ట్రాకింగ్ ఫీచర్లతో పాటు, మెరిసిపోయే అమోలెడ్ డిస్‌ప్లేతో వచ్చిన ఈ వాచ్ యువతను తెగ ఆకర్షిస్తోంది. స్టైల్, టెక్నాలజీ కలయికగా రూపొందిన ఈ వాచ్, బెస్ట్ ధరలో ప్రీమియం లుక్ అందిస్తూ కస్టమర్ల ముందుకు వచ్చింది. దీని విశేషాలు , ప్రత్యేకతలను గురించిన పూర్తి వివరాలను ఇప్పుడు చూద్దాం.

బెస్ట్ ఫీచర్లు:
ఇండియన్ మార్కెట్లో తనకంటూ ఒక ప్రత్యేక గుర్తింపు తెచ్చుకున్న బోట్ సంస్థ, ఇప్పుడు ఏఐ సహాయంతో పనిచేసే హెల్త్ ట్రాకింగ్ వ్యవస్థను ఈ వాచ్‌లో ప్రవేశపెట్టింది. దీని వల్ల కస్టమర్లు తమ వ్యాయామాలను , శరీర స్థితిగతులను మరింత ఖచ్చితత్వంతో తెలుసుకోవచ్చు. సాధారణ స్మార్ట్‌వాచ్‌లతో పోలిస్తే.. ఇది గుండె వేగం, రక్తంలో ఆక్సిజన్ స్థాయిలు , నిద్ర నాణ్యతను విశ్లేషించడంలో మెరుగైన ఫలితాలను అందిస్తుంది.

అద్భుతమైన డిస్‌ప్లే:
ఈ వాచ్ ప్రధాన ఆకర్షణ దీని అమోలెడ్ డిస్‌ప్లే. ఇది సన్ లైట్ లో కూడా స్పష్టంగా కనిపిస్తుంది. అంతే కాకుండా రంగులను చాలా సహజంగా ప్రదర్శిస్తుంది. దీని గుండ్రని ఆకారం , లోహంతో తయారు చేయబడిన ఔటింగ్ వాచ్‌కు ఒక బెస్ట్ లుక్ ఇస్తాయి. గడియారం చుట్టూ ఉన్న బటన్లు , వాచ్ ఫేస్‌లు మార్చుకునే అవకాశం దీనికి అదనపు బలాన్ని చేకూరుస్తాయి. స్క్రీన్ పై నాణ్యమైన గ్లాస్ వాడటం వల్ల గీతలు పడకుండా రక్షణ ఉంటుంది.

ఫిట్‌నెస్ ట్రాకింగ్:
ఆరోగ్యం పట్ల శ్రద్ధ వహించే వారి కోసం ఇందులో వందకు పైగా క్రీడా విధానాలు ఉన్నాయి. మీరు నడుస్తున్నా, పరుగెత్తుతున్నా లేదా సైక్లింగ్ చేస్తున్నా, ఈ వాచ్ మీ కదలికలను గుర్తించి లిస్ట్ సిద్ధం చేస్తుంది. అంతే కాకుండా ఏఐ ద్వారా మీ అలసటను గుర్తించి, ఎప్పుడు విశ్రాంతి తీసుకోవాలో కూడా ఇది సూచిస్తుంది. మహిళల ఆరోగ్యానికి సంబంధించిన ప్రత్యేక ఫీచర్లు కూడా ఇందులో ఉన్నాయి.

Also Read: ఫోన్ అమ్మే ముందు 4 స్టెప్స్ ఫాలో అయితే.. డేటా సేఫ్, ధర కూడా బెస్ట్

ఇతర ఫీచర్లు:
ఒక్కసారి ఛార్జింగ్ చేస్తే.. సుమారు వారం రోజుల పాటు పని చేసే బ్యాటరీ సామర్థ్యం దీని సొంతం. బ్లూటూత్ ద్వారా ఫోన్ కాల్స్ మాట్లాడుకునే సదుపాయం ఉండటం వల్ల, ఫోన్ చేతిలో లేకపోయినా ఇతరులతో మాట్లాడవచ్చు. వాతావరణ సమాచారం, సాంగ్స్ మార్చుకునే ఫీచర్లు కస్టమర్లకు ఎంతో ఉపయోగకరంగా ఉంటాయి. వర్షంలో కూడా దీనిని ఇబ్బంది లేకుండా ధరించవచ్చు.

ప్రస్తుతం స్మార్ట్ వాచ్ అనేది ఒక అవసరంగా మారింది. బోట్ వేలర్ వాచ్ 1ఆర్ కేవలం ఒక వాచ్ మాత్రమే కాదు, అది మీ ఆరోగ్యాన్ని ఎప్పటి కప్పుడు కని పెట్టుకుని ఉండే ఒక నేస్తం. తక్కువ ధరలో ఎక్కువ ఫీచర్లు కోరుకునే.. వారికి ఇది బెస్ట్ అని చెప్పవచ్చు. స్టైలిష్ లుక్, బెస్ట్ ఫీచర్లతో వచ్చిన ఈ వాచ్ కచ్చితంగా స్మార్ట్ వాచ్ ప్రియుల మనసు గెలుచుకుంటుంది.