BSNL vs Vi: సామాన్యులకు అతి తక్కువ ధరకే రీఛార్జ్ ప్లాన్లు అందించే టెలికాం సంస్థలుగా బీఎస్ఎన్ఎల్, వోడాఫోన్ ఐడియాలకు పేరుంది. దిగ్గజ సంస్థలైన ఎయిర్ టెల్, జియోతో పోలిస్తే.. ఇవి అందించే ప్లాన్ల ధరలు కాస్త తక్కువగా, సామాన్యులకు అందుబాటు ధరల్లో ఉంటాయి. ముఖ్యంగా లాంగ్ టర్మ్ రీఛార్జ్ ప్లాన్లలో బీఎస్ఎన్ఎల్ తీసుకొచ్చిన రూ.2,799, వీఐ తెచ్చిన రూ.2,249 ప్లాన్లు మెుబైల్ యూజర్లను ఎంతగానో ఆకట్టుకుంటున్నాయి. ఈ నేపథ్యంలో ఆయా ప్లాన్ల వివరాలు, వాటిలో ఏది ఎక్కువ బెనిఫిట్స్ అందిస్తున్నాయో ఈ కథనంలో చూద్దాం.
బీఎస్ఎన్ఎల్ ఈ ప్లాన్ ను 365 రోజుల వ్యాలిడిటీతో తీసుకొచ్చింది. ఈ ప్లాన్ కింద యూజర్లకు ప్రతీరోజూ 3GB డేటా లభించనుంది. ఒకవేళ డేటా లిమిట్ అయిపోయినా 40Kbps స్పీడ్ తో అపరిమిత డేటాను వాడుకోవచ్చు. దీంతో ఫ్రీ కాల్స్, రోజుకు 100 ఎస్ఎంఎస్ లు యూజర్లు చేసుకోవచ్చు. ఈ ప్లాన్ రీఛార్జ్ చేసుకోవడం ద్వారా రోజుకు దాదాపు రూ.8 ఖర్చు కానుంది.
వొడాఫోన్ ఐడియా ఈ ప్లాన్ ను కూడా 365 రోజుల కాలపరిమితితో అందుబాటులో ఉంచింది. ఈ ప్లాన్ రీఛార్జ్ చేసుకున్నవారికి ఏడాది పొడవునా ఫ్రీ కాల్స్ చేసుకునే అవకాశం లభిస్తుంది. అలాగే ఏడాది మెుత్తానికి 3600 ఎస్ఎంఎస్ లు ఉచితంగా చేసుకోవచ్చు. ఇక డేటా విషయానికి వస్తే.. ఈ ప్లాన్ లో మెుత్తం కాలానికి 30GB డేటా మాత్రమే వీఐ యూజర్ కు లభిస్తుంది. ఆ డేటా పరిమితి దాటితే.. ప్రతీ 1 MB డేటాకు 50 పైసల చొప్పున ఛార్జ్ పడనుంది. ఈ ప్లాన్ రీచార్జ్ చేసుకోవడం ద్వారా ప్రతీ రోజూ రూ.6 భారం యూజర్ పై పడనుంది.
Also Read: పెళ్లి సర్టిఫికెట్ ఉంటే సరిపోదు.. అవి కూడా ఉండాల్సిందే.. హైకోర్టు సంచలన వ్యాఖ్యలు
రోజూ ఇంటర్నెట్ ఎక్కువగా వాడేవారికి బీఎస్ఎన్ఎల్ ప్లాన్ బెస్ట్ ఆప్షన్ గా నిలుస్తుంది. వర్క్ ఫ్రమ్ చేసుకునే వారికి, విద్యార్థులు, రీల్స్ చూసేవారికి ఇది సరిగ్గా సరిపోతుంది. అలాకాకుండా ఇంట్లో వై-ఫై ఉండి.. మెుబైల్ డేటాతో పెద్ద పని లేకపోతే హ్యాపీగా వీఐ ప్లాన్ (రూ.2,249) రీఛార్జ్ చేసుకోవడం బెటర్. బీఎస్ఎన్ఎల్ ప్లాన్ తో పోలిస్తే దీని ద్వారా రూ. 550 వరకు ఆదా చేసుకోవచ్చు.
Also Read: ఏంటీ.. రూ.350 లోపే అపరిమిత 5G డేటానా? ఈ Airtel ప్లాన్స్తో రచ్చ రచ్చే!
Share
ఢిల్లీ జంతర్ మంతర్ నిరసన.. జేపీ నడ్డాకు CJP సంచలన లేఖ!
నిరసనకారులకు బిగ్ రిలీఫ్.. కోటి పరిహారం, కేసుల ఎత్తివేతకు కేంద్రం సై- అశుతోష్ రాంకా 
