HMD Pulse 2+: 4Gకాదు, 5Gకాదు.. కొత్త నెట్‌వర్క్ టెక్నాలజీతో లాంచ్ కాబోతున్న హెచ్‌ఎండి కొత్త ఫోన్

HMD Pulse 2+| HMD కొత్త ఎంట్రీ-లెవల్ స్మార్ట్‌ఫోన్‌ను తయారు చేస్తోంది. ఇటీవలి లీక్స్‌లో HMD పల్స్ 2+ కీలక స్పెసిఫికేషన్లు బయటపడ్డాయి. ఈ ఫోన్‌లో డిస్‌ప్లే క్వాలిటీ, కనెక్టివిటీ మెరుగుదలలపై దృష్టి పెట్టారు. హై బెంచ్‌మార్క్ స్కోర్ల కంటే రోజువారీ వినియోగంలో స్మూత్ ఎక్స్‌పీరియన్స్ ఇవ్వడమే హెచ్ఎండి లక్ష్యంగా ఈ ఫోన్ ని రూపొందించింది. హై రిఫ్రెష్ రేట్ డిస్‌ప్లే, మెరుగైన నెట్‌వర్క్ సపోర్ట్ ఉండవచ్చు. 5G కంటే 4.5G కనెక్టివిటీ ఇవ్వడం ద్వారా పనితీరు, బ్యాటరీ లైఫ్, ధరను బ్యాలెన్స్ చేయవచ్చు. ఈ ఫోన్ గురించి పూర్తి వివరాలు ఇంకా కంపెనీ అధికారికంగా ధృవీకరించలేదు.

డిస్‌ప్లే వివరాలు ఆన్‌లైన్‌లో లీక్

X (ట్విట్టర్) ప్లాట్‌ఫామ్‌లో ఒక టిప్‌స్టర్ HMD పల్స్ 2+ స్పెసిఫికేషన్లను షేర్ చేశాడు. ఫోన్‌లో 6.7 అంగుళాల IPS LCD డిస్‌ప్లే ఉండవచ్చు. HD+ రిజల్యూషన్ రోజువారీ వీక్షణకు సరిపోతుంది. 120Hz రిఫ్రెష్ రేట్ స్మూత్ స్క్రోలింగ్ ఇస్తుంది. ఎంట్రీ-లెవల్ సెగ్మెంట్‌లో ఇది అరుదైన ఫీచర్. స్క్రాచ్‌లు, చిన్న పడటాల నుంచి రక్షణ కోసం డ్రాగన్ టెయిల్ గ్లాస్ ఉండవచ్చు. మొత్తంగా మీడియా వీక్షణ, స్క్రోలింగ్‌కు మంచి డిస్‌ప్లే.

ప్రాసెసర్, పనితీరు

లీక్స్ ప్రకారం.. యూనిసాక్ T615 చిప్‌సెట్ ఉండవచ్చు. ఆక్టా-కోర్ CPUతో వస్తుంది. గత మోడల్స్‌లోనూ HMD ఇలాంటి యూనిసాక్ చిప్స్ వాడింది. హై-ఎండ్ గేమింగ్ కంటే స్థిరమైన పనితీరుపై దృష్టి. 4GB, 6GB RAM వేరియంట్లలో లాంచ్ అవవచ్చు. రెండింటిలోనూ 128GB UFS 2.1 స్టోరేజ్ ఉంటుంది. ఇది eMMC కంటే వేగంగా యాప్స్ లోడ్ చేస్తుంది.

బ్యాటరీ, ఛార్జింగ్, బిల్డ్ ఫీచర్లు

HMD పల్స్ 2+లో 5,000mAh పెద్ద బ్యాటరీ ఉండవచ్చు. ఒక రోజు వినియోగానికి సులువుగా సరిపోతుంది. 20W వైర్డ్ ఫాస్ట్ ఛార్జింగ్ సపోర్ట్ ఉంటుంది. IP54 రేటింగ్‌తో డస్ట్, వాటర్ స్ప్లాష్‌ల నుంచి పరిమిత రక్షణ లభిస్తుంది. రోజువారీ వినియోగానికి, ప్రయాణం వేళ తేలికైన వినియోగానికి ఉపయోగానికి సరిపోతుంది.

Also Read: బ్యాంక్‌లో డబ్బులు లేకపోయినా యుపిఐ పేమెంట్.. గూగుల్ పే యూజర్లకు గుడ్ న్యూస్

కెమెరా స్పెసిఫికేషన్లు

రియర్‌లో 50MP ప్రైమరీ సెన్సార్ ఉండవచ్చు. PDAF, f/1.8 అపర్చర్ సపోర్ట్ ఉంటుంది. 2MP సెకండరీ సెన్సార్ డెప్త్ లేదా మాక్రో షాట్స్‌కు సహాయపడుతుంది. ఫ్రంట్‌లో 13MP సెల్ఫీ కెమెరా ఉంటుంది. వీడియో కాల్స్, సోషల్ మీడియా ఫోటోగ్రఫీకి సరిపోతుంది.

సాఫ్ట్‌వేర్, కనెక్టివిటీ హైలైట్స్

HMD పల్స్ 2+ ఆండ్రాయిడ్ 15తో బాక్స్ నుంచే వస్తుంది. క్లీన్ ఆండ్రాయిడ్ ఎక్స్‌పీరియన్స్ లభిస్తుంది. బ్లూటూత్ 5.0, NFC సపోర్ట్ ఉంటాయి. 4.5G (LTE-అడ్వాన్స్డ్ ప్రో) కనెక్టివిటీ ఉండవచ్చు. ఇది సాధారణ 4G కంటే వేగవంతమైన స్పీడ్, తక్కువ లేటెన్సీ ఇస్తుంది. కస్టమైజబుల్ హార్డ్‌వేర్ బటన్ కూడా ఉండవచ్చు. దీంతో ఎంచుకున్న యాప్స్‌కు త్వరగా యాక్సెస్ చేయవచ్చు.

లాంచ్ స్టేటస్

HMD ఈ లీక్ స్పెసిఫికేషన్లను ఇంకా అధికారికంగా ధృవీకరించలేదు. ధర, లాంచ్ తేదీలు కూడా ప్రకటించలేదు. అధికారిక ప్రకటన సమీపిస్తున్న కొద్దీ మరిన్ని వివరాలు వెలువడవచ్చు. లీక్స్ నిజమైతే ఈ ఫోన్ బడ్జెట్ కొనుగోలుదారులను ఆకర్షిస్తుంది. స్మూత్ డిస్‌ప్లే, నమ్మకమైన కనెక్టివిటీ కోరుకునే వారికి మంచి ఆప్షన్.