Nothing Phone Discount| నథింగ్ కంపెనీ తాజాగా నథింగ్ ఫోన్ (4a) లాంచ్ చేసింది. ఈ ఫోన్ గత సంవత్సరం లాంచ్ అయిన నథింగ్ ఫోన్ (3a)కి కొద్దిపాటి అప్గ్రేడ్ వెర్షన్. అయితే కొత్త ఫోన్ విడుదల కాగానే నథింగ్ ఫోన్ (3a) ధర తగ్గింది. ఫోన్ (3a) యూనిక్ డిజైన్, బలమైన హార్డ్వేర్ ఇప్పటికీ ఆకర్షణీయంగా ఉన్నాయి. ఇప్పుడు ఫ్లిప్కార్ట్లో పరిమిత ఆఫర్తో నథింగ్ ఫోన్ (3a) డిస్కౌంట్ దొరుకుతోంది.
ICICI బ్యాంక్ క్రెడిట్ కార్డ్ ఉపయోగిస్తే తక్షణ తగ్గింపు రూ.2,000. లాంచ్ ధర కంటే ఇప్పుడు చౌకగా ఈ ఫోన్ లభిస్తోంది. ఈ ఫోన్ ప్రధాన ఆకర్షణ ఫోన్ వెనక భాగంలో మెరిసిపోయే గ్లిఫ్ లైట్స్. నోటిఫికేషన్లు, కాల్స్, ఛార్జింగ్ సమయంలో ఈ లైట్స్ బ్లింక్ అవుతాయి. ఈ లైట్స్ ఫోన్కు ఫ్యూచరిస్టిక్ లుక్ ఇస్తుంది.
నథింగ్ ఫోన్ (3a) రెండు స్టోరేజ్ వేరియంట్లలో వచ్చింది.
8GB ర్యామ్ + 128GB స్టోరేజ్ – లాంచ్ ధర రూ.24,999
8GB ర్యామ్ + 256GB స్టోరేజ్ – లాంచ్ ధర రూ.26,999
ఐసిఐసిఐ బ్యాంక్ కార్డ్తో కొనుగోలు చేస్తే రూ.2,000 డిస్కౌంట్ తర్వాత ఫైనల్ ధర మరింత తగ్గుతుంది. ఫ్లిప్కార్ట్లో ఈ ఫోన్ అందుబాటులో ఉంది. బ్లాక్, వైట్, బ్లూ కలర్లలో దొరుకుతుంది.
ఈ ఫోన్ వెనక భాగం ట్రాన్స్పరెంట్ స్టైల్లో ఉంటుంది. అందులో LED స్ట్రిప్స్ రూపంలో గ్లిఫ్ లైట్స్ ఉన్నాయి. కాల్స్ వచ్చినప్పుడు, నోటిఫికేషన్లు వచ్చినప్పుడు, ఛార్జింగ్ అవుతున్నప్పుడు ఈ లైట్స్ బ్లింక్ అవుతాయి. ఇది నథింగ్ ఫోన్లకు సిగ్నేచర్ లుక్ ఇస్తుంది. చాలా మంది ఈ డిజైన్ చూసి గుర్తుపెట్టుకుంటారు.
నథింగ్ ఫోన్ (3a)లో 6.77 ఇంచ్ FHD+ ఫ్లెక్సిబుల్ AMOLED డిస్ప్లే ఉంది. రిజల్యూషన్ 1080*2392 పిక్సెల్స్. 30Hz నుంచి 120Hz అడాప్టివ్ రిఫ్రెష్ రేట్ సపోర్ట్ ఉంది. స్క్రీన్ యాక్టివిటీ ప్రకారం రిఫ్రెష్ రేట్ ఆటోమాటిక్గా సర్దుబాటు అవుతుంది. 240Hz టచ్ సాంప్లింగ్ రేట్ ఉండటంతో గేమింగ్, స్క్రోలింగ్ స్మూత్గా ఉంటాయి. బ్రైట్నెస్ 800 నిట్స్ (టిపికల్), 1300 నిట్స్ (అవుట్డోర్), పీక్ 3000 నిట్స్ వరకు ఉంది. పాండా గ్లాస్ ప్రొటెక్షన్ ఉంది.
క్వాల్కామ్ స్నాప్డ్రాగన్ 7s జెన్ 3 ప్రాసెసర్ (4nm) ఉంది. ఆడ్రినో 720 GPUతో గ్రాఫిక్స్ మంచిగా ఉంటాయి. LPDDR4X ర్యామ్, UFS 2.2 స్టోరేజ్ ఉన్నాయి. ఆండ్రాయిడ్ 15 ఆధారంగా నథింగ్ OS 3.1 ఉంది. క్లీన్, మినిమల్ ఇంటర్ఫేస్ ఉంటుంది.
నథింగ్ ఫోన్ (3a)లో ట్రిపుల్ రియర్ కెమెరా సెటప్ ఉంది. 50MP మెయిన్ (OIS సపోర్ట్, f/1.88) కెమెరా, 8MP అల్ట్రా-వైడ్ (114° FOV) అలాగే 50MP టెలిఫోటో (2x ఆప్టికల్ జూమ్) అద్భుత కెమెరా ఉంది. ముందు భాగంలో వీడియో కాల్స్ కోసం 32MP సెల్ఫీ కెమెరా ఉంది.
Also Read: రియల్ వెబ్సైట్లో మోసపూరిత నెంబర్లు.. క్లిక్ చేస్తే మీ బ్యాంక్ అకౌంట్ ఖాళీ
5000mAh బ్యాటరీ, 50W ఫాస్ట్ ఛార్జింగ్ ఉంది. స్టీరియో స్పీకర్లు, ఇన్-డిస్ప్లే ఫింగర్ప్రింట్ సెన్సార్ ఉన్నాయి. IP64 రేటింగ్తో డస్ట్, వాటర్ రెసిస్టెన్స్ ఉంది. 5G, వై-ఫై 6, బ్లూటూత్ 5.4, NFC, USB Type-C సపోర్ట్ ఉన్నాయి. బరువు 201 గ్రాములు, మందం 8.35mm మాత్రమే.
Share
Gambhir-Jay Shah: జై షా, గంభీర్ మధ్య గొడవ...ఫైనల్స్ కు ముందు టీమిండియాలో ప్రకంపనలు
Psychological thriller OTT: ప్రేమ పేరుతో బురిడి... భర్త హత్యకు ప్రియుడితో స్కెచ్... బుర్ర గిర్రున తిరిగే ట్విస్టులు
