Mosquito bat: టీవీ దగ్గర దోమల బ్యాట్ వాడుతున్నారా? టీవీ పాడయ్యే ఛాన్స్ ఎక్కువ

ప్రస్తుత రోజుల్లో ప్రతి ఇంట్లోనూ దోమల బ్యాట్ కచ్చితంగా ఉంటోంది. అయితే మనకు తెలియని విషయం ఏమిటంటే, ఈ బ్యాట్ మీ ఇంటిలోని అత్యంత ఖరీదైన ఎలక్ట్రానిక్ వస్తువు అంటే టీవీని చెడగొట్టగలదు. మీ LED లేదా OLED టీవీని క్షణాల్లో పనికిరాకుండా చేయగలదు ఈ మస్కిటో బ్యాట్. కేవలం టీవీ స్క్రీన్ పైన ఉన్న దోమను కొట్టడానికి మీరు చేసే ప్రయత్నిస్తే ఆ టీవీని నష్టపోవాల్సి రావచ్చు.

ప్రధాన కారణం ఏంటి?
దోమల బ్యాట్‌ ఒక చిన్న ఎలక్ట్రికల్ పరికరంలా కనిపిస్తున్నప్పటికీ అది అధిక వోల్టేజ్ కలిగిన కెపాసిటర్లను కలిగి ఉంటుంది. మీరు బ్యాట్‌తో దోమను కొట్టినప్పుడు అక్కడ ఒక చిన్న విద్యుత్ ఆర్క్ లేదా స్పార్క్ ఏర్పడుతుంది. ఈ స్పార్క్ ఆ సమయంలో ఒక చిన్న స్థాయి ‘ఎలక్ట్రోమాగ్నెటిక్ పల్స్’ లేదా ఎలక్ట్రోమాగ్నెటిక్ ఇంటర్ఫిరెన్స్ ను విడుదల చేస్తుంది. ఆధునిక టీవీలలో ఉండే సెన్సిటివ్ సర్క్యూట్లు ఈ తరంగాలను తట్టుకోలేవు.

Also read: Milk: పాలు విపరీతంగా తాగితే ఆ వ్యాధి వచ్చే ముప్పు పెరిగిపోతుందట, జాగ్రత్త

టీవీ స్క్రీన్ ఎందుకు పాడవుతుంది?
పాత కాలం నాటి భారీ టీవీలతో పోలిస్తే ప్రస్తుత స్లిమ్ టీవీలు చాలా సున్నితమైనవి. వీటిలో స్క్రీన్ అంచులలో ‘T-Con’ బోర్డు, ‘చిప్-ఆన్-ఫిల్మ్’ అనే అతి చిన్న ట్రాన్సిస్టర్లు ఉంటాయి. దోమల బ్యాట్ నుంచి వచ్చే విద్యుత్ తరంగాలు గాలి ద్వారా ప్రయాణించి ఈ లోపలి భాగాలను తాకుతాయి. దీనివల్ల టీవీ స్క్రీన్‌పై నిలువు లేదా అడ్డ గీతలు పడటం లేదా మొత్తం డిస్ప్లే ప్యానల్ కాలిపోవడం జరుగుతుంది. ఒక్కోసారి బ్యాట్ స్క్రీన్‌కు తగలకపోయినా, దాని నుంచి వచ్చే ‘స్టాటిక్ ఎలక్ట్రిసిటీ’ వల్ల ఈ నష్టం జరుగుతుంది.

చాలామంది దోమ టీవీ స్క్రీన్‌పై వాలినప్పుడు వెంటనే బ్యాట్‌తో కొట్టడానికి ప్రయత్నిస్తారు. ఈ క్రమంలో బ్యాట్ పొరపాటున స్క్రీన్‌కు తగిలినా లేదా దగ్గరగా ఉన్నా షార్ట్ సర్క్యూట్ అయ్యే ప్రమాదం ఉంది. టీవీ చుట్టుపక్కల దోమల బ్యాట్లను వాడటం అనేది ‘నో-ఫ్లై జోన్’గా భావించాలని న్యూరాలజిస్టులు మరియు టెక్ నిపుణులు సూచిస్తున్నారు. ఒక్క చిన్న పొరపాటు వల్ల మీ టీవీ ప్యానల్‌ను పూర్తిగా మార్చాల్సి రావచ్చు, దీని ఖరీదు దాదాపు కొత్త టీవీ కొన్నంత అవుతుంది.

Also read: Hot Water: ఈ వస్తువులను వేడినీళ్లతో శుభ్రం చేస్తే అంతే సంగతులు, పాడపోవడం గ్యారెంటీ

టీవీ దగ్గర బ్యాట్ వాడొద్దు
టీవీ దగ్గర దోమలు వాలినప్పుడు బ్యాట్ వాడకుండా, మెత్తని మైక్రోఫైబర్ క్లాత్‌తో వాటిని మెల్లగా పక్కకు తోసేయాలి. లేదా టీవీ ఉన్న గదిలో యూవీ (UV) ఆధారిత దోమల ట్రాప్‌లు లేదా ఇతర మార్గాలను ఉపయోగించాలి. ముఖ్యంగా టీవీ స్క్రీన్‌ను శుభ్రం చేసేటప్పుడు కూడా ప్లగ్ తీసివేసి చేయాలని, లేదంటే స్టాటిక్ విద్యుత్ వల్ల ప్రమాదం ఉంటుందని గుర్తుంచుకోవాలి. కాబట్టి, మీ విలువైన టీవీ సురక్షితంగా ఉండాలంటే దోమల బ్యాట్‌ను దానికి దూరంగా ఉంచడమే మేలు.