Cassette AC: సమ్మర్లో ఇంటిని చల్లబరచడానికి సాధారణంగా గోడకు తగిలించే స్ప్లిట్ ఏసీలనే మనం ఎక్కువగా చూస్తుంటాం. కానీ, ఇప్పుడు చల్లదనంతో పాటు ఇంటికి ఒక రాయల్ లుక్ ఇస్తూనే.. గదిలో ఎక్కడా ఏసీ మిషన్ కనిపించకుండా చేసే ‘క్యాసెట్ ఏసీ’లు ఎక్కువగా ట్రెండ్ అవుతున్నాయి. ముఖ్యంగా కొత్తగా ఇళ్లు కట్టుకునే వారు తమ లివింగ్ రూమ్ లేదా పెద్ద హాల్స్ కోసం వీటినే ఎక్కువగా ఇష్టపడుతున్నారు. సీలింగ్లో కలిసిపోయి, ఎంతటి ఎండలో అయినా చల్లని గాలిని అందించే ఈ ఏసీల గురించి ఇప్పుడు పూర్తి వివరాలు తెలుసుకుందాం..
సాధారణ ఏసీలు గదిలో ఒక మూలన గోడకు ఉండి గాలిని ఒకే వైపుకు పంపుతాయి. కానీ క్యాసెట్ ఏసీ అలా కాదు. ఇది గది మధ్యలో సీలింగ్కు ఉంటుంది. దీనివల్ల గాలి నాలుగు వైపులా సమానంగా పంపిణీ అవుతుంది. దీన్నే 360 డిగ్రీల ఎయిర్ ఫ్లో అంటారు. గది ఎంత పెద్దదైనా సరే, ప్రతి మూలకూ చల్లదనం ఒకేలా అందుతుంది. ఇవి చూడటానికి చాలా స్టైలిష్గా ఉండి, ఇంటి ఇంటీరియర్ డిజైన్ను మరింత క్లాసీగా చూపిస్తాయి.
చాలామంది తమ ఇంటి హాల్ లేదా లివింగ్ రూమ్ను చాలా అందంగా తీర్చిదిద్దుకుంటారు. ఈ క్రమంలో అక్కడ గోడకు పెద్ద ఏసీ మిషన్ కనిపిస్తే.. ఆ అందం తగ్గుతుందని భావిస్తారు. అలాంటి వారికి క్యాసెట్ ఏసీ బెటర్ ఆప్షన్ అనే చెప్పాలి. ఇది ఫాల్స్ సీలింగ్లో కలిసిపోయి ఉంటుంది కాబట్టి.. అసలు ఏసీ ఎక్కడ ఉందో కూడా తెలియదు. గదిలో ఎక్కువ మంది జనం ఉన్నా, అందరికీ సమానంగా చల్లదనం అందడం దీని ప్రధాన ప్లస్ పాయింట్.
Also Read: 50% కరెంట్ ఆదా చేసే 5-స్టార్ డబుల్ డోర్ ఫ్రిడ్జ్లు.. జీరో డౌన్ పేమెంట్తో పట్టుకెళ్లొచ్చు!
ఈ ఏసీని అందరూ అమర్చుకోలేరు. దీనికోసం మీ గదిలో ఫాల్స్ సీలింగ్ తప్పనిసరిగా ఉండాలి. అంతేకాదు.. సీలింగ్ పైన మిషన్ ఫిట్ చేయడానికి కనీసం 12 అంగుళాల ఖాళీ చోటు ఉండటం ముఖ్యం. పాత కాలపు ఇళ్లు, తక్కువ ఎత్తు ఉన్న గదులకు ఇవి అంతగా సెట్ కావు. సాధారణంగా 250 చదరపు అడుగుల కంటే పెద్దగా ఉండే గదులకు ఇవి చాలా బాగా సరిపోతాయి. చిన్న బెడ్ రూమ్స్ అయితే మామూలు ఏసీలే మేలు.
సాధారణ స్ప్లిట్ ఏసీలతో పోలిస్తే.. వీటి ధర కొంచెం ఎక్కువే ఉంటుంది. 1.5 టన్ నుండి 2 టన్ల కెపాసిటీ ఉన్న క్యాసెట్ ఏసీల ధరలు రూ.65,000 నుండి మొదలై రూ.1,10,000 వరకు ఉంటాయి. బ్రాండ్ను బట్టి ఈ ధరల్లో మార్పులు ఉండవచ్చు. ఇన్స్టాలేషన్ కోసం కూడా రూ.8,000 నుండి రూ.15,000 వరకు ఖర్చు అవుతుంది. ఎందుకంటే.. వీటిని సీలింగ్లో అమర్చడం కొంచెం క్లిష్టమైన పని కాబట్టి.
క్యాసెట్ ఏసీని అమర్చడానికి నిపుణులైన టెక్నీషియన్లు మాత్రమే కావాలి. సీలింగ్లో పైపులు, డ్రైనేజీ లైన్లు పక్కాగా ఉండేలా చూసుకోవాలి. లేదంటే సీలింగ్ పాడయ్యే అవకాశం ఉంటుంది. అలాగే ఏసీ ఫిల్టర్లు శుభ్రం చేయడానికి, ఏదైనా రిపేర్ వస్తే ప్రొఫెషనల్ సర్వీస్ అవసరం అవుతుంది. దైకిన్, ఎల్జీ, బ్లూ స్టార్, మిత్సుబిషి వంటి కంపెనీలు ప్రస్తుతం ఇండియాలో వీటి కోసం మంచి సర్వీస్ నెట్వర్క్ను కలిగి ఉన్నాయి.
మీరు క్యాసెట్ ఏసీ కొనాలని నిర్ణయించుకుంటే.. ముందుగా ఒకసారి టెక్నీషియన్ను పిలిపించి మీ గదిని చూపించడం మంచిది. మీ సీలింగ్ ఎత్తు ఎంత ఉంది, ఆ గదికి ఎన్ని టన్నుల ఏసీ కావాలి అనేది వాళ్లే కచ్చితంగా చెప్పగలరు. ఇన్వర్టర్ మోడల్స్ తీసుకోవడం వల్ల కరెంటు బిల్లు కూడా ఆదా అవుతుంది. పక్కా ప్లానింగ్తో వీటిని అమర్చుకుంటే మీ ఇల్లు ఒక ఫైవ్ స్టార్ హోటల్ లాంటి అనుభూతిని ఇస్తుంది.
Also Read: వన్ప్లస్ నుంచి శాంసంగ్ వరకు.. ఏప్రిల్లో విడుదలయ్యే క్రేజీ ఫోన్ల లిస్ట్ ఇదే!
ఈ కథనంలో మీకు పరిచయం చేసిన ప్రొడక్ట్ లేదా దాని ధరలు.. ఆయా కంపెనీల ఆఫర్లపై ఆధారపడి ఉంటాయి. వాటిని కొనుగోలు చేసేప్పుడు ఒకటికి రెండుసార్లు తప్పకుండా సరిచూసుకోగలరు. మీరు కొనుగోలు చేసే సమయానికి ఈ కథనంలో పేర్కొన్న ధరలు మారిపోయి ఉండవచ్చు. కాబట్టి.. అలాంటి విషయాలకు ‘బిగ్ టీవీ’ బాధ్యత వహించదని గమనించగలరు. ఈ వివరాలు కేవలం మీ అవగాహన కోసం మాత్రమే.
Share
BSNL Validity: బీఎస్ఎన్ఎల్ కస్టమర్లకు షాక్.. ప్లాన్ వాలిడిటీని సగానికి తగ్గించిన కంపెనీ
Realme P4 Lite 5G: బడ్జెట్ ఫోన్ వచ్చేసిందోచ్.. HD+ డిస్ ప్లే, 7000mAh బ్యాటరీ.. నిజంగా అదిరిపోయింది భయ్యా!
