Luxury iPhone 17 Pro| లగ్జరీ స్మార్ట్ఫోన్లకు పెట్టింది పేరు కావియర్ బ్రాండ్. బంగారం, డైమండ్స్, అరుదైన మెటీరియల్స్తో ఈ బ్రాండ్.. ఫోన్లు డిజైన్ చేస్తుంది. ప్రీమియం వాచీలు, యాక్సెసరీస్ కూడా డిజైన్ చేస్తుంది. ఇప్పుడు వాలెంటైన్స్ డే స్పెషల్గా కొత్త కస్టమైజ్డ్ iPhone సిరీస్ లాంచ్ చేసింది. దీని పేరు గార్డెన్ ఆఫ్ ఈడెన్ కలెక్షన్. ఈ కలెక్షన్ అంతా ఆపిల్ iPhone 17 Pro మీద ఆధారపడి ఉంది. ప్రతి మోడల్ ప్రత్యేకంగా కనిపిస్తుంది. ప్రీమియం ప్యాకేజింగ్తో వస్తుంది. ప్రపంచవ్యాప్తంగా ప్రతి మోడల్కు కేవలం 14 యూనిట్లు మాత్రమే విక్రయిస్తారు. ధరలు $10,000 నుంచి ప్రారంభమవుతాయి. భారతదేశంలో ఈ ఫోన్ల ప్రారంభ ధర సుమారు రూ.9 లక్షలు అవుతుంది. కొనుగోలుదారులకు వాలెంటైన్ థీమ్తో గోల్డ్ కాయిన్ కూడా బహుమతిగా ఇస్తారు.
గార్డెన్ ఆఫ్ ఈడెన్ కలెక్షన్లో మూడు డిజైన్లు ఉన్నాయి. వాటి పేర్లు.. Charming Lotus, Goldfish, Wings of Love. అన్ని మోడల్స్లో 24K బంగారం, ఎనామెల్, డైమండ్స్, సఫైర్స్ ఉపయోగించారు. ఇవి iPhone 17 Pro, Pro Max రెండింటికీ అందుబాటులో ఉన్నాయి. కొనుగోలుదారులు 1TB వరకు స్టోరేజ్ ఎంచుకోవచ్చు. ప్రతి ఫోన్ లగ్జరీ జ్యువెలరీ లాంటిదిగా ఉంటుంది. డిజైన్లు లోతైన సాంస్కృతిక అర్థాలను తెలియజేస్తాయి.
చార్మింగ్ లోటస్ మోడల్ తామర పుష్పం నుంచి ప్రేరణ పొందింది. భారతదేశంలో తామర ఆధ్యాత్మిక వృద్ధి, పవిత్రత, అంతర్గత స్పష్టతను సూచిస్తుంది. చైనాలో నిజమైన ప్రేమ, వివాహం బంధాన్ని చూపిస్తుంది. ఈ మోడల్లో అందమైన ఫ్లోరల్ ప్యాటర్న్స్, బంగారం, ఫైన్ ఎనామెల్ వర్క్ ఉన్నాయి. ఎలిగెంట్, రిచ్గా కనిపిస్తుంది. ఇది అత్యంత ఖరీదైన మోడల్. ప్రారంభ ధర 19,630 డాలర్లు (సుమారు రూ.17.7 లక్షలు).
గోల్డ్ఫిష్ మోడల్లో రెండు బంగారు చేపల డిజైన్ ఉంది. వంకరగా ఉన్న గోల్డెన్ ప్యాటర్న్లో కనిపిస్తాయి. బౌద్ధంలో రెండు చేపలు ఐక్యత, భాగస్వామ్యాల మధ్య సామరస్యాన్ని సూచిస్తాయి. చైనీస్ సంస్కృతిలో గోల్డ్ఫిష్.. సంపద, సమృద్ధి, సంతానాన్ని తెలియజేస్తాయి. గోల్డ్-కోటెడ్ కృతులు, సఫైర్ రత్నాలు ఉన్నాయి. కళాత్మకంగా, ఆధునికంగా కనిపిస్తుంది. ప్రారంభ ధర 10,490 డాలర్లు (సుమారు రూ.9.5 లక్షలు).
Also Read: లాయర్, అకౌంటెంట్, మేనేజర్ లాంటి ఉద్యోగాలు ఇక ఉండవు.. మరో ఏడాదిలో అన్నీ మాయం
వింగ్స్ ఆఫ్ లవ్ మోడల్లో ఎగిరే స్వాలోస్ (గుండ్రాళ్లు) డిజైన్ ఉంది. అనేక సంస్కృతుల్లో స్వాలోస్ విశ్వాసం, లాయల్టీని సూచిస్తాయి. యూరప్లో సురక్షిత తిరిగి రావడం, ఆసియాలో శాశ్వత సంబంధాలు చూపిస్తాయి. పురాతన గ్రీస్లో లవ్ గాడెస్ అఫ్రొడైట్తో ముడిపడి ఉంది. ఈ మోడల్ భక్తి, కమిట్మెంట్ను హైలైట్ చేస్తుంది. పోయెటిక్, ఎమోషనల్గా ఉంటుంది. స్టార్టింగ్ ధర 10,340 డాలర్లు.
ఈ ఫోన్లు ఎమోషనల్ డిజైన్పై దృష్టి పెట్టాయి. సాధారణ యూజర్ల కోసం కాదు. కలెక్టర్లు, లగ్జరీ కొనుగోలుదారులకు ఉద్దేశించాయి. ప్రతి ఫోన్ అరుదైన ఆర్ట్వర్క్ లాంటిది. బంగారం, రత్నాల వినియోగం విలువను పెంచుతుంది. లిమిటెడ్ యూనిట్లు ఎక్స్క్లూజివిటీ ఇస్తాయి. కావియర్ టెక్నాలజీని ఫైన్ జ్యువెలరీతో మిక్స్ చేసింది.
గార్డెన్ ఆఫ్ ఎడెన్ కలెక్షన్ వాలెంటైన్స్ సందర్భంగా ప్రేమను లగ్జరీ ద్వారా జరుపుకుంటుంది. iPhoneను అనురాగ చిహ్నంగా మార్చింది. ఇవి సాధారణ గాడ్జెట్లు కాదు. ఎలైట్ కొనుగోలుదారులకు ప్రీమియం గిఫ్ట్లు. చాలా తక్కువ మంది మాత్రమే కలిగి ఉంటారు. అందుకే ఇవి నిజంగా స్పెషల్ అవుతాయి.
Share
Chiranjeevi: చేతికి సర్జరీ...అభిమానుల కోసం తరలివచ్చిన చిరు..ఫిదా అవుతున్న ఫ్యాన్స్!
Municipal Elections: మెతుకు సీమ మున్సిపల్ పోరు.. ముగిసిన ప్రచారం.. మొదలైన మైండ్ గేమ్!
