Smartphone Launch December: ప్రతి సంవత్సరం డిసెంబరు నెలలో పెద్ద కంపెనీలు తమ కొత్త మోడళ్లను విడుదల చేస్తూ మార్కెట్లో కొత్త పోటీని సృష్టిస్తాయి. ఈసారి కూడా అదే ఉత్సాహం టెక్ ప్రపంచం అంతటా కనిపిస్తోంది. వివో, వన్ప్లస్, ఒప్పో, లావా వంటి ప్రముఖ బ్రాండ్లు తమ కొత్త ఫ్లాగ్షిప్, మిడ్ రేంజ్ మోడళ్లను ప్రవేశపెట్టడానికి సిద్ధంగా ఉన్నాయి. కొత్త డిజైన్లు, టాప్ క్లాస్ శక్తి, అప్డేటెడ్ లుక్తో రాబోతున్న ఈ ఫోన్లు వినియోగదారుల ఆశలను మరింత పెంచుతున్నాయి.
వివో ఎక్స్300.. ధర ఎంతంటే?
మొదటగా వివో ఎక్స్300 సిరీస్ గురించి చెప్పాలి. ఈ సిరీస్లో ఎక్స్300, ఎక్స్300 ప్రో మోడళ్లను డిసెంబరులో మార్కెట్కు అందించడానికి సిద్ధం చేస్తున్నారు. గత సంవత్సరంలో వివో ఎక్స్ సిరీస్ చాలా పెద్ద విజయాన్ని అందుకుంది. అందుకే ఎక్స్300 సిరీస్పై అంచానా ఇంకా ఎక్కువగా పెరిగింది. ప్రీమియం రూపం, అత్యంత సన్నని బాడీ, ఫ్లాట్ ఎడ్జ్ స్టైల్, గ్లాస్ ఫ్రేమ్ ఇవి ప్రత్యేక ఆకర్షణగా నిలుస్తాయి. వివో ఎక్స్300 ప్రారంభ ధర సుమారు రూ 54,999 నుంచి మొదలవుతుందని, ఎక్స్300 ప్రో ధర రూ 62,999 వరకు ఉండొచ్చని టెక్ సర్కిల్స్లో వినిపిస్తోంది. డిజైన్ మీద ఆసక్తి ఉన్నవారికి ఇది మంచి ఎంపికగా మారే అవకాశం ఉంది.
వన్ప్లస్ 15ఆర్ సూపర్ ఫీచర్లు
తదుపరి వన్ప్లస్ 15ఆర్. ఈ సిరీస్ ఎప్పుడూ వినియోగదారుల దృష్టిని ఆకర్షిస్తూ ముందుకు వచ్చినది. గత సంవత్సరం వచ్చిన 14ఆర్ మంచి స్పందన రాబట్టింది, అందుకే 15ఆర్ మీద ఆశలు మరింత పెరిగాయి. మెటల్ ఫ్రేమ్, మెటల్ బాడీ కలయిక, వెనుక భాగంలో లైటింగ్ ఎఫెక్ట్, అప్డేటెడ్ లుక్ ఇవి వన్ప్లస్ 15ఆర్కి ప్రత్యేక గుర్తింపు తెస్తాయి. మార్కెట్లోకి వచ్చిన వెంటనే మిడ్ రేంజ్ ప్రాంతంలో కొత్త పోటీకి నాంది పలకబోతుంది. ధర విషయానికి వస్తే ప్రారంభ ధర సుమారు రూ 39,999 ఉండొచ్చని, హయ్యర్ స్టోరేజ్ మోడల్ రూ 44,999 వరకు ఉండవచ్చని సమాచారం.
Also Read: Realme F22 5G Phone: ఏంటి బ్రో.. ఈఫోన్ జస్ట్ రూ.10వేలేనా.. రియల్మీ ఎఫ్22 5సి మిస్సవ్వకండి..
ఒప్పో రినో 15 సిరీస్ అందుబాటులో ధర
ఇప్పుడు ఒప్పో రినో 15 సిరీస్ గురించి మాట్లాడుకోవాలి. రినో సిరీస్ ఎప్పుడూ తన అందమైన డిజైన్తో అందరినీ ఆకట్టుకునేలా వస్తుంది. ఇప్పుడు రినో 15, రినో 15 ప్రో మోడళ్లతో డిసెంబరును మరింత వేడెక్కించబోతోంది. కరువై షేప్ (వంకర ఆకృతి)గల బాడీ, చేతిలో ఎలాంటి అడ్డంకి లేకుండా పట్టుకునే సౌకర్యం, వెనుక భాగంలో అద్భుత రంగుల కాంబినేషన్ అన్నీ ఇవి డిజైన్ను ప్రత్యేకంగా నిలబెడతాయి. ధర విషయానికి వస్తే రినో 15 ప్రారంభ ధర రూ 32,999 నుంచి, రినో 15 ప్రో రూ 39,999 వరకు ఉండొచ్చని సమాచారం.
డిసెంబర్లోకి భారతీయ బ్రాండ్ లావా అగ్ని
తరువాత మన భారతీయ బ్రాండ్ లావా. లావా అగ్ని సిరీస్కు మంచి గుర్తింపు లభించింది. ఇప్పుడు అగ్ని 4 మోడల్ను డిసెంబరులో విడుదల చేయడానికి సిద్ధం అవుతున్నారు. పూర్తిగా భారతీయ తయారీ, నిర్మాణ నాణ్యత మరియు అందుబాటు ధర అన్నీ కలిపి లావా ప్రత్యేకతలు. ధర అంశంలో అగ్ని 4 రూ 19,999 నుంచి ప్రారంభం కావొచ్చని, హయ్యర్ మోడల్ రూ 22,999 వరకు ఉండొచ్చని అంచానా.
ఈ నాలుగు ఫోన్లలో ఏది బెస్ట్?
డిజైన్ ప్రేమికులు మరియు ఫోటోగ్రఫీపై దృష్టి పెట్టేవారికి వివో ఎక్స్300 సిరీస్ మంచి ఎంపిక. మిడ్ రేంజ్లో విలువ, శక్తి, అప్డేటెడ్ అనుభవం అన్నీ బ్యాలెన్స్డ్ గా కావాలంటే వన్ప్లస్ 15ఆర్ మంచి ఎంపికగా కనిపిస్తోంది. స్టైలిష్, ఎలిగెంట్ లుక్ కోరుకునే వారికి ఒప్పో రినో 15 బెస్ట్ ఫిట్. ధర, భారతీయ తయారీ, బెస్డ్ డైలీ యూజ్ చూస్తే లావా అగ్ని 4 మంచి ప్రాక్టికల్ నిర్ణయం. మొత్తం చూసుకుంటే వన్ప్లస్ 15ఆర్ ఈ విడుదలలలో ఎక్కువ మంది దృష్టిని ఆకర్షించే బెస్ట్ ఆల్రౌండ్ ఎంపికగా నిలుస్తోంది.
డిసెంబర్ చివరిలో రానున్న మరిన్ని బ్రాండ్స్
డిసెంబరు చివరి వారానికి షావోమి నోట్ 13 టర్బో, శాంసంగ్ ఏ సిరీస్లో కొత్త మోడల్, రియల్మీ సిటి నియో సిరీస్ మోడల్ కూడా లాంచ్ అయ్యే అవకాశముంది. ఈ నాలుగు పెద్ద బ్రాండ్లు మరియు వచ్చే మోడళ్లతో మార్కెట్ మరింత వేడెక్కడం ఖాయం. డిసెంబరు సెలవులు మొదలైనప్పుడు కొనుగోలు డిమాండ్ పెరుగుతుంది, వినియోగదారుల ఎంపికలు మరింత విస్తరించబోతున్నాయి. చివరికి టెక్ మార్కెట్ పూర్తిగా కొత్త రూపంలోకి మారుతుంది.
Share
Peddi Movie: ఢిల్లీలో క్రికెట్ మ్యాచ్ ఆడనున్న రామ్ చరణ్, సైలెంట్ గా చక్కబెడుతున్న బుచ్చిబాబు
Jonna rotte: చలికాలంలో జొన్న రొట్టెలు తింటే జరిగేది ఇదే
