Dell XPS 13: ప్రముఖ టెక్ దిగ్గజం డెల్ తమ పాపులర్ ల్యాప్టాప్ సిరీస్లో XPS 13 (2026) కొత్త వెర్షన్ను మార్కెట్లోకి తీసుకొచ్చింది. ముఖ్యంగా యాపిల్ మ్యాక్బుక్ నియో ల్యాప్టాప్కు గట్టి పోటీ ఇచ్చేలా దీనిని రూపొందించారు. గతంలో వచ్చిన మోడల్స్తో పోలిస్తే.. దీనిలో పెర్ఫార్మెన్స్ పరంగా ఎన్నో అప్గ్రేడ్స్ చేశారు. విద్యార్థులను ఆకట్టుకునేలా భారీ డిస్కౌంట్తో ఈ ల్యాప్టాప్ను కంపెనీ అందుబాటులోకి తెచ్చింది.
ఈ కొత్త Dell XPS 13 ల్యాప్టాప్ చూడటానికి ఎంతో స్టైలిష్గా, స్లిమ్గా ఉంటుంది. ఇది కేవలం 1 కేజీ బరువు, 12.7 మిమీ మందంతో డెల్ చరిత్రలోనే అత్యంత తేలికైన ల్యాప్టాప్గా నిలిచింది. దీనిలో 13.4 అంగుళాల 2.5K డిస్ప్లేను అందించారు. ఇది 120Hz రీఫ్రెష్ రేట్, 500 నిట్స్ బ్రైట్నెస్తో వస్తుంది. దీంతో ఎండలో స్క్రీన్ చూసినా స్పష్టంగా కనిపిస్తుంది. ఇంత స్లిమ్గా ఉన్నప్పటికీ.. దీని బాడీ చాలా దృఢంగా ఉంటుందని కంపెనీ చెబుతోంది.
Also Read: యాపిల్ నుంచి తొలి మడత ఫోన్.. ఐప్యాడ్ లాంటి లుక్, రూ.2 లక్షల ధరతో iPhone Ultra!
Dell XPS 13లో సరికొత్త ఇంటెల్ కోర్ 5 320, కోర్ అల్ట్రా 7 355 ప్రాసెసర్లను ఉపయోగించారు. ఇది 4.7GHz క్లాక్ స్పీడ్తో పాటు ఏఐ టాస్క్ల కోసం 49 TOPS ఎన్పీయూ సామర్థ్యాన్ని కలిగి ఉంది. అలాగే 32GB వరకు RAM, 1TB వరకు స్టోరేజ్ లభిస్తుంది. ల్యాప్టాప్ వేడెక్కకుండా ఉండటానికి డ్యూయల్ ఫ్యాన్ కూలింగ్ సిస్టమ్ను అమర్చారు. అలాగే విండోస్ హలో ఫేస్ అన్లాక్ ఫీచర్, క్వాడ్ స్పీకర్లు ఇందులో ఉన్నాయి.
కనెక్టివిటీ కోసం దీనిలో వైఫై 7, బ్లూటూత్ 6.0తో పాటు రెండు యూఎస్బీ-సి పోర్టులు ఇచ్చారు. అలాగే దీనిలో 52Wh బ్యాటరీని అందించారు. దీంతో ఒక్కసారి ఛార్జ్ చేస్తే ఏకంగా 17 గంటల వరకు బ్యాకప్ ఇస్తుందని డెల్ చెప్తోంది. దీనికి 65W ఫాస్ట్ ఛార్జింగ్ సపోర్ట్ కూడా ఉంది. ఈ ల్యాప్టాప్ ప్రారంభ ధర రూ.58,000 కాగా, 16 ఏళ్లు పైబడిన విద్యార్థులకు ప్రత్యేక ఆఫర్ కింద కేవలం రూ.50,000 (పరిమిత కాలం పాటు) లభిస్తుంది.
Also Read: జస్ట్ రూ.1,799కే Itel Aqua వాటర్ ప్రూఫ్ ఫోన్.. అరగంట పాటు నీటిలో ఉన్నా ఏం కాదు!
Share
కారుణ్య నియామకాలు.. సుప్రీంకోర్టు సంచలన తీర్పు, ఇకపై వారికి కూడా
పవన్ కళ్యాణ్కు పాలిటిక్స్ తెలీదు.. మోదీ నమ్ముకుని బలి కావొద్దు.. అద్దంకి దయాకర్ షాకింగ్ కామెంట్స్!
