Air Coolers: సమ్మర్ లో మధ్యతరగతి ప్రజలు ఎక్కువగా కూలర్లను కొనుగోలు చేస్తుంటారు. ఏసీలను కొనే ఆర్థిక స్థోమత లేని వారు సైతం చల్లదనం కోసం తక్కువ బడ్జెట్ లో లభించే కూలర్లను ఆశ్రయిస్తుంటారు. అయితే గది పరిమాణం, డిజైన్ ను బట్టి ప్రస్తుతం మార్కెట్ లో మూడు రకాల కూలర్లు అందుబాటులో ఉన్నాయి. డెజర్ట్, పర్సనల్, టవర్ కూలర్ల రూపంలో అవి లభిస్తున్నాయి. అయితే పనితీరు పరంగా వాటి మధ్య ఉన్న వ్యత్యాసాలేంటి? విద్యుత్ ఆదా పరంగా సామాన్యుల ఇంటికి ఏది ఉత్తమమో ఈ కథనంలో తెలుసుకునే ప్రయత్నం చేద్దాం.
ఈ కూలర్లను పెద్ద గదులు, హాల్స్ కోసం రూపొందించారు. ఇవి చాలా శక్తివంతంగా ఉంటూ బయటి నుంచి వేడి గాలిని తీసుకొని చల్లగా మార్చి గదిలోకి పంపిస్తాయి. డెజర్ట్ కూలర్లలో ఫ్యాన్లు పెద్దగా ఉండటంతో పాటు ఎక్కువ నీటిని నిల్వ చేయగల ట్యాంకులను కలిగి ఉంటాయి.
ఇవి చిన్నగదులు, ఒక వ్యక్తికి మాత్రమే కూలింగ్ ను అందిస్తాయి. తక్కువ శబ్దంతో ఇవి పవిచేస్తాయి. వీటి పరిమాణం, సామర్థ్యం తక్కువగా ఉండటం వల్ల.. బెడ్రూమ్లు, స్టడీ రూమ్స్ అనువైనవిగా ఉంటాయి. ఇవి చిన్న సైజ్ లో ఉండటం వల్ల వీటిని ఒక గది నుంచి మరో గదికి ఈజీగా తరలించవచ్చు.
ఈ కూలర్లు.. నిలువుగా ఉండి తక్కువ స్థలాన్ని ఆక్యుపై చేస్తాయి. పై రెండింటితో పోలిస్తే వీటి లుక్, డిజైన్ చాలా స్టైలిష్ గా ఉంటుంది. తక్కువ స్థలం ఉన్న గదులకు, ఆఫీసు క్యాబిన్లకు ఇది అనువైనదిగా ఉంటుంది. ఇతర కూలర్ల తరహాలో కాకుండా వీటిలో ఫ్యాన్కు బదులు ‘బ్లోయర్లు’ (Blowers) వాడతారు.
ఎయిర్ కూలర్లు ఏ మోడల్ కు చెందినప్పటికీ.. విద్యుత్ ఖర్చు అనేది వాటిలోని మోటార్ సామర్థ్యం, ఫ్యాన్ పరిమాణంపై ఆధారపడి ఉంటుంది. దీన్ని బట్టి డిజెర్ట్ కూలర్లు అధికంగా విద్యుత్ ను వినియోగిస్తాయి. వాటి తర్వాత విద్యుత్ ఖర్చులో టవర్ కూలర్లు రెండో స్థానంలో నిలుస్తాయి. విద్యుత్ ఆదా చేయాలనుకునే వారికి చిన్న గదుల్లో పర్సనల్ కూలర్లు ఉత్తమమైన ఎంపికగా నిలుస్తాయని నిపుణులు స్పష్టం చేస్తున్నారు.
Also Read: Summer Tips: మీ ఇంట్లో ఫ్యాన్లు ఉన్నాయా? ఈ తేలికైన టిప్స్ పాటిస్తే.. వేసవిలోనూ కూల్గా ఉండొచ్చు!
Share
34 ఏళ్ల తర్వాత రీ క్రియేట్.. 62 ఏళ్లలో అదరగొట్టేసిన చిరంజీవి బ్యూటీ!
హారర్ ప్రియులకు అదిరిపోయే ఛాయిస్.. బాబోయ్ కోరికలు అంత భయంకరంగా ఉంటాయా?..
