Dishwasher vs Hand Washing: వంటగదిలో వచ్చి పడే అంట్లను కడిగేందుకు ప్రస్తుత రోజుల్లో రెండు విధానాలు అందుబాటులో ఉన్నాయి. ఒకటి సంప్రదాయంగా వస్తున్న చేత్తో తోమడం కాగా, రెండోది సాంకేతికతను ఉపయోగించి కడిగే డిష్ వాషర్. అయితే గిన్నెలు కడగడానికి రెండింటిలో ఏది బెస్ట్ ఆప్షన్ గా నిలుస్తుందన్న దానిపై చాలా మందిలో సందేహాలు ఉన్నాయి. ఈ నేపథ్యంలో రెండింటికి మధ్య వ్యత్యాసాలు, దేని వల్ల ఎలాంటి ప్రయోజనాలు ఉన్నాయో ఇప్పుడు పరిశీలిద్దాం.
ఆధునిక డిష్ వాషర్లు ఒక పూర్తి లోడ్ ను శుభ్రం చేయడానికి 10-15 లీటర్ల నీటిని మాత్రమే వినియోగిస్తాయి. ఇవి నీటిని రీసైకిల్ చేస్తూ గిన్నెలను శుభ్రపరుస్తాయి. అదే చేత్తో అంట్లు తోమేటప్పుడు కొందరు కుళాయిని ధారగా వదిలేస్తుంటారు. ఫలితంగా ఒక ట్రిప్ అంట్లు తోమడానికి 40-100 లీటర్ల వరకూ నీటిని ఖర్చుచేస్తుంటారు. నీటి ఆదా పరంగా డిష్ వాషర్ మంచి ఛాయిస్ అని చెప్పవచ్చు.
సాధారణంగా మెజారిటీ డిష్ వాషర్లు 60-70 డిగ్రీల ఉష్ణోగ్రత కలిగిన నీటితో గిన్నెలను శుభ్రపరుస్తాయి. దీనివల్ల అంట్లకు ఉన్న మెుండి జిడ్డు, మాడిన మరకలు త్వరగా వదిలిపోతాయి. చేత్తో కడిగడం విషయానికి వస్తే.. చాలా మంది చన్నీళ్లతోనే గిన్నెలు తోముతుంటారు. ఫలితంగా జిడ్డు, నూనె మరకలు వదిలించడానికి ఎక్కువగా శ్రమించాల్సి ఉంటుంది.
డిష్ వాషర్ లు విద్యుత్ ఆధారంగా పనిచేస్తాయి. నీటిని 60-70 డిగ్రీల వరకూ వేడి చేయడానికి కరెంటును ఉపయోగిస్తాయి. అలాగే లోపల రీసైకిల్ కోసం కూడా విద్యుత్ ఖర్చు అవుతుంది. దీంతో ప్రతీనెల కొంతమేర పవర్ బిల్లు పెరుగుతుంది. అయితే చేత్తో తోమడానికి ఎలాంటి విద్యుత్ అవసరం ఉండదు. పవర్ బిల్లు పరంగా చూస్తే ఇది బెటర్ ఆప్షన్ గా నిలుస్తుంది.
డిష్ వాషర్లు అధిక ఉష్ణోగ్రత వద్ద నీటిని వాడటం వల్ల 99.9% వరకూ బ్యాక్టీరియా నశిస్తుంది. ఇది చేత్తో కడగడం కంటే చాలా పరిశుభ్రమైనదిగా చెప్పవచ్చు. మరోవైపు ఆడవారు స్పాంజ్లు లేదా పీచులలో అంట్లు తోముతుంటారు. దీనివల్ల గిన్నెలపై ఉన్న బ్యాక్టీరియా పూర్తిస్థాయిలో తొలగిపోతుందని చెప్పలేం. అలాగని డిష్ వాషర్ తరహాలో అత్యంత వేడి నీటిని ఉపయోగించి చేతులతో గిన్నెలు తోమడమంటే సాధ్యమయ్యే పనికాదు.
Also Read: Budget Dishwashers Under 20000: తక్కువ బడ్జెట్లో.. ట్రెండింగ్ డిష్ వాషర్లు.. ఫీచర్లు, లాభాలు ఇవే!
డిష్ వాషర్ చాలా వేగంగా గిన్నెలను తోమేస్తాయి. అంట్లను అందులో పెట్టి బటన్ నొక్కితే 10 నిమిషాల వ్యవధిలోనే శుభ్రం చేసేస్తాయి. అంతేకాకుండా డ్రై మోడ్ ఆప్షన్ ద్వారా గిన్నెలను ఆరబెడతాయి కూడా. చేత్తో కడగడానికి వస్తే సగటున ఒక వ్యక్తి రోజుకు 30 నుండి 60 నిమిషాల వరకు గిన్నెలు కడగడానికి కేటాయించాల్సి ఉంటుంది. డిష్ వాషర్ వినియోగం వల్ల ఆ సమయం తగ్గి.. ఇతర పనులు చూసుకునేందుకు అవకాశం లభిస్తుంది.
Also Read: Dishwasher Benefits: అంట్లు తోమలేకపోతున్నారా? డిష్ వాషర్ కొనేయండి.. బోలెడన్ని ప్రయోజనాలు!
Share
Mega 158: మరో సారి సంక్రాంతికి రెడీ అవుతున్న ‘మెగా158’.. స్టార్టింగ్ డిలే ఎందుకంటే?
Trisha - Vijay: విజయ్ కి అండగా త్రిష.. టీవీకే తరఫున అక్కడి నుండి పోటీ?
