Samsung Galaxy S25: అస్సలు మిస్ చేసుకోవద్దు బ్రో.. ఆ శాంసంగ్ ఫోన్‌పై రూ.20వేల తగ్గింపు!

Samsung Galaxy S25: శాంసంగ్ ఫోన్ కొనాలని చూస్తున్నవాళ్లకి.. భారీ గుడ్‌న్యూస్. మార్కెట్‌లో ఈ ఫోన్స్‌కు పెరుగుతున్న డిమాండ్‌ను బట్టి త్వరలో శాంసంగ్ తన గెలాక్సీ S26 సిరీస్‌ను విడుదల చేయడానికి సన్నాహాలు చేస్తుంది. ఈ తరుణంలో కంపెనీ ఈ ఏడాది లాంచ్ చేసిన శాంసంగ్ గెలాక్సీ S25 ఫోన్‌‌ను తక్కువ ధరకే విక్రయిస్తోంది. ప్రస్తుతం అమెజాన్ ఈ ఫోన్‌‌పై ఏకంగా రూ.20,000 తగ్గింపును ప్రకటించింది. శాంసంగ్ అత్యంత కాంపాక్ట్ ఫ్లాగ్‌షిప్ పరికరాల్లో ఈ ఫోన్ ఒకటి. ఇప్పుడీ ఫోన్ డిస్కౌంట్ ధర, ఫీచర్ల వివరాలు చూద్దాం..

కళ్లు చెదిరే ఆఫర్లు..

ఈ సంస్థ తన శాంసంగ్ గెలాక్సీ S25 ఫోన్‌ను మార్కెట్లో రూ.80,999 ధరకు లాంచ్ చేసింది. అయితే, ప్రస్తుతం అమెజాన్ ఇండియాలో దీని ధర రూ.63,690. అంటే.. ఇది దాని అసలు లాంచ్ ధర నుండి నేరుగా రూ.17,309 తగ్గింపు పొందుతోంది. అంతేకాదు.. ఫెడరల్ బ్యాంక్ క్రెడిట్ కార్డ్ EMI లావాదేవీతో ఈ ఫోన్‌పై అదనంగా రూ.3,000 ఇన్‌స్టంట్ తగ్గింపు ఉంటుంది. కాబట్టి ప్రభావవంతమైన ధర కేవలం రూ.60,690కి వస్తుంది. దీంతో ఈ ఫోన్‌పై ఏకంగా రూ.20వేల కంటే ఎక్కువ తగ్గింపు లభిస్తోంది. ఇంకో గుడ్‌న్యూస్ ఏటంటే.. ఈ ఫోన్ మీద రూ.44050 ఎక్స్ఛేంజ్ ఆఫర్‌ కూడా పొందవచ్చు. కాకపోతే.. ఎక్స్ఛేంజ్ విలువ పాత ఫోన్ కండిషన్, మోడల్‌పై ఆధారపడి ఉంటుందని కంపెనీ తెలిపింది.

స్పెసిఫికేషన్ల విషయానికొస్తే..

ఈ ఫోన్ ఫీచర్ల విషయానికొస్తే.. 6.2 అంగుళాల FHD+ అమోలేడ్ డిస్‌ప్లేను కలిగి ఉంది. అడాప్టివ్ 120Hz రిఫ్రెష్ రేట్‌కు కూడా మద్దతు ఇస్తుంది. ఈ ఫోన్ శక్తివంతమైన క్వాల్కమ్ స్నాప్‌డ్రాగన్ 8 ఎలైట్ చిప్‌సెట్ ద్వారా శక్తిని పొందుతుంది. ఈ ఫోన్ గరిష్టంగా 12GB RAM+512GB వరకు అంతర్గత నిల్వతో జత చేయబడింది. ఇది ఆండ్రాయిడ్ 16 ఆధారంగా One UI 8ని అమలు చేస్తుంది. దీంతోపాటు AI ఆధారిత ఫీచర్లను కలిగి ఉంది. ఈ ఫోన్ OISతో 50-మెగాపిక్సెల్ ప్రైమరీ సెన్సార్, 12-మెగాపిక్సెల్ అల్ట్రా-వైడ్ లెన్స్, 3x ఆప్టికల్ జూమ్‌తో 10-మెగాపిక్సెల్ టెలిఫోటో లెన్స్‌తో కూడిన ట్రిపుల్-కెమెరా సిస్టమ్‌ను కలిగి ఉంది. ఇది 25W ఫాస్ట్ ఛార్జింగ్ సపోర్ట్‌తో 4000mAh బ్యాటరీని కలిగి ఉంటుంది.